Read Hadiyya Mazmuu'l Kitaaba 76 Bible Online

Mazmuu'l Kitaaba 76 - Hadiyya bible

Mazmuu'l Kitaaba 76

¹Yihuxxi uullanne Waa'i la'amaakkoohane; Isra'eelannem ixxi summi lombaamo.

²Ixxek dukkaan Saaleemanne heechchi beyyim Xiyoonannette.

³Eehe'em belecce'oo xiyyuwwa, agiraa bisa'aa bagadoo mulli o'l muuta hundamii xaansukko.

⁴Waa'a! At hinkaa'nna lombaamo! ki hibbim heer heerina hee'oo duunnuwwiinsi lobane.

⁵Geedduwwi boganto'ookko; ki'llambee'isam diriitto'ookko; ixxuwwi gaadaaniinsi matim anga mikimikaa'eena xanukkoyyo.

⁶Yaaqoob Waa'a! At axeettittaare faradii faradaanii ki'llambee'isa diriitto'ookko.

⁷Waa'a! Baddimmi hasisookkok xale'i keesette; at quuqqoohare ki illagenne uulleena xanookkok ayyette?

⁸At oogato iimaniinsi la'issitto; uullim baddaa sa'ukko.

⁹Oohim uullanne wor amadanta'a yo'i keen hundam gatisseena at Waa'i oogatina ki'llitti ammane.

¹⁰Manni quunqi ki lombina mashka'i ihookko; quunqiinsi gatto'i keenim egexxantamo.

¹¹Baddimmi hasisoo ki'nnuwwi Moollanni Waa'ina uga'a aaggehe; ee uga'am ixxena uwwehe. Ixxi kululleetanne hee'llakkam keen hundim ixxena irfo'o eebbehe.

¹²Waa'i gassaa'nneka amaada sholliisookko; uulli adilluwwi hundim ixxo badditamo.