Read Hadiyya Mazmuu'l Kitaaba 85 Bible Online

Mazmuu'l Kitaaba 85 - Hadiyya bible

Mazmuu'l Kitaaba 85

¹Waa'a! Ki uulla erillinne moo'llaatto; Yaaqoobikam qeefajj'oo dabattaatto.

²Ki minaadaphphi hawwojja haafitto; ixxuwwi baaxiil hundam uttitto.

³At ixxuwwanne quuqqitti quunqiinsi daba'llitto; nadadditti nadajjam uttitto.

⁴Neese gatisaanchi Waa'a, neese dabattaa areese; neesenne quuqqitti ki quunqam ure.

⁵Neesenne quuqqoottok heer heerinattennihe? Ki quunqi qaranchi hundannem higoohanennihe?

⁶Ki minaadab keesenne liiramoo'isina at dabattaa foorinne hee'oo'isa isse.

⁷Waa'a! Ki eroomma niina moo'ise; neesem gatise.

⁸Moollanni Waa'i wocookkoka an macceesoommo; daba'llita'a huushanchi googonne mattobeelas ixxi minaadabinaa amma'nnanto'oo keeninaa xumma uwweena neeyyata aagaakko.

⁹Waa'ik lombi ni uullanne ihoo'isina hanqinam ixxek gatisimmi ixxo badditam keenonnette.

¹⁰Iittii hanqii edanto'o; muccuroomii xummii sunqanto'o.

¹¹Hanqi uulliinsi mutukko; muccuroomim iimaniinsi aad moo'ukko.

¹²Waa'i er luwwa uwwookko; ni uullim atoota uwwookko.

¹³Muccuroom ixxi illaginne marookko; ixxenam googom gudisookko.