Read Hadiyya Mazmuu'l Kitaaba 91 Bible Online

Mazmuu'l Kitaaba 91 - Hadiyya bible

Mazmuu'l Kitaaba 91

¹Hundiinsi lob Waa'anne daphphixxookkok hundam xanoo Moollanni hafanne usheexxookko.

²Waa'inam «At iina yabo aagoommi beyyo, girbaa amma'nnamoommi i Moollannaa» yoommo.

³Waa'i keese maaxamaakkoo qaashiinsii shoo jabbiinsii egerookko.

⁴Ixxi laxxi woronne keese maaxookko; abooyyoo bikkina xumminne hee'llootto; ixxek amma'nnamaakkoohaannoomim kiina agiraa daato'oo ihookko.

⁵At «Hii'mmeka tuunso ballikam darabamoo xiyya badditooyyo.

⁶Tuunsonne dugoo jabboo sammi gud balli boobanaa badditooyyo.

⁷Mat kum ki gadanonne tommi kumim ki makki kollonne ubookko; ihukkaarem ki kolli hincooyyo.

⁸Jor kee'n guzumo'ancha xale'i ki illinne moo'llootto.

⁹Mashka'oomim Waa'a joriinsi egeraanchoo hundiinsi lobokam yabo aagakkam beyyoo issitaatto.

¹⁰Ee bikkina jor luwwi keesenne afooyyo; boobanim ki minenne hincooyyo.

¹¹Mashka'oomim at mattoo goog hundannem keese egettam asse'amaano ki bakkina ijaajookko.

¹²Ixxuwwim ki lokko kin qoloobee'isa ixxuwwi anginne keese ki'issamo.

¹³At hobbaa hamashshaa hancaaccootto; hobbichchi geexaa xara'aa hancaacantootto.

¹⁴Waa'i «Eese iittu bikkina diina'i angiinsi gatisoommo; i summam la'u bikkina joriinsi egeroommo.

¹⁵Eese weeshookko; anim dabaroommo; hawwi ammanem ixxennetti ihoommo; ixxom gatisoommo; lonsoommome.

¹⁶Qeeraa'l umuram uwwoommo; i gatisaanchoomam ixxena moo'isoommo» yoolla.