Read Hadiyya Mazmuu'l Kitaaba 92 Bible Online

Mazmuu'l Kitaaba 92 - Hadiyya bible

Mazmuu'l Kitaaba 92

¹Waa'a galaxximmi danaamo; Hundiinsi lob Waa'a! Ki summina zammarimmim erane.

²Dar dara ki eroomma hiim hiiimom kiikka amma'nnantaattoohaannooma wocimmi danaamo.

³Tommi muuncan yoo diitta'innee maasiinqo'i sagarinnee keese galaxximmi danaamo.

⁴Waa'a! Ki bax eese liiransu bikkina ki angi bax bikkina liiranchinne zammaroommo.

⁵Waa'a! Ki bax hinkido'i lobane; ki sawwitim hinkido'i xillaalla.

⁶Tiirbee'i manchi kaka la'ooyyo; qawwim qoossooyyo.

⁷Jor keen hixisa li'uta'nnim, boqqi keen latuta'nnim, oo keen heer heerinam bi'ookko.

⁸Waa'a! Ihukkaarem at heer heerinam hundiinsi lobane.

⁹Waa'a, ki diina'i bi'ookko; jora issoo keen hundim binnookko.

¹⁰Ihukkaarem at mat buud yoo boobichchi buuxxisa eese iimiimaa'llitto; danaam zaytam eesenne labbitto.

¹¹I moso'i kaa'anto'isa i illinnem moo'ummo; jor i diina'i ubbo'isam i maccinne macceesummo.

¹²Muccur keen dinbaaphphisa dagaaggamo; Liibaanoos uulli digiphphisam li'llamo.

¹³Oo keen Waa'i minenne kaasanto'oo bikkina ni Moollanni wixxixxi beyyonne dagaaggamo.

¹⁴Lommanna'n doollennem misha mishshamo; hundi ammanem lataa hee'oo haqqisa ikkamo.

¹⁵Oo moo'isookkok Waa'i hanqo'ane, ixxi neese joriinsi egeraanchoo ixxonne miiqakkam luwwi bee'anee ihukkisa.