Read Hadiyya Mazmuu'l Kitaaba 95 Bible Online

Mazmuu'l Kitaaba 95 - Hadiyya bible

Mazmuu'l Kitaaba 95

¹Waallehe, Waa'a galaxxinona; neese gatisaanchi Waa'inam liiranchinne zammallona.

²Ixxi illagenne hincinaatim ixxo galaxxinona; galaxxi mazmuuram liiranchinne zammallona.

³Mashka'oomim ixxi hundiinsi lob Waa'a; odim mulli Waa'uwwiinsi hundiinsim lob Adila.

⁴Uulli xilli hundim ixxi angannette; duunnuwwi ludim ixxane.

⁵Ixxi qooccu bikkina dambalaq ixxane; uullam ixxi angi baxukko.

⁶Waallehe, ixxi lokki lugumonne umbaa otossinona neese qoocu Waa'i illagennem guruphphinona;

⁷ Ixxi niina Waa'a; neesim ixxi abooyyoo ixxi minaadabaa ixxenam allaachchi gereebbaa. Ee bikkina

⁸«Gaassi ki'nnuwwi anno'i Mariiba yakkam beyyonne ikko'isa ee ayyaamo Maasa'a yakkam udma'i uullanne issito'isa ki'nnuwwi wodano duudissakkotte.

⁹An ixxuwwina issummi maalalsiisoo luwwa moo'llo'aare ee beyyonne eese keento'o; iinninnem uullixxanto'o.

¹⁰Ee minaadaba sor hiinco hundoomam shigigummo; Ixxuwwinam ‹Hundi ammanem huushamoo i googo la'oobee'i minaadaba› yummo.

¹¹Ee bikkina an quuqaa ‹Usheexxatonne hore'em aaggamoyyo› yaa hide'ummo» yoo sagara kaballa qoossitakka'a macceessehe.