Read Hadiyya Mazmuu'l Kitaaba 99 Bible Online

Mazmuu'l Kitaaba 99 - Hadiyya bible

Mazmuu'l Kitaaba 99

¹Waa'i adil ihaakko; minaadab huxe'ona; ixxi adilla'n barcumanne kirubeelanne afuuraakko; uulli huxe'ona.

²Waa'i Xiyoonanne lobane; minaadab hundiinsim ixxi hanaanette.

³Ixxeka lobakata baddisookkokaa hibbaam summaa manni hundim galaxxona; ixxi keesamma.

⁴Hanqa iittitoo malaayyaam adila; at hanqa shooho'llitto; hanqii muccuroomii Yaaqoobanne moo'amoo'isa issitto.

⁵Ni Moollanni Waa'a iimiimaa'llehe; ixxi lokki lugumonnem ixxena otossillehe; ixxi keesamma.

⁶Muse'ee Aaroonii ixxena qeessuwwi hee'llo'o; Saamu'eelim ixxi summa weeshoo keeniinsi mat hee'ukko; Oo keen hundim Waa'i kollonne laatto'o; ixxim macceesukko.

⁷Waa'im duuphphi utuphphi woronne ihaa ixxuwwina wocukko; ixxuwwim ixxi uwwu seeraa ijaajoo egetto'o.

⁸Ni Moollanni Waa'a! At ixxuwwi uunxato macceessitto; ixxuwwi bi'isso'i bi'ishshina guzumo'llittaarem at ixxuwwina haafitoo Waa'a.

⁹Ni Moollanni Waa'a iimiimaa'llehe; keesamaakkoo ixxi duunannem ixxena otossillehe; ni Moollanni Waa'i keesamma.