Read Hadiyya Kobi'llishshi Kitaaba 2 Bible Online

Kobi'llishshi Kitaaba 2 - Hadiyya bible

Kobi'llishshi Kitaaba 2

¹I beeto, i sagara aa'llitlas i ijaajom ki beyyonne maaxxaa amadditlas

²ki macci qoorooma macceesoo'isa issitootto; ki wodanom qoossimmanne dabattootto.

³Xillaalli lachcha weeshshilas qoossimmam sagara iimaa'llaa weeshshilas

⁴Biraa maaxamu amaxxaa siiddeena hassoohaanni qaxa qoorooma erisa hassilas

⁵ee ammane Waa'a baddimma laqqootto. Waa'a la'immam siixxitootto.

⁶Waa'i qoorooma uwwookko; ixxi suumiinsem lachchii qoossimmii firookko.

⁷Ixxim wodano xabbeen keenina gatimmi ihookko; amma'nnanchinne taakke'llam keeninam agi'llisa ihookko.

⁸Hawwodanto'i mannina hanqa oogattam keeno abooyyookko; amma'nnanchinne awwaaddam keenom egerookko.

⁹An yoommi luwwa macceessilas muccurooma, hanqa oogatimma, xabbeenoomaa danaam googoo hundam qoossitootto.

¹⁰Qooroom ki wodanonne aagoo bikkina lachchi ki foore liiransookko.

¹¹Qeessitaa sawwimmi keese egerookko; jor luwwiinsim keese daphphaa'ookko.

¹²Qooroom boqqi woshsha woccam keeniinsii jor googiinsii keese gatisookko.

¹³Ixxuwwim tuunsi googonne taakke'lleena xabbeen googo uttam keeno.

¹⁴Ixxuwwi xabbeen luwwa boqqisimmannee hantaar wo'mmaakkoo jor baxo baximmannee liirantamo.

¹⁵Ixxuwwi amma'nnantambee'i keenoo boqquwwaa.

¹⁶An wocoommi woshsha macceessilas qawwiisoo sagara woccam saa'aancho meentichchoonsi fissaqqiteena xantootto.

¹⁷Eehido'i meentichcho baajoomma'n aro'o laggo'ookkotanee Waa'i illagenne aaggo'i hidirom xaddo'ookkotanee.

¹⁸Is mi'n kolli mattillas ki taakki leh kollonnetti ihookko; is beyyo marimmi lehakka'a waammamimmisa.

¹⁹Is mine aagoo keen hundim daba'llooyyo; heechchi googom moo'een xanooyyo.

²⁰Ee bikkina at er manni googo awwonimmii muccur kee'n googonne taakke'immii hasisookko.

²¹Wodano xabbeen manni ka uullanne afuutteena xantamo; miiqakkam luwwi bee'i keenim ka uullanne hee'llamo.

²²Ihukkaarem baaxiilaan manni ka uulliinsi bi'llamo; boqquwwi keenim uulliinsi xoqolantamo.