Read Hadiyya Birimmi Kitaaba 3 Bible Online

Birimmi Kitaaba 3 - Hadiyya bible

Birimmi Kitaaba 3

¹An hiimo hundoomam i ara'annette ihaa i tiir iittukkoka hasummo; hasummo; ihukkaarem siidummoyyo.

²Kaba ki'aa beero'i hegeegonne googguwwannee wixxixxi beyyuwwannee i tiir iittukkoka hasoommo; hasummo; ihukkaarem siidummoyyo.

³Do'llu'uuyyi beero'o egettam manni eese moo'llo'o; anim «I tiir iittookkoka moo'llakko'onnihe?» yaa xa'mmummo.

⁴Ixxuwwiinsi hoffokam higummisam i tiir iittookkoka siidummo; xoroobee'isam qoxxisaa amadummo. Iyyummi minem massummo; an qaramummi minem aagisummo.

⁵Yerusaalee'm baajaammuwwa, iitti ixxi gaginne ki'eebe'i afeebe'e mikmikaa'llakka'a ki'isansitakkambee'isa geeroo gaallichchi summinnee udma'i uulli kukkussichchi summinnee uunxoommo.

⁶Daddaraa'n enjisa er enji yookkote, aduruusisa, karbe'e yakkam enjisaa daddaraa'n er enjisaa enje'llu'uuyyi wirii'l utuphphisa ikka'a ku udma'i uulliinsi waattamote ayyette?

⁷Oono'o, Salamoon faraxxi gaare'i Isra'ee'l geedduwwiinsi doo'llanto'oo lohayyi waardiyyuwwinne kibbanta'a waattamuulla.

⁸Hundim bisa'a amadakkamisa losso'oohane; orannem keenanto'oo keeno. Hiimonne afoo hawwinne uullixxameena annannichchim bi'isa'a lade'ukkisam garoohane.

⁹Adil Salamoon faraxxi gaare'enne afuuroo adilla'n barcum Liibaanoos uulli haqqiinsi baxamaakkoohane.

¹⁰Adilla'n barcu'm lokkuwwi kin birinne goolabamaakkoohane; bakke'oo luwwim worqinne wereeggisakko'oohane; ixxi afuuroo beyyi baar fatirinne baxamaakkoohane, woror Yerusaalee'm baajaammuwwi iittinne axissa'a baxxo'i wereeggi luwwinne axisamaakkoohane.

¹¹Xiyoo'n baajaammuwwa, adil Salamoona moo'llakkeena waallehe. Ixxi lobakata liiramu bollochcho'i balla ixxi ama ixxena horoorenne issito'i adilla'n mare'e issaakko.