Read Hadiyya Birimmi Kitaaba 6 Bible Online

Birimmi Kitaaba 6 - Hadiyya bible

Birimmi Kitaaba 6

¹At meenti hundiinsem lophphitoo danaame, ki iitti manchi hanno marukko? Neesem kiinninne maqirem hansona ixxi hanno maruda'e niina kure.

²I iitti manchi ixxi diinate allaareenaa danaam danaam fiita feereenaa enji yoo ixxi duubbi kaashshi beyyo maraakko.

³I iitti manchi iihane; anim ixxetane; ixxi fuutti fiixxi lambe'enne diinate allaarookko.

⁴I iitti manche! At Tirxa'i beero'i'nnoo danaamotte. Yerusaaleemi'nnoo'i lobakata mishissoottotane. O'l mare'e amadaa maroo gogoxxisa baddisoo hibbi yookkotane.

⁵Hay ki ille iinniinsi ki'ise; ki illi eese qeefadaa karaa amadaakko. Ki horoor Gala'aaxxi duuniinsi dilloo fella'i allaachchisa.

⁶Ki inqi lijji maham bee'i lam lamo qaroo wo'inne aanshakko'i qadaalli gereebbi allaachchisa liiransoohane.

⁷Lamem xabanim gunguu'llitti shaashshi afo'inne moo'akkamaare lam beyyonne baxxansamaakkoo oroomaa'n misha laboohane.

⁸Iina lohayyi meenti adilluwwi, sadeentayyi bakki meentii xigiinsi hanaan ihaakkoo baajaammuwwii yookko.

⁹Ihukkaarem an iittoommote xale'i matette; isem miiqakkam luwwi mahim bee'i handare'i'nnoo'i danaamotte. Ise amana mexxo'i matetteme; ama ise mahiinsim lonsita'a iittitamotane; baajaammuwwim ise moo'aa biroolla; meenti adilluwwii bakki meentii galaxxoolla.

¹⁰Tu caakkisa bulluqtamote, aganchisa beleltamote, eelliinchisa caakkissamote, o'l mare'e amadaa maroo gagoxxisa hibbi baddisookkote ise ayyette?

¹¹Cebbanne kaasamaa latu haqqa, woyin latukkisaa oroomaan fiitukkisaa moo'eena lawuza yakkam baaqeela laboo kaashshi yoo beyyo dillummo.

¹²Dangonnem i mixan lombi faraxxi gaare'enne adi'llisa afuussukko.

¹³Taa Sulaa'm uulli idaayyichche, waare; daba'lle! Neese keese qoossinaa moo'nnona waare; daba'lle! Mahinaa'm uulli kajjisa Sulaa'm uulli idaayyichcho moo'llakkamok mahinatte?