Read Hadiyya Birimmi Kitaaba 7 Bible Online

Birimmi Kitaaba 7 - Hadiyya bible

Birimmi Kitaaba 7

¹Taa adi'l landichche, ki lokki kobe'i woronne moo'akkamaare hinkaa'nna mishisoohane; gubeed angi bax lachchaaminne baxamu inqu'u yakkam bito xee'aalli kina labookko.

²Kiikki sur woyi'n diqaas wo'mmaakkoo birille'e labookko. Lamad danaam fiitinne karakko'i aras farshima labookko.

³Lamem anuunim gaallichchi wotallika qafa labookko.

⁴Gaanji daane'i inqinne wereeggisakko'i qoto'akka'a egerakkam godo'isa; illi ee lob beero'i Hisboo'n ooxxi gooc gadanonne hee'oo wo'i delbuwwa labookko. San Damaasqo'o moo'immina baxamu Liibaanoos ki'n godo'o labookko.

⁵Ki horoo'l qoom Qarmeeloos duu'nnisa; horoo'l saraat haarra yakkam fati'l xaacca laboohane. Adilim ki horoo'l danonne qeefadamaakko.

⁶I iitti manche, at hinkaa'nna mishissoottotane? Hinkaa'nnam danaamotte? Ki iitti hinkaa'nna liiransoohane?

⁷Ki uullichchi dimbaaphphi haqqisa; anuunim calcalu ixxi mishisa.

⁸Dimbaaphphi haqqanne firaa misha feerimma iittoommo. Ki anuun calcalu woyi'n mish qaaphphisa ihona; ki fooshshik enji appi'l mish enjisa.

⁹Ki suu'm fooshshi er woyi'n diqaasisa. Eehannata'i er woyi'n diqaas i iitti manchi suu'm lambe'innee inqi lambe'innee «Ga'i ga'a» yukkuuyyi qaphphaa dillona.

¹⁰An i iitti manchitane, ixxi mixanim iinninnette.

¹¹I iitti mancho, waare; beero'iinsi fillaa hax uulla mallona; hiimooma hundam eekke'enne higinsona.

¹²Baqite ki'nnaa woyi'n kaashshi beyyo mallona; oo woyi'n kaashshim fiitaada'ee oroomaanim mishaada'ee moo'nnona. Anim eekke'enne kiina i iitto moo'isoommo.

¹³Inkoy yakkam haqqi mish enjii ee'isam lobakata mishisoo annanni annanni haqqi mishii ni u'llummanne wo'mmaakko. I iitti mancho, ka haqqi mishiinsi gomoraakkoo keenoo haareechchi haareechchoo kiina dissaammo.