Read Hadiyya Issaayyaas Kitaaba 15 Bible Online

Issaayyaas Kitaaba 15 - Hadiyya bible

Issaayyaas Kitaaba 15

¹Moo'aaphphi bikkina wocamu sagar kane. Moo'aaphphi beero'uwwi Eerii Qiirii mexxo'i mat hiimonne bi'ukko. Uulloomim diihukko.

²Diiboo'n minaadab ixxuwwi waa'uwwi minenne wi'lliteena duunanne fittamo; Moo'aaphphi minaadab Naabo'inaa Meedaab beero'inaa kee'mmaalli kichchechchinne wi'llitamo. Kichche'llo'i bikkina horooree haareeddaa hogoossaqqitamo.

³Goog hundannem moo'amoo manni xiddi eddechcha edde'aakkoohane. Mi'n fooqquwwannee wixxixxi beyyuwwannee manni indiidde'ukkuuyyi wi'llookko.

⁴Haseeboo'nnekii Eel i'aal minaadabii laarookko; oo laachchim Yahaax beero'i afeebe'e macceesamookko. Moo'aaphphi gaadaa'nnekim wodan hoogaa baa'llamo.

⁵Moo'aaphphi bikkina wodaninne wi'lloommo; minaadabim Xoo'aaraa Eegilaat Shaliishiyaa gibbo'ookko; hofqaxim wi'llitu'uuyyi Luhiit beqeranne fitto'ookko. Mulli keenim ixxuwwanne afu bichchi bikkina sagara iimaa'lla'a wi'llitu'uuyyi Horoonaayim afeebe'e gibbeena yakitamo.

⁶Niimirii'm daajjuwwi xoo'aakko; aashaalli luwwi hundim gogaakko.

⁷Ee bikkina minaadab ixxuwwi amaxxa hundam wixxaa'lla'a Ahaaya yakkam haqqi yoo cebba higga'a mattamo.

⁸Moo'aaphphi uulli tochchuwwi hundannem laachchi macceesamookko; oo laachchim Eegilaayi'mmekaa Bi'eereelii'm beero'i afeebe'ee afookko.

⁹Diiboo'n beero'i daajjuwwi xiiginne wo'mmaakko; Waa'i eehanniinsi lophphaakkoo luwwa ee beero'onne issookko. Moo'aabiinsi gibba'a xottam keenoo eekke'ennem lehiinsi gatto'i keenoo hundam hobba asse'aa guullookko.