Read Hadiyya Issaayyaas Kitaaba 16 Bible Online

Issaayyaas Kitaaba 16 - Hadiyya bible

Issaayyaas Kitaaba 16

¹Moo'aaphphi minaadaba, Xiyoo'n duunanne yoo ee uulli gassaanchina udma'i uullanne yoo Seela'iinsi gereebbi geexxuwwa maqanxa asse'llamo.

²Moo'aaphphi meenti Arinoo'n daajje fittu'uuyyi do'nniinsi hollokko'i cii'isa aaggam beyyo hoogga'a ekkidii kidii wurwuritamo.

³Moo'aaphphi asse'amaan Yihuxxi minaadabina «Maha issimmi hasisooda'e niina kullehe; samgud ballanne haqqi hafisa neese maaxxehe. Gibba'a ki'nnuwwi beyyonne maaxxehe bagaan higissakka'a uwwitakkotte.

⁴Moo'aabiinsi gibba'a waattam keen ki'nnuwwi uullanne hee'llona; ixxuwwa shiteena hassam keeniinsi gatissehe» yitamo. Wor amadaan ka lasage hee'llamoyyo; uulli bichchi uullookko; uulla bi'issam keenim bi'llamo.

⁵Ee ammane adillan iittinne shooho'amookko; ee adillanonnem Daawiit shumo'iinsi amma'nnamma, oogato boqqisoobee'anee hanqo'an ihu luwwina gaaggaabaallaa ihaakkoo mat adil afuurookko.

⁶Yihuxxi minaadabim «Moo'aaphphi minaadaphphi biranchi bikkina, tobbechchi bikkina bolximmi bikkinaa gado'i bikkinaa macceensaammo; ihukkaarem oo ixxuwwi sha'llanchi awwaad bee'ane» yitamo.

⁷Ee bikkina Moo'aaphphi minaadab ixxuwwanne afu hawwi bikkina wi'llookko; Qiiriheerees beero'onne ittam hee'llo'i er hurbaata tiittam ammane hundim qaraaraallisa wi'llitamo.

⁸Haseeboo'n abuulli uulluwwii Siibii'm woyi'n kaashshi beyyuwwii bi'aakko; ku woyi'n kaashshi beyyuwwi mulli minaadaphphi awwonsaanina dimbisoo woyi'n diqaasa gudisakkam beyyi hee'ukko. Illageen ee woyi'nnek xud Yaa'izeer beero'o afoohan hee'ukko; eelliinchi aagginnem Sooqixxi dambalaqiinsi eeqido ee'isam eelliinchi firinne udma'i uulla afoohan hee'ukko.

⁹Yaa'izeer bikkina wi'lloommisam Siibii'm woyi'n bikkinam wi'lloommo. Haaseeboonaa Eeli'aal bikkinam i indiiddi dunamoolla; mashka'oomim minaadaba liiransookkok bee'e.

¹⁰Oono'o, misha uwwoo er uullanne liiramookkok bee'e; woyi'n kaashshi beyyuwwanne ilillaaxxekii mazmuu'llekii sagar macceesamooyyo; woyi'n diqaasina misha ciinsookkokim bee'e. Waa'i liiranchik ilillaaxxi sagar bi'oo'isa issaakko.

¹¹Ee bikkina i wodan Moo'aaphphi bikkina i godabim Qiiriheerees bikkina kichche'aakko.

¹²Moo'aaphphi minaadab ixxuwwi waa'uwwi minneewwaa otossakkam beyyuwwi baxamaa yoo duunnuwwaa daba'llantu'uuyyi ixxuwwi gaga hoogisso'ookko. Ihukkaarem oo hundim ixxuwwina maham awwaadoobee'ane.

¹³Waa'i Moo'aaphphi bikkina gaassim wocu sagar kane.

¹⁴Ihukkaarem kaba Waa'i «Mat baxaanchik bax amman beeddoohaannisa Moo'aaphphek lombii ixxi minaadaphphek dutii ka sas hiinchoronne sholle'ookko. Ixxuwwiinsi gatookkokim hore'em hofqax ihaa oo keenim xale'i hoogaan ihookko» yukko.