Read Hadiyya Yoonaas Kitaaba 2 Bible Online

Yoonaas Kitaaba 2 - Hadiyya bible

Yoonaas Kitaaba 2

¹Yoonaasim qurxummekkichchi godabonne hee'ukkisam ixxi Moollanni Waa'a

²«Waa'a! U'nnanne hee'ummuuyyi ki kollonne laarummo; atim dabattitto; kiinniinsi hara'mmato siideena si'oolanne ihaa ki kollonne laarummo; atim macceessitto.

³Dambalaqaannonne xillaalli lugumonne uunjitto; i kululleetam wo'i kibbukko; kiikki hambu'llamii womoorii i haninne higukko.

⁴An ki illagiinsi bi'aammoohane; ihukkaarem keesammi ki mine la'mmaaggem moo'oommo.

⁵Wo'im eese xuuxaakko; dambalaq wo'im eese kibbaakko; dambalaq woro'l hixim i horoorenne xaxamaakko.

⁶Duunnuwwi lugumonne aad xuuxamummo; eehanniinsi woroon yoo uulli woronnem heer heerina xufameenatte hee'ukko. I Moollanni Waa'a, ihukkaarem at eese ee xillaalli bariinsi fissitto.

⁷I Waa'a, i foor fireena ihu ammanenne an keese uunxummo; atim ki Keesammi Minenne ikkaa i uunxato macceessitto.

⁸Qophpha'n waa'uwwa awwontam keen hundim ki eroommiinsi annanni ikko'ookko.

⁹Gatisookkok Waa'a; ee bikkina galaxxi mazmuurinnem kitima kiina hincaa'oommo; uwwoommo yummi uga'am kiina uwwoommo» yaa uunxukko.

¹⁰Ee lasage Waa'i qurxummekkichcho ijaajukko; Yoonaasem gogaalli uullanne tufukko.