Read Hadiyya Yoonaas Kitaaba 3 Bible Online

Yoonaas Kitaaba 3 - Hadiyya bible

Yoonaas Kitaaba 3

¹La'mmaaggem Waa'i Yoonaasina

²«Qaqqissaa ee lob beero'o Naanaawe'e mare; an kiina kuroommi sagaram minaadabina alallaate» yukko.

³Yoonaasim Waa'i ijaajukkisinnem ijaajamaa Naanaawe'e marukko; Naanaawe'im lobakata haraar beero'i ihu bikkina ee beero'o hundoomam afimmina sas balla guullam hee'ukko.

⁴Yoonaasim beero'i woro aagaa taakke'imma asheerukko; mat balli googo taakke'ukkisam «Naanaawe'i beero'i sor[1] balli woronne bi'ookko» yaa alallaatukko.

⁵Naanaawe'i minaadabim Waa'i sagara amma'nnito'o; soommanom alallaatto'o; hoffaanniinsi ki'isaa lobaannonne afeebe'em baxxo'i jollina saxxita'a xiddi eddechcha edde'llo'o.

⁶Naanaawe'i adilim ka woshsha macceesu ammanenne adilla'n barcumiinsi dillukko; adilla'n eddechcham sheelaxxaa xiddi eddechcha edde'aa gii'l buchchanne afuurukko.

⁷Ixxim «Adilii ixxeensi woroon gassitam gassaanii ‹Manni te'im diinat, larii gereebbii ma'lluwwam itoone; wo'om agoone.

⁸Mannii diinatii xiddi eddechcha edde'ona; manni hundim qoxxisaa Waa'i kollonne laarona; boqqoomiinsii jor baxiinsii daba'llona.

⁹Ayyi la'ukko neese bi'nnoombee'isa Waa'i ixxi malaayyaam quunqiinsi qishixxaa daba'llookko› yita'a ijaajjo'ookko» yaa alallaatisukko.

¹⁰Waa'i Naanaawe'i minaadab issito'okaa jor baxiinsim daba'llito'isaa moo'ukko; ee bikkina qishixxaa ixxuwwanne eebeena sawwu guzumo'o urukko.