Read Hadiyya Xiqqi Kitaaba 1 Bible Online

Xiqqi Kitaaba 1 - Hadiyya bible

Xiqqi Kitaaba 1

¹Isra'ee'l minaadab Gibxiinsi fitto'i la'm hiinchonne la'm agan aagu luxxi ballanne Siina'i udma'i uullanne yo'aannonne Waa'i Keesammi Dukkaa'n woronne Muse'ena,

²«Isra'ee'l minaadaphpheka goona hundam sulli sullinnee moolli moollinnee annanni issitakka'a summa kitaabbehe.

³Umur lamiyye te'im lamiyyiinsi hanaan ihu orameena xanoo Isra'ee'l goo'n ooso hundam atii Aaroonii xiggehe.

⁴Sulliinsi annannichchiinsim mat mat manchi ixxi abaroosina awwonsaanchi ihaa ki'nnuwwina hara'mmona.

⁵Oo ki'nnuwwina hara'mmoo kee'n summim kanniinsi woroon yoohane. Roobeel sulliinsi Shade'uur beet Eelxuur

⁶Simi'oon sulliinsi Xurshaadaay beet Shalumi'eel

⁷Yihuxxi sulliinsi Aminaadaab beet Na'aasoon

⁸Yisaakoor sulliinsi Xu'aar beet Naatinaa'eel

⁹Zaabiloo'n sulliinsi Heeloon beet Eeli'aab

¹⁰Yooseef oosiinsi Efireem moolliinsi Amhuud beet Eelshaama'i Minaas moolliinsi Phadaaxuur beet Gamaali'eel

¹¹Biiniyaam sulliinsi Gidi'oon beet Abidaan

¹²Daan sulliinsi Amishadaay beet Ahi'eezer

¹³Aseer sulliinsi Okiraan beet Fagi'eel

¹⁴Gaad sulliinsi Raagu'eel beet Eeliyaasaafattii

¹⁵Niftaaleem sulliinsi Eenan beet Ahira'attii» yukko.

¹⁶Isra'ee'l minaadaphphi sulluwwiinsi annannichchiinsim ixxuwwi abaroosina awwonsaan ikka'a doo'llanto'i keen ka keeno.

¹⁷Muse'ee Aaroonii ka summinne weeshanto'i manna massita'a

¹⁸la'm agan aagu luxxi ballanne minaadaba hundam wixxaa'llo'o; umur lamiyyee eehanniinsi hanaanii ihu goon hundim Waa'i ijaajukkisinne ixxuwwi summi kitaabamukkuuyyi xiganto'o.

¹⁹Waa'i Muse'e ijaajukkisanne Siina'i udma'anne minaadaba xigukko.

²⁰Gaadaan ikka'a awwaaddeena xantam umur lamiyyi hiinchoo eehanniinsi hanaanii ihu goon Isra'ee'l oosina won hee'u Roobeel sulliinsi ki'isaa sulli sullinnee moolli moollinnee kitaabanto'o.

²¹Roobeel sulliinsi 46,500 hee'llo'o.

²²Simi'oon sulliinsi gaadeena xanoo umur lamiyyi hiinchoo eehanniinsi hanaanii ihu goon moollinne moollinnee abaroosinne abaroosinnee summinne summinnee kitaabamukko.

²³Simmi'oon sulliinsi 59,300 hee'ukko.

²⁴Gaad suulliinsi gaadeena xanoo umur lamiyyi hiinchoo eehanniinsi hanaanii ihu goon moollinne moollinne, abaroosinne abaroosinnee summinne summinnee kitaabamukko.

²⁵Gaad suulliinsi 45,650 hee'ukko.

²⁶Yihuxxi suulliinsi gaadeena xanoo umur lamiyyi hiinchoo eehanniinsi hanaanii ihu goon moollinne moollinnee abaroosinne abaroosinnee summinne summinnee kitaabamukko.

²⁷Yihuxxi suulliinsi 74,600 hee'ukko.

²⁸Yisaakoor suulliinsi gaadeena xanoo umur lamiyyi hiinchoo eehanniinsi hanaanii ihu goon moollinne moollinne abaroosinne abaroosinnee summinne summinnee kitaabamukko.

²⁹Yisaakoor suulliinsi 54,400 hee'ukko.

³⁰Zaabiloon sulliinsi gaadeena xanoo umur lamiyyi hiinchoo eehanniinsi hanaanii ihu goon moollinne moollinne, abaroosinne abaroosinnee summinne summinnee kitaabamukko.

³¹Zaabiloon sulliinsi 57,400 hee'ukko.

³²Yooseef shumo'onne Efireem sulliinsi gaadeena xanoo umur lamiyyi hiinchoo eehanniinsi hanaanii ihu goon moollinne moollinne, abaroosinne abaroosinnee summinne summinnee kitaabamukko.

³³Efireem sulliinsi 40,500 hee'ukko.

³⁴Minaas sulliinsi gaadeena xanoo umur lamiyyi hiinchoo eehanniinsi hanaanii ihu goon moollinne moollinne, abaroosinne abaroosinnee summinne summinnee kitaabamukko.

³⁵Minaas sulliinsi 32,200 hee'ukko.

³⁶Biiniyaam suulliinsi gaadeena xanoo umur lamiyyi hiinchoo eehanniinsi hanaanii ihu goon moollinne moollinne, abaroosinne abaroosinnee summinne summinnee kitaabamukko.

³⁷Biiniyaam sulliinsi 35,400 hee'ukko.

³⁸Daan sulliinsi gaadeena xanoo umur lamiyyi hiinchoo eehanniinsi hanaanii ihu goon moollinne moollinne, abaroosinne abaroosinnee summinne summinnee kitaabamukko

³⁹Daan sulliinsi 62,700 hee'ukko.

⁴⁰Aseer sulliinsi gaadeena xanoo umur lamiyyi hiinchoo eehanniinsi hanaanii ihu goon moolli moollinne, abaroosinne abaroosinnee summinne summinnee kitaabamukko.

⁴¹Aseer sulliinsi 41,500 hee'ukko.

⁴²Niftaaleem sulliinsi gaadeena xanoo umur lamiyyi hiinchoo eehanniinsi hanaanii ihu goon moolli moollinne, abaroosinne abaroosinnee summinne summinnee kitaabamukko.

⁴³Niftaaleem sulliinsi 53, 400 hee'ukko.

⁴⁴Muse'ennee Aarooninnee ixxuwwi abaroosa bikkito'i tomminnee lamem Isra'ee'l awwonsaaninnee xiganto'i goon kakeeno.

⁴⁵Isra'ee'llek hundikim gaadeena xanoo umur lamiyyi hiinchoo eehanniinsi hanaanii ihu goon moolli moollinne, abaroosinne abaroosinnee summinne summinnee kitaabamukko.

⁴⁶Hundikim xig 603,550 hee'ukko.

⁴⁷Ihukkaarem Leewi'i sulli mulli keeninne maqire exxita'a xiganto'oyyo.

⁴⁸Mashka'oomim Waa'i Muse'ena

⁴⁹«Isra'ee'l goo'n ooso xiggoo ammane Leewi'i sullo eddaa xiggitte.

⁵⁰Ee bikkenne ixxuwwa i keesammi Dukkaanannee ee woronne awwaaxxakkam mu'uttuwwannee hundannem egeraan isse. Ixxuwwim ee Dukkaanaa ixxi woronne awwaaxxakkam mu'uttuwwaa hundam iyyitona. Dukkaa'n woronnem awwaaddona; ixxi kululleetannem afuuttona.

⁵¹Keesammi Dukkaan ki'oo ammane hundam Leewi'i oos ki'issona; kaasamoo ammanem xale'i ixxuwwi kaassona; ixxuwwiinsi bagaan mullek ayyim ee Dukkaa'n kolli hinculas lehinne guzumo'amona.

⁵²Mulli Isra'ee'l minaadab tuutinne tuutinne dukkaana kaassona; annannichchim ixxuwwi wiidda'nnisinnee mare'isinnee wiiddantona.

⁵³Ihukkaarem Isra'ee'l oosonne i quunqi dillaa gulloobee'isa Leewi'i oos Keesammi Dukkaa'n kululleetanne widdanta'a egettona» yukko.

⁵⁴Isra'ee'l oos Waa'i Muse'e ijaajukkisanne hundam issito'o.