Read Hadiyya Xiqqi Kitaaba 2 Bible Online

Xiqqi Kitaaba 2 - Hadiyya bible

Xiqqi Kitaaba 2

¹Waa'i Muse'enaa Aarooninaa kanniinsi woroon yoo ijaajo uwwukko.

²Isra'ee'l oos sulli sullinnee mare'isinee wiiddantona; wiiddantamokim Keesammi Dukkaa'n kululleetannetti ikka'a nafara Keesammi Dukkaa'n kollonne dabatta'atette.

³Eelliinchi firinne wiiddanookkok Yihud mare'inne wiiddanona qoodamu sulluwwa. Yihuxxi sullo awwonsaanchim Aminaadaab beet Na'aasoonatte.

⁴Ixxi gogoxxekim xig 74,600 hee'ukko.

⁵Ee sulli gadanonne wiiddanookkok Yisaakoor sulli ihookko. Yisaakoor sullo awwonsaanchim Xu'aar beet Naatinaa'eelatti hee'ukko.

⁶Ixxi gogoxxi xigim 54,400 hee'ukko.

⁷Ee sulli gadanonne wiiddanookkok Zaabiloon sullo; Zaabiloo'n sullo awwonsaanchim Keeloon beet Eeli'aabatte hee'ukko.

⁸Ixxi gogoxxekim xig 57,400 hee'ukko.

⁹Yihud wiiddananne wiiddanoo'isina qoodamu mannik hundikim xig 186,400 hee'ukko. Gaassaa firookkok ka gaalcha.

¹⁰Woroo'n qarinne wiiddanookkok Roobeel mare'inne wiiddanona qoodamu sulluwwa. Roobeel sullo awwonsaanchi Shade'uur beet Eelxuuratte.

¹¹Ixxi gogoxxekim xig 46,500 hee'ukko.

¹²Ee sulli gadanonne wiiddanookkokim Simi'oon sulli ihookko. Simi'oon sulli awwonsaanchi Xurshaadaay beet Shalumi'eelatte.

¹³Ixxi gogoxxekim xig 59,300 hee'ukko.

¹⁴Ee sulli gadanonne wiiddanookkok Gaad sullo. Gaad sullo awwonsaanchim Raagu'eel beet Eeliyaasaafatte.

¹⁵Ixxi awwonsoo gogotikim xig 45,650 hee'ukko.

¹⁶Roobeel wiiddananne qoodamu mannik hundikim xig 151,450 hee'ukko. La'mmaagge firookkok ka gaalcha.

¹⁷Luxxi lamem baxxanchinaa lassaanchi lamem baxxanchinaa lambe'enne Leewi'i oos Keesammi Dukkaana amadda'a mattamo; ixxuwwim annannichchim ixxi gaqqi mare'inne kor kore marookko.

¹⁸Eelliinchi aagginne wiiddanookkok Efireem mare'inne wiiddaneena qoodamu sulluwwa; Efireem sullo awwonsaanchi Amhuud beet Eelshaamaatte.

¹⁹Ixxi gogoxxekim xig 40,500 hee'ukko.

²⁰Ixxuwwi gadanonne wiiddantamok Minaas sullo. Minaas sullo awwonsaanchi Pheedaaxuur beet Gamaali'eelatte.

²¹Ixxi gogoxxekim xig 32,200 hee'ukko.

²²Ee sulliinsi awwonaa Biiniyaam sulli wiiddanookko. Biiniyaam sulli awwonsaanchi Giidi'oon beet Abiidaanatte hee'ukko.

²³Ixxi gogoxxekim xig 35,400 hee'ukko.

²⁴Efireem wiiddananne qoodamu mannik hundikim xig 108,100 hee'ukko. Ee'isinne saxxaagge firookkok ka gaalcha.

²⁵Hanaa'n qarinne wiiddanookkok Daan sulli mare'inne wiiddaneena qoodamu sulluwwa. Daan sullo awwonsaanchi Amishshadayyi beet Ahi'eezeeratte hee'ukko.

²⁶Ixxi gogoxxekim xig 62,700 hee'ukko.

²⁷Ee sullo awwonaa Aseer sulli wiiddanookko. Aseer sullo awwonsaanchi Ookriin beet Fagi'eelatte hee'ukko.

²⁸Ixxi gogoxxekim xig 41,500 hee'ukko.

²⁹Ee sullo awwonaa Niftaaleem sulli wiiddanookko. Niftaaleem sullo awwonsaanchi Eenan beet Ahira'atte hee'ukko.

³⁰Ixxi gogoxxekim xig 53, 400 hee'ukko.

³¹Daan wiiddananne wiiddaneena qoodamu mannik hundikim xig 157,600 hee'ukko. Ee'isinne lasaanchonne firookkok ka gaalcha.

³²Isra'ee'l oos ixxuwwi abaroosisinne, baxxanchisinnee gogoxxisinnee xiganto'i xig 603,550 hee'ukko.

³³Ihukkaarem Waa'i Muse'e ijaajukkisanne Leewi'i oos Isra'ee'l oosinne maqire xiganto'oyyo.

³⁴Ee'isinne Isra'ee'l oos Waa'i Muse'e ijaajukkisanne hundem luwwam guullita'a issito'o; sulli annannichchim mare'i mare'inne wiiddanam hee'ukko; ee'isam moolli moollinne baxxamanta'a mattam hee'llo'o.