Read Hadiyya Xiqqi Kitaaba 26 Bible Online

Xiqqi Kitaaba 26 - Hadiyya bible

Xiqqi Kitaaba 26

¹Booban uullaa lasage Waa'i Muse'ee qeessichchi Aaroon beet Ali'aazaraa lamom

²«Umur lamiyyi hiinchoo eehanniinsim hanaanii ihaa yo'i oranteena xantam goo'n ooso hundam Isra'ee'l minaadabiinsi abaroosinne abaroosinne xiggehe» yukko.

³Ee bikkina Muse'ee Qeessichchi Ali'aazarii Yoordaanoos gadanonne Iyyaarko'i illagenne yoo Moo'aaphphi biir beyyonne minaadaba wixxaa'lla'a,

⁴«Waa'i Muse'e ijaajukkisannem umur lamiyyee lamiyyiinsi hanaanii ihu goo'n ooso hundam xiggehe» yito'o. Gibxiinsi fitto'i Isra'eel kanniinsi woroon yo'i keeno.

⁵Yaaqoob won beet hee'u Roobeel sulliinsetti ikko'i Hanookatte, Faaluusatte,

⁶Heesiroonatte, Kariimattee ixxuwwi moolloo hee'ukko.

⁷Roobeel sulliinsi xiganto'i moolli awwonsaa'nnek hundikim xig mat ihaa soree sas kumaa lamar xibbee sadee hee'ukko.

⁸Faaluu'i shumo'im Eeli'aabatte,

⁹Eeli'aab oosim Naamu'eelatte, Daataanattee Aberoonattee hee'llo'o. Daataanii Aberoonii minaadaphphi awwonsaan hee'llo'o; ixxuwwim Qore'ennee ixxi awwonaaninnee mat ihimminne Waa'anne boqqito'i ammane Muse'ennee Aarooninnee uullixxanto'i keeno.

¹⁰Ixxuwwam uulli fooqaa Qore'enne maqirem xuuxukko. Ixxuwwi leto'i ammane Giir lam xibbee ontayyi manchoo shookkiisukko; minaadabinam guzumo'anchi mare'i ikko'o.

¹¹Ihukkaarem Qore'i shumo'i guullaa bi'ukkoyyo.

¹²Simi'oon sullim ixxuwwi moolli moollinnem Namu'eelette, Yaamiinatte, Yaakiinatte,

¹³Zaara'atte, Saa'ullattee ixxuwwi moolloo hee'ukko.

¹⁴Simi'oon sulliinsim xiganto'i moolli awwonsaan lamiyyee lam kumaa lam xibbee hee'ukko.

¹⁵Gaad sullim ixxuwwi moolli moollinnem Xaafoonatte, Haga'atte Shuuni'atte,

¹⁶Eesnaanatte, Eeratte,

¹⁷Arood Ari'eelattee ixxuwwi moolloo hee'ukko.

¹⁸Gaad moolliinsi xiganto'i keen hundoomim sor kumaa onti xibbee hee'ukko.

¹⁹Yihuxxi sulliinsette hee'llo'i Eerii Awnaanii Kana'aa'n uullanne leto'o.

²⁰Gatto'i Yihuxxi sulli ixxuwwi moolli moollinnem Seeloomatte, Faareesatte, Zaaraanattee ixxuwwi moolloo hee'ukko.

²¹Faarees oosim Eesiroommatte, Hamuulattee ixxuwwi moolloo hee'ukko.

²²Yihuxxi sulliinsi xiganto'i moolli awwonsaa'nnek xig lamarayyee loh kumaa onti xibbee hee'ukko.

²³Yisaakoor sullim ixxuwwi moolli moollinnem Toolatte, Fuuwwatte,

²⁴Yaasuubatte, Shiimroonattee ixxuwwi moolloo hee'ukko.

²⁵Yisaakoor sulliinsi xiganto'i moolli awwonsaan lohayyee soor kumaa sas xibbee hee'ukko.

²⁶Zaabiloon sullim ixxuwwi moolli moollinnem Seereedatte, Eeloonatte, Yahiyi'eelattee ixxuwwi moolloo hee'ukko.

²⁷Zaabiloon sulliinsi xiganto'i moolli awwonsaan lohayyi kumaa onti xibbee hee'ukko.

²⁸Yooseef sullim ixxuwwi moollisinnem Minaasettee Efreemattee hee'ukko.

²⁹Minaas sulli shumo'iinsetti ihu Maakiir Gala'aada qarukko.

³⁰Gala'aad oosim Ii'eeziratte, Heeleeqatte,

³¹Asiri'eelatte, Seekeematte,

³²Shamiidatte, Heefeerattee ixxuwwi moolloo hee'ukko.

³³Heefeer beet Xaloofihaadina landiinsi bagaan goon oos hee'ukkoyyo; ixxuwwim Mahilatte, No'atte, Hoogilatte, Miilkattee Tiriisattee hee'llo'o.

³⁴Minaas sulli moolli awwonsaa'nnek xig ontayyee lam kumaa lamar xibbee hee'ukko.

³⁵Efireem sullim moolli moollinnem Sutuulatte, Bekkeeratte, Taahoonatte,

³⁶Sutuul beet Eerattee ixxuwwi moolloo hee'ukko.

³⁷Oo keenim Efreem sulli hee'llo'o; ixxuwwiinsim xiganto'i keen sadee lam kumaa onti xibbee hee'llo'o. Moolli moollinnem Yooseef shumo'i ee keeno.

³⁸Biiniyaam sulli moolli moollinnem Beela'atte, Ashbeelatte, Ahiiraamatte,

³⁹Shufaamatte, Hufaamattee ixxuwwi moolloo hee'llo'o.

⁴⁰Beela'i oosim Ardinatte, Naa'imaanattee ixxuwwi moolloo hee'ukko.

⁴¹Ku keen Biiniyaam moolli ikka'a ixxuwwiinsi hundiinsim xiganto'i keen soree onti kumaa loh xibbee hee'ukko.

⁴²Daan sullikim moolli Samee'itee ixxi moolloo ihaa

⁴³Samee'i moolli hundim ixxuwwiinsi xigakko'isinne lohayyee soor kumaa soor xibbee hee'ukko.

⁴⁴Aaseer sullik moolli Yiimatte, Yasuwaattee Barii'attee

⁴⁵Barii'i oosiinsim Hebeeratte, Maaliki'eelattee ixxuwwi moolloo hee'ukko.

⁴⁶Aseerinam Seeraa yakkam landichcho hee'llo'o.

⁴⁷Oo keen hundim Aaseer moolli hee'ukko; ixxuwwiinsim xiganto'i keen ontayyee sas kumaa soor xibbee hee'llo'o.

⁴⁸Niftaaleem sulli moolli moollinnem Yaahxeelatte, Guni'atte,

⁴⁹Yeexiratte, Shiileemattee ixxuwwi moolloo hee'ukko.

⁵⁰Niftaaleem sulli ixxuwwi moollinnem kakeen ihaa xiganto'i keen soree onti kumaa soor xibbee hee'ukko.

⁵¹Ka'isinne Isra'ee'l minaadabiinsi hundiinsim xiganto'i keen loh xibbee mat kumaa lamar xibbee sadee hee'llo'o.

⁵²Waa'im Muse'ena

⁵³«Sulli sullinne xiganto'i xiqqisinne uullooma hundem sullim gulummi issita'a lago aa'llona baxxanse.

⁵⁴Lobakat xig yoo sullina lonsitaa hoffi xig yoo sullinam hoffiissaa uwwe. Ee lago aa'llam uullikim baxxanchi annichchi annichchi sulli xiqqisinnetteme.

⁵⁵Ihukkaarem baxxanchoom ihookkok saaminnette. Saamim firookkok sulli anno'i summinnette.

⁵⁶Saamim firookkok xigonne lobanee hoffanee ihu abaroos lambe'nnette» yukko.

⁵⁷Leewi'i sullim moolli moollinne Gershoonatte, Qa'aatatte, Meeraarattee ixxuwwi moolloo hee'ukko.

⁵⁸Ixxuwwi shumo'im moolli moollinne Libinatte, Keebiroonatte, Mahilatte, Mushe'ette, Qoraahattee ixxuwwi moolloo hee'ukko. Qa'aatim Amiraama qarukko.

⁵⁹Ixxim Gibxi uullanne qaranto'i Leewi'i landihcho Yookobeede eebaa hee'ukko. Isem Aaroona, Muse'ee ixxuwwi aayyat ikko'i Maariyaamee ixxena qatto'o.

⁶⁰Aarooninam Naadaab, Abiihu, Ali'aazaree Itaamaaree yamantam soor goo'n oos hee'llo'o.

⁶¹Ihukkaarem Naadaabii Abiihuu keesamoo'n yoo giira Waa'ina hincaa'llo'i bikkina leto'o.

⁶²Umur mat aganaa eehanniinsim hanaan ihu Leewi'i goo'n oos hundikim xig lamiyyee sas kumaa ihukko. Ixxuwwim mulli Isra'ee'l oosiinsi annanni ikka'a xiganto'o. Mashka'oomim mulli Isra'ee'l oosinne maqire ixxuwwina matem gulummim uwwamubee'i bikkinatte.

⁶³Muse'ee Ali'aazarii Iyyaarko'i illagenne Yoordaanoos daajji gadanonne yoo Moo'aaphphi biir beyyonne Isra'ee'l ooso xiggo'i ammane kitaabanto'i moolli awwonsaan ka keen hee'llo'o.

⁶⁴Luxxeka siina'i udma'i uullanne Muse'ee Aaroonii minaadaba xiggo'i ammane kitaabbo'i gooniinsi matichchim foorinne hee'llo'oyyo.

⁶⁵Mashka'oomim Waa'i «Hundim udma'i uullanne letamo» yaa hee'u bikkinatte. Ee bikkina Yaafun beet Kaaleebiinsii Naawe'i beet Iyyaasiinsii bagaan hundim leto'ookko.