Read Hadiyya Xiqqi Kitaaba 29 Bible Online

Xiqqi Kitaaba 29 - Hadiyya bible

Xiqqi Kitaaba 29

¹«Lama'l agan aagu luxxi ayyaamonne keesamaakkoo dummichcha dummehe. Ee balla maham baxxakkotte. Oo balli xurumbi fugamoo balla.

²Miiqakkam luwwi bee'i mat labeena, mat gereechchi ambulaa mat hiinchi gereebbi ambulluwwika lamaraa enji eese Waa'a liiransoo shokkiisakka'a hincaa'akkam kitim issitakka'a hincaa'llehe.

³Hurbaaxxi kitiminam Wee'l Zaytinne cukkamaakkoo er qama hincaa'llakkamo; oohim labeeninne sas kiilo'i qama, gereechchi ambulinne lam kiilo'i qama,

⁴lamarem gereebbi ambulluwwinne annannichchinnem mat mat kilo'i qama hincaa'llehe.

⁵Baaxii'l haafitina ihoo mat fellakkichchi ambula hincaa'llehe.

⁶Ku kitimmuwwi see'llisanne hurbaaxxi kitiminnee aggi kitiminnee maqirem balla ballannee agananne aganannee shokkiisakka'a hincaa'akkam kitimiinsi mulleka ee'isam enji Waa'a liiransoo shokkiisakka'a hincaa'akkam kitimmuwwa.

⁷«Lama'l agan aagu tommi ballanne keesamaakkoo dummichcha dummehe. Ee balla mah hurbaatam ittakkotte; baxom baxxakkotte.

⁸Miiqakkam luwwi bee'i mat labeena, mat gereechchi ambulaa mat hiinchi gereebbi ambulluwwika lamaraa enji eese Waa'a liiransoo shokkiisakka'a hincaa'akkam kitim issitakka'a hincaa'llehe.

⁹Hurbaaxxi kitiminam wee'l zaytinne cukkamaakkoo er qama hincaa'llehe; oohim labeeninne sas kiilo'i qama, gereechchi ambulinne lam kiilo'i qama

¹⁰lamarem gereebbi ambulluwwinne annanchinnem mat mat kiilo'i qama hincaa'llehe.

¹¹Baaxii'l haafitina hurbaaxxaanninnee aggi kitiminnee exxaa hundi ammem shokkiisakka'a hicaa'akkam kitimiinsi mulleka mat feellakkichchi ambula eddakka'a baaxii'l haafixxi kitim issitakka'a hincaa'llehe.

¹²«Lama'l agan aagu tommonnee onti ballannee keesamaakkoo dummichcha dummehe. Ee balla maham baxxakkotte; Waa'ina lomba uwwimminne ee uguda lamar balla lonsehe.

¹³Ee uguxxi luxxi ballanne miiqakkam luwwi bee'i tommoo sas labeennuwwa, lam gereebbi ambulluwwaa mat hiinchi gereebbi ambulluwwika tommoo sooroo enji eese Waa'a liiransoo shokkiisakka'a hicaa'akkam kitim issitakka'a hincaa'llehe.

¹⁴Hurbaaxxi kitim ihoo'isina wee'l zaytinne cukkamaakkoo er qama ee labeennuwwinne annannichchinnem sas kiilo'o qama, ambulluwwinne annannichchinnem lam kiilo'i qama,

¹⁵mat hiinchi gereebbi ambulluwwinne annannichchinnem mat mat kiilo'i qama hincaa'llehe.

¹⁶Baaxii'l haafitinam mat fellakkichchi ambula hincaa'llehe; oo kitim hurbaaxxi kitiminnee aggi kitiminnee maqirem hundim shokkona hincoo kitimiinsi mullane.

¹⁷«La'm ballam miiqakkam luwwi bee'i tommoo lam labeennuwwaa lam gereebbi ambulluwwaa mat hiinchi gereebbi ambulluwwika tommoo sooroo hincaa'llehe.

¹⁸Ee labeennuwwinne, ambulluwwinnee mat hiinchi gereebbi ambulluwwinnee hurbaaxxekaa aggikaa kitima qoodamukkisinne hincaa'llehe.

¹⁹Baaxii'l haafitinam mat fellakkichchi ambula hincaa'llehe; oo kitim hurbaaxxi kitiminnee aggi kitiminnee maqirem hundim shokkona hincoo kitimiinsi mullane.

²⁰«Saxxi ballanne miiqakkam luwwi bee'i tommoo mat labeennuwwa, lam gereebbi ambulluwwaa mat hiinchi gereebbi ambulluwwika tommoo sooroo hincaa'llehe.

²¹Labeennuwwinne, gereebbi ambulluwwinnee mat hiinchi gereebbi ambulluwwinnee maqire hincoo'isina qoodamukisinne hurbaaxxekkaa aggikaa kitima hincaa'llehe.

²²Baaxii'l haafitinam mat fellakkichchi ambula hincaa'llehe; oo kitim hurbaaxxi kitiminnee aggi kitiminnee maqirem hundim shokkona hincoo kitimiinsi mullane.

²³Soo'l ballanne miiqakkam luwwi bee'i tommi labeennuwwa, lam gereebbi ambulluwwaa mat hiinchi gereebbi ambulluwwika tommo sooro kitimina hincaa'llehe.

²⁴Ee labbennuwwinne, gereebbi ambulluwwinnee mat hiinchi gereebbi ambulluwwinnee maqire hincaa'immina qoodamu xiqqisinne hurbaaxxekaa aggikaa kitima hincaa'llehe.

²⁵Baaxii'l haafitinam mat fellakkichchi ambula hincaa'llehe; oo kitim hurbaaxxi kitiminnee aggi kitiminnee maqirem hundim shokkona hincoo kitimiinsi mullane.

²⁶«Onti ballanne miiqakkam luwwi bee'i honsi labeennuwwa, lam gereebbi ambulluwwaa mat hiinchi gereebbi ambulluwwika tommoo sooroo hincaa'llehe.

²⁷Ee labbennuwwinne, gereebbi ambulluwwinnee mat hiinchi gereebbi ambulluwwinnee maqire hincihona qoodamu xiqqisanne hurbaaxxekaa aggikkaa kitima hincaa'llehe.

²⁸Baaxii'l haafitinam mat fellakkichchi ambula hincaa'llehe; oo kitim hurbaaxxi kitiminnee aggi kitiminnee maqirem hundim shokkona hincoo kitimiinsi mullane.

²⁹«Loh ballanne miiqakkam luwwi bee'i sadeenti labeennuwwa, lam gereebbi ambulluwwaa mat hiinchi gereebbi ambulluwwika tommoo sooroo hincaa'llehe.

³⁰Ee labeennuwwinne, gereebbi ambulluwwinnee mat hiinchi gereebbi ambulluwwinnee maqire hincihona qoodamu xiqqisinne hurbaaxxekaa aggikaa kitima hincaa'llehe.

³¹Baaxii'l haafitinam mat fellakkichchi ambula hincaa'llehe; oo kitim hurbaaxxi kitiminnee aggi kitiminnee maqirem hundim shokkona hincoo kitimiinsi mullane.

³²«Lama'l ballanne miiqakkam luwwi bee'i lamar labeennuwwa, lam gereebbi ambulluwwaa mat hiinchi gereebbi ambulluwwika tommoo soroo hincaa'llehe.

³³Ee labeennuwwinnee gereebbi ambulluwwinnee mat hiinchi gereebbi ambulluwwinne maqire hincihona qoodamu xigisinne hurbaaxxekaa aggikkaa kitima hincaa'llehe.

³⁴Baaxii'l haafitinam mat fellakkichchi ambula hincaa'llehe; oo kitim hurbaaxxi kitiminnee aggi kitiminnee maqirem hundim shokkona hincoo kitimiinsi mullane.

³⁵«Sadeenti ballanne keesamaakkoo dummichcha dummehe. Ee ballannem mah baxom baxxakkotte.

³⁶Matem miiqakkam luwwi bee'i mat labeena, mat gereechchi ambulaa mat hiinchi gereebbi ambulluwwika lamaraa shokkoo kitim issitakka'a inje'oo enji iina Waa'ina mishsoo kitima hincaa'llehe.

³⁷Labeeninnee gereechchi ambulinnee lamarem gereebbi ambulluwwinnemii hurbaaxxi kitimaa aggi kitimaa hincihona qoodamu xiqqisinne hincaa'llehe.

³⁸Baaxii'l haafitinam mat fellakkichchi ambula hincaa'llehe; oo kitim hurbaaxxi kitiminnee aggi kitiminnee maqirem hundim shokkona hincoo kitimiinsi mullane.

³⁹«Uga'innee gaqqi doo'llinnee hinca'llakkam kitimiinsi mulleka shookkiisimminne hincoo kitimmuwwa, hurbaaxxi kitimmuwwa, aggi kitimaa mateeyyoo'm kitimmuwwaa la'amakkoo ki'nnuwwi ugudeewanne iina Waa'ina hincaa'llehe» yukko.

⁴⁰Muse'em Waa'i ijaajukkoka hundam Isra'ee'l oosina kurukko.