Read Hadiyya Xiqqi Kitaaba 33 Bible Online

Xiqqi Kitaaba 33 - Hadiyya bible

Xiqqi Kitaaba 33

¹Isra'ee'l oos sulli sullinne baxxamanta'a Gibxiinsi Muse'aanninnee Aaroon awwonsatinnee fitta'a lasage taakkonne hee'llo'i ammanne wiiddanto'i beyyuwwa kuroo aganni kanniinsi woroon yoohane.

²Muse'e Waa'i ijaajukkisinnem taakkonne hee'llo'i ammane wiiddanto'i beyyuwwika summa kitaabukko.

³Isra'ee'l oos Gibxi uulliinsi fitto'ok luxxi agan aagu tommonnee onti ballannee oohim luxxi higimmi uguxxi la'm ayyaamonne Ramise'i beero'o fatakita'a fitto'o. Ixxuwwim Gibxi uulli manni hundim moo'llu'uuyyim iggimminne taakke'llo'o.

⁴Ee ammane Gibxi uulli manni Waa'i quunqinne leto'i won ooso waammitam hee'llo'o. Waa'im Gibxi uulli qophpha'n waa'uwwanne oogatukko.

⁵Isra'ee'l minaadab Ramse'iinsi ki'lla'a matta'a Sukootanne wiiddanto'o.

⁶Ee beyyiinsim matta'a udma'i uulli tochchonne hee'oo Eetaamanne wiiddanto'o.

⁷Etaamiinsim ki'lla'a Ba'aalxaafooniinsi Eelliinchi firinne Phiihaahiiroot kolli daba'llita'a Miigdool gadanonne wiiddanto'o.

⁸Phiihaahiirootiinsi ki'lla'a Ertiira'i dambalaqa higga'a udma'i uulla matto'o; ee lasage Eetaa'm udma'i uulla sas balla taakke'lla'a Maara'anne wiiddanto'o.

⁹Ee beyyiinsim matta'a tommii lam wo'i bu'ii lamarayyi dimbaaba laboo haqqii yoo Eeliimanne wiiddanto'o.

¹⁰Eeliimiinsim ki'lla'a matta'a Ertiira'i Dambalaq gadanonne wiiddanto'o.

¹¹Ee lasage odim Ertiira'i Dambalaqiinsi daba'llita'a Siin udma'i uullanne wiiddanto'o.

¹²Siin udma'i uulliinsi matta'a Duufiqanne wiiddanto'o.

¹³Duufiqiinsi matta'a Alushanne wiiddanto'o.

¹⁴Alushiinsi ki'lla'a lasage odim agakkam wo'i bee'i Rafiidiimanne wiiddanto'o.

¹⁵Refiidiimiinsi ki'lla'a matta'a Siina'i udma'i uullanne wiiddanto'o.

¹⁶Siina'i udma'i uulliinsi ki'lla'a matta'a Kiibroot Haatawwanne wiiddanto'o.

¹⁷Kiibiroot Hatawwiinsi ki'lla'a matta'a Haxeerootanne wiiddanto'o.

¹⁸Haxeerootiinsi ki'lla'a matta'a Riitimanne wiiddanto'o.

¹⁹Riitimiinsi ki'lla'a matta'a Riimoonpherezanne wiiddanto'o.

²⁰Riimoonphereziinsi ki'lla'a matta'a Liibinanne wiiddanto'o.

²¹Liibiniinsi ki'lla'a matta'a Riisanne wiiddanto'o.

²²Riisiinsi ki'lla'a matta'a Qaheelaatanne wiiddanto'o.

²³Qaheelaatiinsi ki'lla'a matta'a Sheefaar duunanne wiiddanto'o.

²⁴Sheefaar duuniinsi ki'lla'a matta'a Haraadanne wiiddanto'o.

²⁵Haraadiinsi ki'lla'a matta'a Maaqiheelootanne wiiddanto'o.

²⁶Maaqiheelootiinsi ki'lla'a matta'a Taahatanne wiiddanto'o.

²⁷Taahatiinsi ki'lla'a matta'a Taara'anne wiiddanto'o.

²⁸Taara'iinsi ki'lla'a matta'a Miitiqanne wiiddanto'o.

²⁹Miitiqiinsi ki'lla'a matta'a Hashmoonanne wiiddanto'o.

³⁰Hashmooniinsi ki'lla'a matta'a Moserotanne wiiddanto'o.

³¹Mooserootiinsi ki'lla'a matta'a Beeneeyaa'iqanne wiiddanto'o.

³²Beeneeyaa'iqiinsi ki'lla'a matta'a Hoorhaagdigaadanne wiiddanto'o.

³³Hoorhaagdigaadiinsi ki'lla'a matta'a Yooxbaatanne wiiddanto'o.

³⁴Yooxbaatiinsi ki'lla'a matta'a Aabroonanne wiiddanto'o.

³⁵Aberooniinsi ki'lla'a matta'a Eexiyoongaabiranne wiiddanto'o.

³⁶Eexiyoongaabiriinsi killa'a Xiin udma'i uullanne yoo Qaadeesanne wiiddanto'o.

³⁷Qaadeesiinsi ki'lla'a matta'a Eedoo'm uulli tochchonne hee'oo Hoor duunanne wiiddanto'o.

³⁸Qeessichchi Aaroon Waa'i ijaajinne Hoor duunanne firukko; eekke'ennem Isra'ee'l oos Gibxiinsi fitto'i sor hiinchonne, onti aga'nnaannonne luxxi ballanne lehukko.

³⁹Aaroon Hoor duunanne lehu ammane ixxek umur mat xibbee lamiyyee sas hiinchoo ihaa hee'ukko.

⁴⁰Kana'aanniinsi woroo'n qarinne yoo Araad uulli adil Isra'ee'l oos waatto'isa macceesukko.

⁴¹Hoor duuniinsi ki'lla'a matta'a Xalmoonanne wiiddanto'o.

⁴²Xalmooniinsi ki'lla'a matta'a Funoonanne wiiddanto'o.

⁴³Funooniinsi ki'lla'a matta'a Obotanne wiiddanto'o.

⁴⁴Obotiinsi ki'lla'a matta'a Moo'aaphphi uulli gadanonne yoo Abaariimanne wiiddanto'o.

⁴⁵Abaariimiinsi ki'lla'a matta'a Diibongaadanne wiiddanto'o.

⁴⁶Diibongaadiinsi ki'lla'a matta'a Almondiibilaataayimanne wiiddanto'o.

⁴⁷Almondiibilaataayimiinsi ki'lla'a matta'a Naaba'i illagenne yoo Abirii'm duunnuwwanne wiiddanto'o.

⁴⁸Abirii'm duunnuwwiinsi ki'lla'a matta'a Yoordaanoos gadanonne Yaarko'i illagenne yoo Moo'aaphphi biiranne wiiddanto'o.

⁴⁹Yoordaanoos gadanonne Moo'aaphphi biir uullanne Beetiyaashimootiinsi Abeel Shuutiim afeebe'e yoo beyyuwwanne wiiddanto'o.

⁵⁰Iyyaarko'i illagenne Yoordaanoos daajjiinsi eeqidonne Moo'aab biir uullanne hee'llu'uuyyi Isra'ee'l oosina kuroo'isina Waa'i Muse'ena

⁵¹«Yoordaanoosa higgakka'a Kani'aana aaggakkam ammane,

⁵²ee uullanne hee'llam manna hundam ki'nnuwwi illagiinsi xoqoltakka'a hollehe. Kininnee xaarinnee baxamu ixxuwwi waa'uwwa iiqansehe; duunnuwwanne yoo otossakkam beyyuwwaa hundam ginditakka'a bi'issehe.

⁵³An ki'nnuwwina gulummi issaa uwwaammoohan ihu bikkina ee uulla lago aa'llakka'a ixxonne hee'llehe.

⁵⁴Ixxom annanni annanni sullinaa moollinaa saamo issitakka'a saaminne baxxammehe. Lobakat abaroos yoo moollina haraar uulli uwwamona. Hoffi moollinam hoffi uulli uwwamona; hinki uullim saaminne afulas oo uulli ee afu sullane; ki'nnuwwi si'l anno'isinne sullinne sullinne gulummi issitakka'a baxxammehe.

⁵⁵Ihukkaarem ee uullanne hee'llam manna hundam gullitakka'a fissitakkoo'n gatulas oo manni ki'nnuwwi illina shiincaara midaadinam utti ikka'a hawwissamo. Ki'nnuwwi hee'llakkam uullanne ora qooccitu'uuyyi hawwissamo.

⁵⁶Ixxuwwamdu guullitakka'a bi'issakkobeelas an ixxuwwa bi'iseena sawwumisam ki'nnuwwam bi'isoommo» yoo awwonsa uwwukko.