Read Hadiyya Xiqqi Kitaaba 7 Bible Online

Xiqqi Kitaaba 7 - Hadiyya bible

Xiqqi Kitaaba 7

¹Muse'e Keesammi Dukkaana kaasaa guullaa lasage Dukkaanaa ixxenne awwaaxxakkam mu'utaa, kiti'm beyyoo ee beyyonne ixxenne awwaaxxakkam mu'utaa zayta labaa keesamaakkoohan issukko.

²Ee lasage Isra'ee'l sulluwwa awwonsaan ikko'i oohim minaadab xigamu ammane awwonsaan hee'llo'i keen hundim

³lam lam awwonsaa'n summinne mat mat faraxxi gaarre'ee awwonsaan annannichchim mat mat baaraa ihaa hundoomim loh faraxxi gaare'ee tommoo lam baaraa Waa'ina uwwito'o. Ee keenom Keesammi Dukkaa'n illagenne hincaa'llo'o.

⁴Waa'i Muse'ena

⁵«Keesammi Dukkaananne ihoo awwaadina ihona kakeeno aa'e; Leewe'i oosina annannichchinam ixxuwwi awwaadina hasisoo qaxa qooddaa uwwe» yukko.

⁶Ee bikkina Muse'e ee faraxxi gaare'uwwaa baalluwwaa aa'aa Leewi'i oosina uwwukko.

⁷Ixxim Gershoon abaroosina ixxuwwi awwaaxxisinne lam faraxxi gaarre'ee soor ba'araa uwwukko.

⁸Meeraar abaroosina soor faraxxi gaarre'ee sadeenti ba'araa ixxuwwi awwaaxxisinne uwwukko; ixxuwwa awwonsookkokim Aaroon beet Itaamaaratte hee'ukko.

⁹Ihukkaarem Qa'aat abaroos Keesammi mu'uta egettamanee gudumonne iyyitamanee ihu bikkina Muse'e ixxuwwina maham uwwukkoyyo.

¹⁰Odim oo awwonsaan kiti'm beyyi keesamoo ugudina ihoo luwwa eebba'a kiti'm beyyi illagenne hincaa'llo'o.

¹¹Waa'i Muse'ena «Tommonnee lamem balli woronnee ballina ballina tommiinsii lamem awwonsaanchiinsii mat ee kiti'm beyyi keesanchi ugudina ihoo luwwa hincaa'oo'isina kure» yukko.

¹²Luxxi ballina ihoo luwwa uwwukkok Yihud sulliinsetti ihu Aminaadaab beet Na'aasoonatte.

¹³Oohim Keesammi mi'n keennaanchonne mat kilo'oo kolloo ihoo kin birinne baxamaakkoo saahinaa sadeenti xibbi giraama kee'mmoo biriinsi baxamaakkoo wocitaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

¹⁴Ee'isam xibbee tommi giraamaa ihoo worqinne baxamaakkoo cilfi ihaa ixxim aduruusinne wo'mmaakkoohan hee'ukko.

¹⁵Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambulaa hee'ukko.

¹⁶Baaxii'l haafixxi kitimina mat fellakkichchi ambula

¹⁷mateeyyoo'm kitimina ihoo lam baalluwwa, onti gereebbi ambulluwwa, onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Aminaadaab beet Na'aasoon hincaa'u kitim eehan hee'ukko.

¹⁸La'm ballina ihoo luwwa hincaa'ukkok Yisaakoor sulli awwonsaanchi ihu Xu'aar beet Naatinaa'eelatte hee'ukko.

¹⁹Oohim Keesammi mi'n keennaanchonne mat kilo'oo kolloo ihoo kin birinne baxamaakkoo saahinaa sadeenti xibbi giraama kee'mmoo biriinsi baxamaakkoo wocitaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

²⁰Ee'isam xibbee tommi giraamaa ihoo worqinne baxamaakkoo cilfi ihaa ixxim aduruusinne wo'mmaakkoohan hee'ukko.

²¹Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambulaa hee'ukko.

²²Baaxii'l haafixxi kitimina mat fellakkichchi ambula

²³mateeyyoo'm kitimina ihoo lam baalluwwa, onti gereebbi ambulluwwaa onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Xu'aar beet Naatinaa'eel hincaa'u kitim eehan hee'ukko.

²⁴Saxxi ballina ihoo luwwa hincaa'ukkok Zaabiloon sulli awwonsaanchi ihu Heeloon beet Eeli'aabatte hee'ukko.

²⁵Oohim Keesammi mi'n keennaanchonne mat kilo'oo kolloo ihoo kin birinne baxamaakkoo wocitaa sadeenti xibbi giraama kee'mmoo biriinsi baxamaakkoo loqooqo'i saahinaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

²⁶Ee'isam xibbee tommi giraamaa ihoo worqinne baxamaakkoo cilfi ihaa ixxim aduruusinne wo'mmaakkoohan hee'ukko.

²⁷Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambulaa hee'ukko.

²⁸Baaxii'l haafixxi kitimina mat fillakkichchi ambula

²⁹mateeyyoo'm kitimina ihoo lam baalluwwa, onti gereebbi ambulluwwaa onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Heeliyoon beet Eeli'aab hincaa'u kitim eehan hee'ukko.

³⁰Soo'l ballina ihoo luwwa hincaa'ukkok Roobeel sulli awwonsaanchi Sadiyoor beet Eelxuuratte hee'ukko.

³¹Oohim Keesammi mi'n keennaanchonne mat kilo'oo kolloo ihoo kin birinne baxamaakkoo wocitaa sadeenti xibbi giraama kee'mmoo biriinsi baxamaakkoo loqooqo'i saahinaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

³²Ee'isam xibbee tommi giraamaa ihoo worqinne baxamaakkoo cilfi ihaa ixxim aduruusinne wo'mmaakkoohan hee'ukko.

³³Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambul hee'ukko.

³⁴Baaxii'l haafixxi kitimina mat fillakkichchi ambula

³⁵mateeyyoo'm kitimina ihoo lam baalluwwa, onti gereebbi ambulluwwa, onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Sadiyoor beet Eelxuur hincaa'u kitim eehan hee'ukko.

³⁶Onti ballina ihoo luwwa hincaa'ukkok Simi'oon sulli awwonsaanchi Xurshaadaay beet Shalumi'eelatte hee'ukko.

³⁷Oohim Keesammi mi'n keennaanchonne mat kilo'oo kolloo ihoo kin birinne baxamaakkoo wocitaa sadeenti xibbi giraama kee'mmoo biriinsi baxamaakkoo loqooqo'i saahinaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

³⁸Ee'isam xibbee tommi giraamaa ihoo worqinne baxamaakkoo saahin ihaa ixxim aduruusinne wo'mmaakkoohan hee'ukko.

³⁹Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambulaa hee'ukko.

⁴⁰Baaxii'l haafixxi kitimina mat fillakkichchi ambula,

⁴¹mateeyyoo'm kitimina ihoo lam baalluwwa, onti gereebbi ambulluwwa, onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Xurshaadaay beet Shalumi'eel hincaa'u kitim eehan hee'ukko.

⁴²Loh ballina ihoo luwwa hincaa'ukkok Gaad sulli awwonsaanchi Raagu'eel beet Eeliyaasaafatti hee'ukko.

⁴³Oohim Keesammi mi'n keennaanchonne mat kilo'oo kolloo ihoo kin birinne baxamaakkoo wocitaa sadeenti xibbi giraama kee'mmoo biriinsi baxamaakkoo loqooqo'i saahinaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

⁴⁴Ee'isam xibbee tommi giraamaa ihoo worqinne baxamaakkoo cilfi ihaa ixxim aduruusinne wo'mmaakkoohan hee'ukko.

⁴⁵Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambulaa hee'ukko.

⁴⁶Baaxii'l haafixxi kitimina mat fellakkichchi ambula

⁴⁷mateeyyoo'm kitimina ihoo lam baalluwwa, onti gereebbi ambulluwwaa onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Raagu'eel beet Eeliyaasaaf hincaa'u kitim eehan hee'ukko.

⁴⁸Lama'l ballina ihoo luwwa hincaa'ukkok Efireem sulli awwonsaanchi Amhuud beet Eelishaamatte hee'ukko.

⁴⁹Oohim Keesammi mi'n keennaanchonne mat kilo'oo kolloo ihoo kin birinne baxamaakkoo wocitaa sadeenti xibbi giraama kee'mmoo biriinsi baxamaakkoo loqooqo'i saahinaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

⁵⁰Ee'isam xibbee tommi giraamaa ihoo worqinne baxamaakkoo cilfi ihaa ixxim aduruusinne wo'mmaakkoohan hee'ukko.

⁵¹Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambulaa hee'ukko.

⁵²Baaxii'l haafixxi kitimina mat fellakkichchi ambula

⁵³mateeyyoo'm kitimina ihoo lam baalluwwa, onti gereebbi ambulluwwa, onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Amhuud beet Eelsaam hincaa'u kitim eehan hee'ukko.

⁵⁴Sadeenti ballina ihoo luwwa hincaa'ukkok Minaas sulli awwonsaanchi ihu Fidaaxuur beet Gamaali'eelatti hee'ukko.

⁵⁵Oohim Keesammi mi'n keennaanchonne mat kilo'oo kolloo ihoo kin birinne baxamaakkoo wocitaa sadeenti xibbi giraama kee'mmoo biriinsi baxamaakkoo loqooqo'i saahinaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

⁵⁶Ee'isam xibbee tommi giraamaa ihoo worqinne baxamaakkoo cilfi ihaa ixxim aduruusinne wo'mmaakkoohan hee'ukko.

⁵⁷Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambulaa hee'ukko.

⁵⁸Baaxii'l haafixxi kitimina mat fellakkichchi ambula

⁵⁹mateeyyoo'm kitimina ihoo lam baalluwwa, onti gereebbi ambulluwwa, onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Fidaaxuur beet Gamaal'eel hincaa'u kitim eehan hee'ukko.

⁶⁰Honsi ballina ihoo luwwa hincaa'ukkok Biiniyaam sulli awwonsaanchi ihu Gidaa'oon beet Abiidaanatte hee'ukko.

⁶¹Oohim Keesammi mi'n keennaanchonne mat kilo'oo kolloo ihoo kin birinne baxamaakkoo wocitaa sadeenti xibbi giraama kee'mmoo biriinsi baxamaakkoo loqooqo'i saahinaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

⁶²Ee'isam xibbee tommi giraamaa ihoo worqinne baxamaakkoo cilfi ihaa ixxim aduruusinne wo'mmaakkoohan hee'ukko.

⁶³Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambulaa hee'ukko.

⁶⁴Baaxii'l haafixxi kitimina mat fellakkichchi ambula

⁶⁵mateeyyoo'm kitimina ihoo lam baalluwwa, onti gereebbi ambulluwwa onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Biiniyaam sulli awwonsaanchi ihu Gidaa'oon beet Abiidaan hincaa'u kitim eehan hee'ukko.

⁶⁶Tommi ballina ihoo luwwa hincaa'ukkok Daan sulli awwonsaanchi Amiishaadaay beet Aki'eezeratte hee'ukko.

⁶⁷Oohim Keesammi mi'n keennaanchonne mat kilo'oo kolloo ihoo kin birinne baxamaakkoo wocitaa sadeenti xibbi giraama kee'mmoo biriinsi baxamaakkoo loqooqo'i saahinaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

⁶⁸Ee'isam xibbee tommi giraamaa ihoo worqinne baxamaakkoo cilfi ihaa ixxim aduruusinne wo'mmaakkoohan hee'ukko.

⁶⁹Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambulaa hee'ukko.

⁷⁰Baaxii'l haafixxi kitimina mat fellakkichchi ambula

⁷¹mateeyyoo'm kitimina ihoo lam baalluwwa, onti gereebbi ambulluwwaa onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Daan sulli awwonsaanchi Amiishaadaay beet Aki'eezer hincaa'u kitim eehan hee'ukko.

⁷²Tomminaa mat ballinaa ihoo luwwa hincaa'ukkok Aseer sulli awwonsaanchi ihu Eekiraan beet Faagi'eelatte hee'ukko.

⁷³Oohim Keesammi mi'n keennaanchonne mat kilo'oo kolloo ihoo kin birinne baxamaakkoo wocitaa sadeenti xibbi giraama kee'mmoo biriinsi baxamaakkoo loqooqo'i saahinaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

⁷⁴Ee'isam xibbee tommi giraamaa ihoo worqinne baxamaakkoo cilfi ihaa ixxim aduruusinne wo'mmaakkoohan hee'ukko.

⁷⁵Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambulaa hee'ukko.

⁷⁶Baaxii'l haafixxi kitimina mat fellakkichchi ambula

⁷⁷mateeyyoo'm kitimina ihoo lam baalluwwa, onti gereebbi ambulluwwaa onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Ekiraan beet Faagi'eel hincaa'u kitim eehan hee'ukko.

⁷⁸Tomminaa la'm ballinaa ihoo luwwa hincaa'ukkok Niftaaleem sulli awwonsaanchi ihu Eenaan beet Ahiira'atte hee'ukko.

⁷⁹Oohim Keesammi mi'n keennaanchonne mat kilo'oo kolloo ihoo kin birinne baxamaakkoo wocitaa sadeenti xibbi giraama kee'mmoo biriinsi baxamaakkoo loqooqo'i saahinaa ihukkuuyyi lamim hurbaaxxi kitimina ihoo zaytinne cukkakko'i qaminne wo'mmaakkoohan hee'ukko.

⁸⁰Ee'isam xibbee tommi giraamaa ihoo worqinne baxamaakkoo cilfi ihaa ixxim aduruusinne wo'mmaakkoohan hee'ukko.

⁸¹Shokkiisakka'a hincaa'akkam kitimina ihoo mat labeena, mat gereechchi ambulaa mat hiinchi gereechchi ambulaa hee'ukko.

⁸²Baaxii'l haafixxi kitimina mat fellakkichchi ambula

⁸³mateeyyoo'm kitimina ihoo lam baalluwwa, onti gereebbi ambulluwwa onti fella'i ambulluwwaa mat hiincho ihaakkoo onti gereebbi ambulluwwaa hee'ukko. Ee'isinne Eenaan beet Ahiira'i hincaa'u luwwi eehan hee'ukko.

⁸⁴Isra'ee'l awwonsaan kiti'm beyyonne zayti labamu balla oo kiti'm beyyi keesamona hincaa'llo'i luwwi ka keen hee'ukko. Oo keenim kin birinne baxamaakkoo tommoo lam wocita, kin birinne baxamaakkoo tommoo lam loqooqo'i saahinnuwwaa tommoo lam worqinne baxamaakkoo cilfuwwaa.

⁸⁵Keesammi mi'n keennaanchonne kin birinne baxamu wocittuwwi annannichchim mat kiilo'oo kolloo kee'mmoohanee loqooqo'i saahinnuwwi annannichchim sadeenti xibbi giraama kee'mmoohanee ihaa kin birinne baxamu saahinnuwwi hundoomim Keesammi mi'n keennaanchonne lamiyyee sadeenti kilo'oo kee'mmoohan hee'ukko.

⁸⁶Aduruus wo'mmu tommii lamem worqi cilfuwwi annannichchim Keesammi mi'n keennaanchonne mat xibbee lamiyyi giraamaa kee'mmoohan ihaa worqi cilfuwwi hundoomim mat kilo'oo soor xibbee sor giraamaa kee'mmoohan hee'ukko.

⁸⁷Shokkiisakka'a hincaa'akkam kitimina hincu fooraam diinaxxi kitimaa hurbaaxxi kitimaa edaa hundoomim tommoo lam labeennuwwa, tommoo lam gereebbi ambulluwwa, mat hiinchi ihaakkoo tommoo lam gereebbi ambullaa baaxii'l haafixxi kitimina hincu tommoo lam fella'i ambulluwwaa hee'ukko.

⁸⁸Mateeyyoo'm kitimina lamiyyee soor baalluwwa, lohayyi gereebbi ambulluwwa, lohayyi fella'i ambulluwwaa mat hiincho ihaakkoo lohayyi gereebbi ambulluwwaa eebbo'o. Kiti'm beyyonne zayti labamaa lasage maasse'amaa uwwamu luwwi eehan hee'ukko.

⁸⁹Muse'e Waa'inne atoorareena Keesammi Dukkaa'n woro aagu ammane Waa'i kiruubeela yakkam asse'amaa'n lambe'enne yoo Hidi'l Saga'l Saaxi'n ifiishshaanchiinsi hanaan ihaa wocukkuuyyi macceesukko. Ixxim atoorassukko.