Read Hadiyya Iyyaas Kitaaba 12 Bible Online

Iyyaas Kitaaba 12 - Hadiyya bible

Iyyaas Kitaaba 12

¹Isra'ee'l minaadab illageen Yoordaanoos Daajjiinsi eelliinchi firinne yoo uulla qasanchinne kaa'lla'a amadda'a hee'llo'o; oo amaddo'i uulli hundim Arnoo'n Cebbiinsi ki'isaa Yoordaanoos cebbiinsi eelliinchi firoo kollonne yoo uulla hundam edaa handd'n qarinne Hermoon Duun afeebe'e hee'ukko. Ee uulli hundam gassitam hee'llo'o lam adilluwwi hee'llo'o.

²Ee adilluwwoomikim mat Haseboonanne ihaa gassoo Amoore'i manni adil Siihoonatte hee'ukko. Ixxi gassam hee'u uullim Arnoo'n Cebbi gadononne yoo Aro'eeriinsii ee cebbi lambe'enne yoo beero'iinsii ki'isaa Gala'aaxxi uullika kollo edaa Amoo'n Mannina gabal hee'u Yaabooq Daajji afeebe'e hee'ukko.

³Odim Galii'l Dambalaqiinsi ki'isaa Yoordaanoos Cebba edaa woroo'n Sooqixxi Dambalaqiinsii eelliinchi firinne Beetiyaashiimoot afeebe'e piisigaa Duuniinsi woroo'n qariinne yoo uulli hundam edaa gassam hee'ukko.

⁴Odim Isra'ee'l minaadab Iraafaay moolliinsi lasaanchonne gataa hee'u Baasaa'n adil Ooga kaa'llo'o. Ixxim Ashitaarotannee Ediira'annee hee'oohan hee'ukko.

⁵Oogim Hermoo'n duuna, Saalkaanaa Gashurinaa Maa'ikatinaa gabal afeebe'e yoo Baasaa'n uullaa Haseboo'n adil shiihoon gassam hee'u uulli gabal afeebe'e Gala'aaxxi uullika kollo edaa gassan hee'ukko.

⁶Waa'ina awwaadaanchi Muse'ee Isra'ee'l minaadaabii ee lamem adilluwwam kaa'llo'o. Muse'em uullooma Roobeel sullina, Gaad sullinaa Minaas sulliinsim kollinaa ee uulla gulummi issaa uwwukko.

⁷Iyyaasii Isra'ee'l minaadabii kaa'llo'i adilluwwi uulli Yoordaanoos Dajjiinsi eelliinchi aagginne Liibaanoos cebbanne yoo Ba'aalgaadiinsi ki'isaa woroo'n qarinne Eedoo'm uulli gadanonne yoo Halaaq Duun afeebe'e yoohan hee'ukko. Iyyaasim ee uulla hundam Isra'ee'l minaadabina sullinne sullinne lago aa'llona uwwukko.

⁸Oo a'llito'i uullim duu'n uulla, eelliinchi aagginne yoo duuniinsi woroon yoo uulla, Yoordaanoos cebbanne yoo duunnuwwi magara, eelliinchi firinne yoo beqeraam uullaa woroo'n qarinnem yoo udma'i uullaa hee'ukko. Ee uulli hundannem Hiite'ik, Amoore'ik, Faarze'ik, Hiiwe'ikii Iyyaabuus minaadabii hee'llam hee'llo'o.

⁹Isra'ee'l minaadab kaa'llo'i adilluwwim Iiyaarko'i adila, Beetee'l gadanonne yoo Aay adila,

¹⁰Yerusaalee'm adila, Keebiroo'n adila,

¹¹Yarmuuxxi adila, Laakiish adila,

¹²Eegiloo'n adila, Geezee'l adila,

¹³Dabii'l adila, Geedee'l adila,

¹⁴Hormaa'i adila, Arulaa'm adila,

¹⁵Liibi'n adila, Adulaa'm adila,

¹⁶Maaqeexxi adila, Beetee'l adila,

¹⁷Taaphu'i adila, Heefee'l adila,

¹⁸Afeeq adila, Laashaaroo'n adila,

¹⁹Maadoo'n adila, Hoxoo'l adila,

²⁰Shiimiro'imaaroo'n adila, Akishaaf adila,

²¹Taanaaq adila, Magiido'i adila,

²²Qedeesh adila, Qarmeeloosanne hee'u Yooqinaa'm adila,

²³Doora'i qoffitenne hee'u Door adila, Galgalanne Gooyi'm adilaa

²⁴Tirza'i adilaa. Ee adilluwwoomikim xig sadee matoo hee'ukko.