Read Hadiyya Iyyaas Kitaaba 15 Bible Online

Iyyaas Kitaaba 15 - Hadiyya bible

Iyyaas Kitaaba 15

¹Yihuxxi sullina moollinne moollinne uwwamu uulli sharad Eedoo'm uulli afeebe'e dilloohan ihukkuuyyi woroo'n qarinne Xii'n udma'i uulla afookko.

²Ku woroo'n qarinne yoo ixxuwwi uulli gabalim sooqixxi Dambalaq woroo'n qar tochchiinsi ki'ookko.

³Ehanniinsim Aqiraabim higakkam woroo'n qarinne Xiina afookko. Qaadees Barinne'ina woroo'n qarinne Heesiroona higaa Adaar kolli iim shiqaa Qaarqa'i kolli daba'llookko.

⁴Axmoo'n kollinnem ihaa Gibxi gabalanne yoo Daajje higaa Meedeteraaniyaa'n Dambalaqanne afookko. Woroo'n qarinne yoo Yihuxxi gabal eehan hee'ukko.

⁵Eeliinchi firoo kollinne yoo gabal odim Sooqixxi Dambalaq ihukkuuyyi Yoordaanoos Daajji beeddoo tochcho afookko. Ee'isam hanaa'n qarinne yoo gabal Yoordaanoos Daajji beeddoo dambalaq tochchiinsi ki'isaa

⁶Beetihoogilanne iim hooraa Beeti'arabina hanaa'n qarinne higaa Roobeel beet Booha'n kin yoo beyyo afookko.

⁷Eehanniinsim gabaloom Aakoo'l cebbiinsi ki'isaa Daabiiranne iim firaa eecebbiinsim woroo'n qarinne Gelgeelanne daba'llookko. Ee'isam Enrhemeshi wo'o higaa Enirogeela afookko.

⁸Ee'isam Hiinoo'm beet cebbinne Iyyaabuus manni beero'i hee'u Yerusaaleemiinsi woroo'n qarinne iim firookko. Odim Iraafaayi'm cebbi hanaa'n qa'l kollinne higaa Heenoo'm cebbina eelliinchi aagginne yoo duu'n ludoone afookk.

⁹Ee duu'n ludiinsi ki'isaa Nefitto'i Daajjuwwa higaa Efiroo'n Duunanne yoo beero'uwwanne firookko. Ee hanniinsim Qiriyaat Yi'aariim yamamoo Ba'aala'i Beero'onne daba'llookko.

¹⁰Odim Ba'aala'iinsi eelliinchi aagginne Seeyiraa'i Duunanne daba'llaa Kisaaloona yamamoo Yi'aariim Duu'n hanaa'n qarinne higaa Beetishaamiis kollonne dillaa Tiiminaa'inne higookko.

¹¹Eehanniinsim gabaloom Eeqirooniinsi hanaa'n qarinne duunanne iim firaa Shiikiroonanne daba'llaa Baal Duuna higaa Yaabini'eela afookko. Lasaanchi gabalim Meedeteraaniyaa'n Dambalaq hee'ukko.

¹²Eeliinchi aagoo kollinne yoo uulli gabal lob dambalaq tochchi afeebe'e ihukkuuyyi Yihuxxi minaadabina moolinne moollinne uwwamu uullina kululleetanne hee'u gaballuwwi kakeen hee'ukko.

¹³Waa'i Iyyaaso ijaajukkisannem Yihud oos lambe'enne Keebiroona yamamoo Qiriyaat Arba'i beero'o Yaafun beet Kaaleebina sharad issaa uwwukko. Arbaaq Anaaqina anni hee'ukko.

¹⁴Kaaleeb Anaaq oos shumo'o sasom Sheeshaayika Aahiimaanikaa Taaliimaayikaa ee beyyiinsi hollukko.

¹⁵Eeheenim Dabii'l minaadaba qaseena firukko. Ku Dabii'l beero'i illageen Qiriyaatiseefiraa yamamam hee'ukko.

¹⁶Kaaleebim «Qiriyaatiseefira qasaa amadoohaannina landichcho Adkaase uwwoommo» yukko.

¹⁷Ee bikkina Kaaleebina abbaayyi hee'u Qeenaaz beet Otooni'eel ee beyyo amadukko. Kaaleebim ixxi landichcho Otooni'elina ladiisukko.

¹⁸Aakkaasem Otooni'eelina ladiisanto'i balla is anniinsi uulla uunxoo'isina qoxxissa'a soggo'o. Isem hallichchiinsi dillito'isam Kaaleeb isena «Maha issona hassootto?» yukko.

¹⁹Isem irifo'o uwwe; Woroo'n qarinne yoo gogaalli uulla uwwitaa hee'llitto; kabadem eddaa wo'i bu'o uwwe» yito'o. Kaaleebim hanaa'n kolli bu'oo woroo'n kolli bu'oo uwwukko.

²⁰Yihuxxi sullina moollinne moollinne uwwamu uulli kane.

²¹Ixxuwwim lago aa'llo'i beero'uwwim woroo'n qarinne Eedoo'm gaballina hincitenne yoo Qaabxi'eela, Edeera, Yaagura,

²²Qiina, Diimoona, Aadi'aada,

²³Qaadeesa, Haxoora, Yitinaana,

²⁴Ziifa, Xeleema, Ba'aaloota,

²⁵Haxoorhadaata, Haxoor yamamoo Qiiriiyaatiheesiroona,

²⁶Amaama, Shamaa'a, Molaada,

²⁷Haxoorgaada, Heshimoona, Betiphaaleexa,

²⁸Haxoorishu'aala, Berisaabeeha, Biziyotiya,

²⁹Ba'aala, Iiyuma, Axeema,

³⁰Eelitolaada, Kasiila, Hoorima,

³¹Xiqilaaga, Maadimaana, Saanisaana,

³²Libawoota, Shiilihiima, Aayininaa Kakee'nne hundikkim xig mat ihaa lamiyyee honsi beero'uwwaa ihukkuuyii ka beero'uwwi hegeegonne yoo hoffi beero'uwwa hundam edookko.

³³Odim Qaala'anne yoo beero'uwwim; Eshitaa'oolaa Tsori'aa Ashinna

³⁴Zaanobaa Engaaniimaa Taaphuha, Enaama,

³⁵Yaarimuta, Adolaama, Sokoohaa Aazeqa,

³⁶Shaa'iraayima, Adiitaayima, Gaderotaayimaa; kakeen hundikim xig mat ihaa tommoo soor beero'oo ihukkuuyyi ka beero'uwwi hegeegonne yoo hoffi beero'uwwa hundam edookko.

³⁷Ee'isam Xinaana, Hadaasha, Miigdaalgaad,

³⁸Diili'aana, Misiphpha, Yaqixi'eela,

³⁹Laakiisha, Boxiqaata, Eegiloona,

⁴⁰Kaaboona, Lahimaasa, Kiitiliisha,

⁴¹Gaderota, Beetidaagona, Naa'ima, Maqeda; Kakee'nne hundikim xig mat ihaa tommoo loh beero'oo ihukkuuyyi ka beero'uwwi hegeegonne yoo hoffi beero'uwwa hundam edookko.

⁴²Kakeeninne maqire hee'u keen Liibina, Eteera, Aashaana,

⁴³Yifitaha, Ashina, Naxiiba,

⁴⁴Qa'iila, Akziibaa, Mareshaa; ka beero'uwwi hundikim xig mat ihaa honsi beero'i ihukkuuyyi ka beero'uwwi hegeegoonne yoo hoffi beero'uwwa hundam edookko.

⁴⁵Eeqiroo'n beero'i kululleetanne hoffi beero'uwwi hegeegguwwi hee'ukko.

⁴⁶Ashdood beero'i gadanonne Eeqirooniinsi ki'isaa Meedeteraaniyaa'n Dambalaqanne afeebe'e yoo beero'uwwii hegeegguwwii hee'ukko.

⁴⁷Ee'isam Ashdood beero'uwwinnee hegeegguwwinnee Gaaza'im beero'uwwinnee hegeegguwwinnee Gibxi Daajjiinsi Meedeteraaniyaa'n Dambalaq tochchi afeebe'e hee'ukko.

⁴⁸Odim duu'n uullane Shamiraa Yaatiraa Sokohaa

⁴⁹Daanaa Dabiiraa yamamoo Diriyaaxefeeraa

⁵⁰Anaaba, Eshitaamoo'a, Aniima,

⁵¹Goosheena, Holoonaa Giiloo yamamoo tommoo mat berooi'muwwi ihukkuuyyi ixxuwwi kululleetanne yoo hoffi beero'uwwam edoohane.

⁵²Odim Araaba, Duuma, Eshi'aana,

⁵³Yaanima, Beetitaaphuha, Afeeqa,

⁵⁴Humixa, Keebiroona yamamoo Qiriyaat Arba'aa Xi'ooraa yamamoo honsi beero'uwwaa ihukkuuyyi ixxuwwi kululleetanne yoo hoffi beero'uwwam edoohane.

⁵⁵Mulli keenim Maa'oona, Qarmeeloosa, Ziifa, Yuuxa,

⁵⁶Yizra'eela, Yoqidi'aama, Zaanoha,

⁵⁷Qaayina, Gibi'aa Taaminaa yamamoo tommi beero'uwwi ihukkuuyyi ixxuwwi kululleetanne yoo hoffi beero'uwwam edoohane.

⁵⁸Ee'isam Halihula, Beetxuura, Gedoora,

⁵⁹Ma'iraata, Beeti'aanootaa Eeltiqoonaa yamamoo loh beero'uwwi ihukkuuyyi ixxuwwi kululleetanne yoo hoffi beero'uwwam edoohane.

⁶⁰Odim Qiiriyaatiyi'aarim yamamoo Qiriyaatbaa'aalaa Raabaa yamamoo lam beero'uwwi ihukkuuyyi ixxuwwi kululleetanne yoo hoffi beero'uwwam edoohane.

⁶¹Ee keeninne hundinnem udma'i uullanne yoo Beeti'araaba, Miidiina, Sekaaka,

⁶²Niibishaana, Sooqixxi beero'oo Eengaadaa yamamoo loh beero'uwwi ihukkuuyyi ixxuwwi kululleetanne yoo hoffi beero'uwwam edoohane.

⁶³Ihukkaarem Yihuxxi sulli Yerusaaleemanne hee'llo'i Iyyaabuus minaadaba holliteena xanto'oyyo; ee bikkina ixxuwwi kaballi afeebe'em Yihuxxi sullinne maqirem Yerusaaleemanne yo'o.