Read Hadiyya Iyyaas Kitaaba 16 Bible Online

Iyyaas Kitaaba 16 - Hadiyya bible

Iyyaas Kitaaba 16

¹Yooseef shumo'ina uwwamu uulli sharad Iyyaarko'ina gadanonne yoo Yoordaanoos Daajjiinsi ki'ookko; oohim Iyyaarko'i wo'i bu'uwwiinsi eelliinchi firinne udma'i uulla afookko. Odim Iyyaarko'iinsi ki'isaa duu'n uullinne Beeteelanne firookko.

²Looza yakkam Beeteeliinsi ki'isaa Arke'i manni hee'oo Axaaroot Adaar tochcho afookko.

³Eehanniinsim eelliinchi aagginne hee'llam Yaafileexe'i manni uullinne aa'aa woroo'n Beetihororoo'n uulla edaa Gezeeranne higaa Meedeteraaniyaa'n Dambalaqanne afookko.

⁴Yooseef shumo'i hee'llo'i Efireem sullii eelliinchi aagginne hee'llam Minaas sullik kollii ee uulla lago aa'llo'o.

⁵Efireem sullina moollinne moollinne uwwamu uulli sharad kanniinsi woroon yoohane; ixxuwwi uulli gabalim eelliinchi firinne Axaaroti'adariinsi ki'isaa Kanaa'n Betihorona afeebe'e firookko.

⁶Eehaniinsim ki'isaa Meedeteraaniyaa'n Dambalaqa afookko; odim hanaan yoo ixxuwwi uulli gabalim Miikimataatiinsi ki'isaa Ta'aanaat Shiilo'inne muquqaa eelliinchi firinne Yaanoha afookko.

⁷Yaanohiinsi ki'isaa Axarotannee Na'aratannee dillaa Iyyaarko'o afaa Yoordaanoos Daajje afookko.

⁸Oo gabalim Taaphuwiinsi eelliinchi aagginne Qaanaa Daajjenne afookko. Efireem sullina moollinne moollinne uwwamu uulli eehan hee'ukko.

⁹Oohim Minaas sullina uwwamu uullanne yoo beero'uwwikaa beero'uwwi hegeegguwwikaa mato edaa Efireem sullina uwwamukko.

¹⁰Efireem sulli Geezeeranne hee'llam Kana'aa'n manna hollito'i lambe'enne yo'o. He'llona bagaan ixxuwwi Efireem sullina malaayyi baxo baxxeena agid ikko'o.