Read Hadiyya Iyyaas Kitaaba 19 Bible Online

Iyyaas Kitaaba 19 - Hadiyya bible

Iyyaas Kitaaba 19

¹La'm saam Simi'oon sullina moollinne moollinne firukko. Ixxuwwi uullim Yihuxxi sullina uwwamu uulli lambe'ennette hee'ukko.

²Oo beyyuwwim Berisaabeha, Molaada,

³Haxarisu'aala, Baala,

⁴Exeema, Eeltoolaada,

⁵Batuula, Heerma'a, Xiqilaaga, Beetimaarikaaboota, Haxarisuusa,

⁶Beetlabaa'ootaa Shaaruheenaa hee'ukko. Ku keen hundim mat ihaa tommoo sas beero'oo ihukkuuyyi kakee'n kululleetanne yoo hoffi beero'uwwa hundam edookko.

⁷Kakeeninne maqirem Aayina, Riimoona, Eteeraa Oshaanaa hee'ukko. Ku keen hundim mat ihaa soor beero'i ihukkuuyyi ka beero'uwwi kululleetanne yoo hoffi beero'uwwi hundam edookko.

⁸Odim woroo'n qarinne yoo Baa'ilaatiba'eera yakkam Raamaa'i afeebe'e ee beero'uwwi kululleetanne yoo hoffi beero'uwwi hundam edam hee'ukko. Simi'oon sullina moollinne moollinne uwwamu uulli ka keen hee'ukko.

⁹Yihuxxi sullina uwwamu uulli sharad lobakata haraar ihu bikkina eehanniinsi murakka'a Simi'oon sullina uwwakko'o. Ee bikkina Simi'oon sulli Yihuxxi sulli lambe'enne uulla a'llito'o.

¹⁰Saxxi saam Zaabiloo'n sullina mollinne mollinne firukko. Ixxuwwi uulli gabalim Saariida afookko.

¹¹Gabaloomim eelliinchi aagginne Maari'ilaa firaa Daabisheet gadaninne aa'aa Yooqini'aamiinsi eelliinchi firinne yoo daajje afookko.

¹²Saariidiinsim ki'isaa eelliinchi firinne Ki'iisilotitaabara higaa Dabiraatinne aa'aa Yaafi'anne firookko.

¹³Ee eelliinchi firinnem Gaatiheefeerinnee Etiqaaxiininnee higaa Riimonanne masoo googinne Ne'aanne daba'llookko.

¹⁴Hanaa'n qarinne yoo gabalim Hanaatoonanne daba'llaa Yifitahi'ee'l cebbanne uullookko.

¹⁵Odim Qaaxaata, Nahilaala, Shiimiroona, Yidaalaa Beetaliheemaa edookko. Ku keen hundim mat ihaa tommoo lam beero'o ihukkuuyyi ka beero'uwwi kululleetanne yoo hoffi beero'uwwi hundam edookko.

¹⁶Ee bikkina ku beero'uwwii kululleetanne yoo hoffi beero'uwwii hundim Zaabiloon sullina moollinne moollinne ixxuwwi gulummi ihoo'isina uwwammukko.

¹⁷Soo'l saam Yisaakoor sullina moollinne moollinne firukko.

¹⁸Ixxuwwi uullim Yizra'eela, Kaasaloota, Shuneema,

¹⁹Hafaaraayima, Shii'oona, Anaaharata,

²⁰Raabiita, Qiishoona, Abeexa,

²¹Remeta, Enigaaniima, Enhadaa Beetiphaaxeedaa edookko.

²²Gabaloomim Taaboora, Shaaxumaa Beexhaamishaa afaa Yoordaanoosanne uullookko. Ku keen hundim mat ihaa tommoo loh beero'oo ihukkuuyyi kakee'n kululleetanne yoo hoffi beero'uwwa hundam edookko.

²³Ku beero'uwwii ka beero'uwwi kululleetanne yoo hoffi beero'uwwii hundim Yisaakoor sullina moollinne moollinne ixxuwwi gulummi ihoo'isna uwwamukko.

²⁴Onti saam Aseer sullina moollinne moollinne firukko.

²⁵Ixxuwwi uullim Heliqaata, Hala, Baxeena, Akshaafa,

²⁶Aalaameleeka, Ami'aadaa Miishi'aalaa edookko. Eelliinchi aagoo kollinnem Qarimeloosinnee Shiihoriliibinaatinnee gaba'llamookko.

²⁷Eelliinchi firoo kollinnem Beetidaagoosinne daba'llaa Zaabilooninnee Yifitaahi'ee'l Cebbinnee aa'aa hanaa'n qarinne Beeti'eemeeqaa Ni'i'eelaa afookko. Qeddi kollinnem Kaabula afookko.

²⁸Eeheenim Eebroona, Raahooba, Haamoonaa Qaanaa'aa higaa Lob Siidoona afookko.

²⁹Gabaloomim Ramaa'i kolli daba'llaa girbamaakkoo Xiiroos beero'o afookko. Eehanniinsim Hoosa'i kolli daba'llaa Meedeteraaniyaa'n Dambalaqanne uullookko. Odim Mahalaaba, Akiziiba,

³⁰Uma, Aafeeqaa Rahoobaa edookko. Ku keen hundim mat ihaa lamiyyee lam beero'oo ihukkuuyyi kululleetanne yoo hoffi beero'uwwa hundam edookko.

³¹Ee bikkina ku beero'uwwi ka beero'uwwi kululleetanne yoo hoffi beero'uwwi hundim Aseer sullina moollinne moollinne ixxuwwi gulummi ihoo'isina uwwamukko.

³²Lah saam Niftaaleem sullina moollinne moollinne firukko.

³³Ixxuwwi uullina gabalinne Heleefiinsi Da'inaaniimanne yoo qilxokkichchiinsi ki'isaa Adaamiineqeeba, Yaamiiniiyaa Laaqumaa afaa Yoordaanoos Daajjenne uullookko.

³⁴Eehanniinsim gabaloom eelliinchi aagginne Azinotitaabooranne daba'llaa huqooqa afookko; Woroo'n qarinnem Zaabilooniinsi eelliinchi agoo kollinnee Aseeriinsi eelliinchi firinnee Yoordaanoos Daajji gabal ihookko.

³⁵Girbamu beero'uwwim Xiidiima, Xeera, Hamaata, Raaqaata, Kiinaareeta,

³⁶Adaama, Raama, Hasoora,

³⁷Qeedeesha, Eediraa'a, Eenihaxoora,

³⁸Yiri'oon, Miigidaali'eela, Horeemaa Beetisheemiishaa hee'ukko. Ku keen hundim mat tommoo honsi beero'oo ihukkuuyyi ka beero'uwwi kululleetanne yoo hoffi beero'uwwa hundam edookko.

³⁹Ee bikkina ku beero'uwwii ka beero'uwwi kululleetanne yoo hoffi beero'uwwii hundim Niftaaleem sullina moollinne moollinne ixxuwwi gulummi ihoo'isina uwwamukko.

⁴⁰Lama'l saam Daan sullina moollinne moollinne firukko.

⁴¹Ixxuwwi a'llito'i uullim Xori'a, Eshta'oola, Iirishemeesha,

⁴²Sha'aalibiima, Ayaaloona, Yitila,

⁴³Eeloona, Tiimina, Eqeeroona,

⁴⁴Ilitaqa, Gibtoona, Baa'ilaata,

⁴⁵Yihuda, Banebaraaqa, Gaatirimoona,

⁴⁶Meyaariqoona, Raaqonaa Iyoophphe'i kululleetanne yoo uullaa edookko.

⁴⁷Daan sullim ixxuwwi uulla hooggo'i bikkina Laayishaa yakkam beero'o matta'a qassa'a amaddo'o. Ee lasage ee uulli manna bisa'inne shita'a gullita'a uullooma lago aa'llo'o. Ee beyyonnem afuutto'o. Ee beyyi summam ixxuwwi anni summanne Daana yita'a weeshsho'o.

⁴⁸Ku beero'uwwii ka beero'uwwi kululleetanne yoo hoffi beero'uwwii hundim Daan sullina moollinne moollinne ixxuwwi gulummi ihoo'isina uwwamukko.

⁴⁹Isra'ee'l oos ixxuwwi gagina uulla baxxanta'a lasage Naawe'i beet Iyyaasina ixxuwwi lambe'enne uullika sharada uwwito'o.

⁵⁰Waa'i ijaajukkisannem duunaam Efireem uullanne yoo Taminaatseeraaha yakkam beero'o uwwakko'o. Iyyaasim ee beero'o axisaa baxaa heechchi beyyi issukko.

⁵¹Qeessichchi Aali'aazarii Nawwe'i beet Iyyaasii Isra'ee'l sullik moolli awwonsaanii Seelo'onne Keesammi Dukkaana aagakkam goocanne Waa'i illagenne saaminne baxxansito'i uulli ee keeno. Ee'isa issimminne uulla baxxansita'a guullito'o.