Read Hadiyya Iyyaas Kitaaba 21 Bible Online

Iyyaas Kitaaba 21 - Hadiyya bible

Iyyaas Kitaaba 21

¹Leewi'i abaroosina gassaan hee'llo'i keen Qeessichchi Ali'aazaar beyyoo Naawe'i beet Iyyaas beyyoo Isra'ee'l sullina abaroosikka gassaan kee'n beyyoo matto'o.

²Kana'aa'n uullanne yoo Seelo'o yakkam beero'onne ixxuwwi beyyo hincita'a «Waa'i Mise'i kollinnetti ihaa hee'nnoommi beero'uwwii ni diinat alaa'lloo uullii niina uwwamona ijaajaakko» yito'o.

³Ee bikkina Waa'i ijaajukkisannem Isra'ee'l minaadab ixxuwwi gaqqi uulliinsi kanniinsi woroon yoo beero'uwwaa diinat allaa'lloo uullaa Leewi'i sullina uwwito'o.

⁴Luxxi saam Leewi'i sulliinette hee'llo'i Qa'aat moollina firukko. Leewi'i oos hee'llo'i qeessichchi Aaroon shumo'ina Yihuxxi sulliinsi, simi'oon sulliinsii Biiniyaam sulliinsii tommoo sas beero'oo saaminne uwwito'o.

⁵Qa'aat moolliinsi gatto'i keenina Efireem sulliinsii Daan sulliinsii Minaasaanniinsim kolli sulliinsii tommi beero'o saaminne uwwito'o.

⁶Gershoon moollina Yisaakoor sulliinsi, Aseer sullinsi, Niftaaleem sulliinsii, Baasaananne hee'llam Minaasaanniinsi kolli sulliinsii tommoo sas beero'oo saaminne uwwito'o.

⁷Meeraar oosinam moollinne moollinne Roobeel sulliinsi, Gaad sulliinsii Zaabiloon sulliinsii baxxansita'a tommoo lam beero'oo uwwito'o.

⁸Muse'e Kollinne ihaa Waa'i ijaajukkisannem Isra'ee'l minadab ka beero'uwwaa diinat allaa'lloo uullaa Leewi'i oosina saaminne baxxansito'o.

⁹Leewi'i sulliinsi qaranto'i Qa'aat moolli ikko'i Aaroon oosina luxxi saam firu bikkina Yihuxxi sulliinsii Simi'oon sulliinsii Kanniinsi woroon summinne la'amaakkoo beero'uwwa uwwito'o.

¹¹Ixxuwwim Yihudaannonne duunaam uullanne yoo Qiiriyaat Arba'i yamamoo Keebiroo'n beero'oo ee beero'i kululleetanne yoo diinat allaa'lloo uullaa uwwito'o. Arbaa'i Anaaq anni hee'ukko.

¹²Ihona bagaan ee beero'onne yoo abuulli uullaa ee beero'i kululleetanne yoo hoffi beero'uwwaa Yaafun beet Kaaleebina gulummi issita'a uwwita'a hee'llo'o.

¹³La'oo'n dangonne manna shu manchi magannaato aagoo beero'uwwiinsi mat hee'u Keebiroona diinaat allaa'lloo uullinne mqirem qeessichchi Aaroon shumo'ina uwwito'o. Odim kanniinsi woroon yoo beero'uwwa uwwito'o. Oo keenim Libina,

¹⁴Yaatiira, Eshtaamo'a,

¹⁵Hooloona, Dabiira,

¹⁶Aaya, Yuxaanaa Beetisheemeeshaa. Ku honsem beero'uwwim hundem sulluwwiinsim uwwanto'oo keeno.

¹⁷Biiniyaam sulliinsim soor beero'o Gaba'oona, Geebaa'a,

¹⁸Anaatootaa Alimoonaa diinaat Alaa'lloo uullinne maqirem uwwito'o.

¹⁹Qeessuwwi hee'llo'i Aaroon shumo'ina ixxuwwi diinaat alaa'lloo uullinne maqirem tommoo sas beero'oo uwwito'o.

²⁰Leewi'i sulliinsi gatto'i Qa'aat moollina Efireem sulli beero'uwwiinsi hofqax beero'uwwam uwwito'o.

²¹La'oo'n manna shu manchi maganaaf aagoo beero'uwwiinsi mat hee'u Efireem duunanne yoo Seekeem beero'o diinat alaa'lloo uullinne maqirem uwwukko.

²²Odim Geezeeraa Qiibixaayimaa Beetihoroonaa Soorem Beero'om diinat alaa'lloo uullinne maqirem uwwito'o.

²³Daan sulliinsim Eelitaqa, Giibatoona,

²⁴Ayaaloonaa Gatirmonaa Soorem beero'om diinat allaa'lloo uullinne maqirem uwwito'o.

²⁵Eelliinchi aagoo kollinne hee'llam Minaas sulliinsim Ta'inaakaa Gaatiriimonaa diinat alaa'lloo uullinne maqirem uwwito'o.

²⁶Ka tommem beero'om diinat alaa'lloo uullinne maqirem gatto'i Qa'aat moollina uwwito'o.

²⁷Leewi'i sulliinsette hee'llo'i Gershoon moollina eelliinchi firinne hee'llam Minaas sulliinsi la'oo'n dangonne manna shu manchi magannaato aagoo beero'uwwiinsi mat hee'u Baasaananne yoo Goolanaa Ba'eshitaaraa lamem beero'om diinat alaa'lloo uullinne maqirem uwwito'o.

²⁸Yisaakoor sullinsim Qiishiyoonaa Daabaraata,

²⁹Yaarimutaa Engaaniimaa soorem beero'om diinat alaa'lloo uullinne maqirem uwwito'o.

³⁰Aseer sulliinsim Miishi'aala, Aabdoona,

³¹Heliqaataa Rahoobaa soorem beero'om diinat alaa'lloo uullinne maqirem uwwito'o.

³²Niftaaleem sulliinsim la'oo'n dangonne manna shu manchi maganaato aagoo beero'uwwiinsi mat hee'u Galiilanne yoo Qeedeeshaa hamatidooraa Qaaritaa sasem karamam diinat alaa'lloo uullinne maqirem uwwio'o.

³³Gershoo'n moollik karammuwwi hundim diinat allaa'lloo uullinne maqirem tommoo sasoo hee'ukko.

³⁴Leewi'i sulliinsetti hee'llo'i gatto'i Meeraar moollina Zaabiloon sulliinsi Yooqini'aama, Qaarita'a,

³⁵Diiminaa Naahilaalaa soorem beero'om diinat allaa'lloo uullinne maqirem uwwito'o.

³⁶Roobeel sullinsi Beexeera Yahaxaa

³⁷Qademootaa Meefaa'aataa soorem beero'om diinat alaa'lloo uullinne maqirem uwwito'o.

³⁸Gaad sulliinsim la'oo'n dangonne manna shu manchi magannaato aagoo beero'uwwiinsi mat hee'u Gala'aadanne yoo Raamootaa Maahinaayimaa.

³⁹Haseboonaa Yaa'izeeraa soorem beero'om diinaat alaa'lloo uullinne maqirem uwwito'o.

⁴⁰Leewi'i sulliinsi hee'llo'i gatto'i Meeraar moolli beero'uwwi tommoo lamoo hee'ukko.

⁴¹Isra'ee'l minaadab ixxuwwi gulummi issita'a lago aa'lla'a lasage heechchi beyyi issito'o.

⁴³Waa'i ixxuwwi maalda'uwwina uwwoommoo yaa hide'u uulla hundam Isra'ee'l minaadabina uwwukko. Ixxuwwi uullooma lago aa'lla'a lasage heechchi beyyi issito'o.

⁴⁴Waa'i illagee'n maalda'uwwina aagu saga'llisannem ixxuwwi kululleetanne yoo diina'iinsi hundichchiinsim ixxuwwa usheexxisukko. Ixxuwwi diina'i hundichchom ixxuwwi anganne higisaa uwwu bikkina ixxuwwinne uullixxameena xanookkok ayyim hee'ukkoyyo.

⁴⁵Waa'i Isra'ee'l minaadabina wocu er neeyyaxxi sagara hundam wonshukko bagaan matom gatisukkoyyo.