Read Hadiyya 2Yohaannis Asso 1 Bible Online

2Yohaannis Asso 1 - Hadiyya bible

2Yohaannis Asso 1

¹Waa'i doo'llaakkoo moollamanaa is oosinaa an lommanchi asse'ummi asso. Hanqinam an ki'nnuwwa iittoommo. Iittoommokim xale'i anette ihoo'n hanqa laqqam keen hundim ki'nnuwwa iittitamo.

²Mashka'oomim ni woronne yoo hanqi doolli hundam niinninne maqire hee'oohane.

³Niyyanni Waa'iinsii Waa'i Beet Yesuus Kiristoosiinsii eroommi, qishixximmii xummii hanqinnee iittinnee niinninne maqire ihona.

⁴Ki oosik mat mat keen niyyanni Waa'i neese ijaaju hanqi googonne qoxxita'a hee'llamoka moo'aa lobakata liiramaammo.

⁵ Moollama, kabadem ihukkaare ku kiina kitaaboommuullak haareechchi ijaaj ihoo'n «Neesena'i neesem iittammona» yoo gaassiinsim ki'isaa yoo moosir ijaaj ihukkisa laqqona uunxoommuulla.

⁶Iitto yimmi Waa'i ijaajina ijaajancha. Oo ijaajim «Iittinne hee'llehe» yoo gaassiinsim macceessakko'i ijaajo.

⁷Yesuus Kiristoos manchi ihaa maarinne waarukkisa amma'nnitambee'i dut huushisaan uullanne binnito'ookko. Eehido'i manchi manna huushisaanchoo Kiristoosina diinakkichchoo.

⁸Ee bikkina ki'nnuwwi baxxakko'aannik mish mahim bi'oo'n wo'm irifo'o siixxitakkamisina qoxxitakka'a ki'nnuwwi gaga ege'llehe.

⁹Kiristoos losisu losishshanne uulloo'n higaa maroohaannonne ayyennem Waa'i bee'ane. Ihukkaarem «Kiristoosik losishshi ihookko» yaa ee losanonne qoxxaa uulloo manchonne Waa'ii Waa'i Beetii lamim yo'o.

¹⁰Ayyi manchim ka losishsha amadoo'n ki'nnuwwi beyyo waaruta'n ki'nnuwwi minenne aa'llakkotte; xummaatissakkotteme.

¹¹Mashka'oomim ayyi manchim ee mancho xummaatisookkok ee manchi jor baxonne hamaaramookko.

¹²Ki'nnuwwina kitaaboommi dut luwwi hee'ukko; ihukkaarem ee hundam woraqatanne kitaaboommaanniinsi ni liiranchi wo'mmoo'isina ki'nnuwwi beyyo waaraa ki'nnuwwinne maqire ihaa atoorallona hasoommo. Oohim ihoo'isa amma'nnoommo.

¹³Waa'i doo'llaakkoo kiyyaayyi oosim [1] kiina xummaato hincaa'llamuulla.