Read Hakha Chin GENESIS 2 Bible Online

GENESIS 2 - Hakha Chin bible

GENESIS 2

¹Cuticun vawlei le van le vawlei le vancung i a ummi thil vialte cu ser an si.

²Ni sarihnak ni ah Pathian nih a tuahmi thil vialte cu a lim hna i cu ni ah cun rian òuan loin a um.

³Ni sarih ni cu thluachuah a pek i a dang tein a chiah, zeicahtiah cu ni cu a thil ser a lim i rianòuan loin a um ni kha a si.

⁴Vawlei le van i a ummi thil vialte ser an sining cu cuticun a si. BAWIPA Pathian nih vawlei le van i a ummi thil vialte hna cu a ser hna tikah,

⁵vawlei cungah hin ramkung zeihmanh a um lo i thlaici zeihmanh a kho lo, zeicahtiah vawlei cungah khan ruah a surter rih lo i vawlei cung i rian a òuantu ahohmanh an um rih lo.

⁶Asinain ti cu vawlei chungin a put i vawlei kha a hnawnter.

⁷Cun BAWIPA Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

⁸Cun BAWIPA Pathian nih nichuahlei ah Eden dum pakhat a ser i cuka ah cun a sermi mipa kha a chiah.

⁹Vawlei chung cun aa dawhmi thingkung le rawl ca i a òhami kung a phunphun kha a khohter hna, dum laifang ah cun nunnak thingkung, chia le òha hngalh khawhnak thingkung zong a khohter.

¹⁰Eden cun tiva pakhat a luang i cu tiva nih cun dum cu ti a toih. Cu tiva cu tiva pali ah aa òhen.

¹¹Pakhatnak cu a min ah Pishon a si; cu tiva cu Havilah ram a velchum i a luangmi kha a si.

¹²Cuka ah cun sui thiang ngaingai phun kha an hmuh i a man a sungmi thingthling le oniks lungvar sen zong an hmuh hna.

¹³Tiva pahnihnak a min cu Gihon a si; cu tiva cu Kush ram velchum i a luangmi kha a si.

¹⁴Tiva pathumnak cu Tigris a si, cu tiva cu Assiria ram nichuahlei i a luangmi kha a si. Tiva palinak cu Zufrates tiva kha a si.

¹⁵Cun BAWIPA Pathian nih mipa cu a lak i Eden dum chungah cun dum cu a thlawh awk le ven awkah a chiah.

¹⁶Mipa cu a thawh i, “Dum chung i a ummi thingkung vialte hi an thei na ei dih ko hna lai,

¹⁷sihmanhsehlaw a òha le a òhalo hngalhnak pe khotu thingkung a tlai hi cu na ei lai lo. Cu thingthei cu na ei hrimhrim lai lo. Na ei ahcun, na ei ni hrimhrim ah na thi lai,” a ti.

¹⁸Cun BAWIPA Pathian nih cun, “Mipa amah lawng i a um hi a òha lo, hawile bawmtu ka serpiak lai,” a ti.

¹⁹Cucaah vawlei khan saram an dihlak le va an dihlak kha a ser hna i mipa sinah cun an min rak sak awkah a ratpi hna. Mipa nih min a rak sakmi hna kha an min ah a cang lan.

²⁰Cuticun mipa nih cun inn zuat saòil vialte le va vialte le ramlak saram vialte cu min a sak hna, asinain amah caah cun hawile bawmtu an um lo.

²¹Cun BAWIPA nih mipa cu thu hluahmah in a hngilhter i aa hngilh karah cun a hnakruh pakhat kha a zuh i cu a zuhnak cu titsa in a phih.

²²Mipa hnakruh a zuhmi cun minu pakhat a ser i a sinah cun a ratpi.

²³Cun mipa nih cun aa thawh i, “Atu hi pei keimah phun taktak a simi cu a si hi; Ka ruh i lakmi ruh, ka sa in lakmi sa. A min ah “Nu” si seh, zeicahtiah amah cu mipa chungin lakmi a si,” a ti.

²⁴Cucaah cun pei pa nih a nu le a pa a kaltak hna i a nupi he an i fonh i pum khat i an can hi a si cu.

²⁵Mipa le a nupi cu an pahnih in hnipuan an ngei lo, sihmanhsehlaw an ning a zak lo.