Read Hakha Chin GENESIS 22 Bible Online

GENESIS 22 - Hakha Chin bible

GENESIS 22

¹Cu hnu tlawmpal ah cun Pathian nih Abraham kha a hneksak i, “Abraham,” tiah a ti i Abraham nih, “BAWIPA, na chimmi bia ka ngai ko,” tiah a leh.

²Pathian nih cun a thawh i, “Na fapa, fapa pakhat lawngte na ngeihmi Isak na dawtmi kha i lak law Moriah ram ah va kal. Cuka ah cun kan hmuhsak laimi tlang cungah khangh thawinak ah na khangh lai,” a ti.

³A thaizing cu zingka tein Abraham nih a laa kha a dan a danh i Isak le a sinum pahnih hna he tiah an kal. Thawinak ding caah cun thing tlawmpal a hlam i BAWIPA nih a chimhmi hmun leiah khan kal aa thawh.

⁴A ni thum ni ah Abraham nih cun cu hmun cu lamhlatpi khin a hei hmuh.

⁵Cun a sinum pawl cu a thawh hna i, “Nannih cu hika ah hin rak um u. Khika ah khin Pathian va biak awkah ngakchiapa le keimah hi kan va kal lai i kan va biak dih in nan sinah kan ra kir òhan lai,” a ti.

⁶Cun Abraham nih khanghthawinak ca ding thing cu Isak kha a phorhter i amah nih mei le nam kha a put hna. Cuticun hmunkhat ah an pahnih cun an kal.

⁷Isak nih khan a pa cu, “Ka pa,” tiah a ti i a pa nih cun, “Hawi, ka fapa,” tiah a leh. Isak nih cun, “Mei le thing cu an um, sihmanhsehlaw khanghthawinak ca ding tuufa tah khuazei ah dah a si kun?” a ti.

⁸Abraham nih cun, “Pathian nih a khan te ko lai, ka fapa,” tiah a leh i cuticun an pahnih cun hmunkhat ah an kal lengmang.

⁹BAWIPA nih a chimhmi hmun kha an phak tikah, Abraham nih biakòheng pakhat a ser i a cungah thing kha a chiah. A fapa cu a òem i biakòheng cung thing cungah cun a chiah.

¹⁰Cun ka thah lai tiah nam a vun i lak ah khin

¹¹BAWIPA vancungmi nih vancung in a run auh i, “Abraham, Abraham!” tiah a ti. Abraham nih, “Asi, hika ah ka um ko,” tiah a leh.

¹²Vancungmi nih cun, “Ngakchiapa kha fahnak zeihmanh pe hlah, a cungah zeihmanh zong tuah fawn hlah. Fapa pakhat lawngte na ngeihmi hmanh pek sian loin na ka um lo caah Pathian nawl ngaih cu na duh ngaingai ti kha ka hngalh,” tiah a ti.

¹³Abraham cu khua a hei hoi i tuukawng pakhat burbuk lak i a ki in a rak taan ko kha a hmuh. A hei fuh i a va lak i a fapa can ah khanghthawinak ah cun a thawi.

¹⁴Abraham nih cu hmun cu, “BAWIPA nih a khaan ko,” tiah min a sak i atu chan tiang zongin mi nih, “BAWIPA tlang cungah cun BAWIPA nih a khaan ko,” an ti tawn.

¹⁵BAWIPA vancungmi nih Abraham cu vancung in a voi hnihnak a run kawh òhan i,

¹⁶“Keimah nih keimah min hrimhrim in biakamnak ka ser lai § hihi BAWIPA chimmi bia a si § fapa pakhat lawngte na ngeihmi kha pek sian loin na ka um lo caah thluachuah tam piin kan pek lai.

¹⁷Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

¹⁸Cun vawlei cung miphun vialte nih, na tefa thluachuah ka pek hna bantuk hin thluachuah kan pe ve, tiah an ka nawl lai § hi vialte cu nangmah nih ka nawl na ngaih caah a si,” a ti.

¹⁹Cun Abraham cu a sinum hna sinah khan a kir i Beer-sheba ah khan hmun khat ah an tlung òi i cuka ah cun khua a sa.

²⁰Cu hnu tlawmpal ah cun Abraham nih a nau Nahor nih khan Milkah he fa an hrin hna ti kha a theih:

²¹Uz cu fapa upa bik a si, a nau ah Buz a si, cun Aram pa Kemuel a si,

²²cun Khesed, Hazo, Pildash, Jidlaf le Bethuel an si.

²³(Bethuel cu Rebekah pa kha a si). Milkah nih Abraham nau Nahor kha hi fapa pariat hi a hrinpiak hna.

²⁴Nahor nupi a pahnihnak Reumah nih, Tebah, Gaham, Tahash le Maakah a hrin hna.