Read Hakha Chin GENESIS 28 Bible Online

GENESIS 28 - Hakha Chin bible

GENESIS 28

¹Isak nih Jakob cu a kawh i thluachuah a pek hnuah, “Kanaan mi nu hi cu òhi hna hlah.

²I tim law Mesopotamia ram i a ummi na nu pa Bethuel inn ah va kal. Cuka nu pakhatkhat cu vaa òhit hna, na pu Laban fanu pakhatkhat kha vaa òhit hna.

³Lianngan Bik Pathian nih na nupi òhitnak ah cun thluachuah in pe seh law fa tam piin in pe seh law miphun tampi hna pa ah in ser seh.

⁴Abraham thluachuah a pek bantuk khan nangmah le na tefa hna cu thluachuah in pe hna seh law, atu i na umnak ram, Pathian nih Abraham a pekmi ram hi nangmah ta si seh,” a ti.

⁵Isak nih Jakob cu Mesopotamia ram i a ummi Aramean mi Bethuel fapa Laban sinah khan a thlah. Laban cu Jakob le Esau nu Rebekah òa kha a si.

⁶Esau nih Jakob kha Isak nih thluachuahnak a pek i nupi vaa òhit awkah Mesopotamia ram ah a kalter ti kha a theih. Cun thluachuah a pek ah khan, Kanaan mi nu na òhi lai lo tiah nawl a pek ti zong kha a theih fawn.

⁷Jakob nih a nu le a pa kha an nawl a ngaih hna i Mesopotamia ram ah a kal cang ti kha a hngalh.

⁸Cucaah Esau nih, ka pa Isak nih Kanaan mi nu kha a duh hna lo ti kha a hngalh.

⁹Cucaah cun Abraham fapa Ishmael sinah khan a va kal i nu dang pakhat a va òhit, a min cu Mahalath a si, amah cu Ishmael fanu kha a si i Nebaioth far a si.

¹⁰Jakob cu Beer-sheba khan aa thawh i Haran khua leiah cun a kal.

¹¹Hmun pakhat khi a va phan i ni a tlak caah cuka ah cun a riak. A it i chantling ah lung aa tlinh.

¹²Mang a manh i a mang ah cun hlei pakhat a hmuh i cu hlei cu vawlei in van tiang a phan i cu hlei ah cun Pathian vancungmi kha an kai i an òum lengmang.

¹³Cun BAWIPA nih cun, “Keimah hi BAWIPA, Abraham le Isak Pathian kha ka si. Na ihnak ram hi nangmah le na tefa kha kan pek hna lai.

¹⁴Na tefa cu an tam tuk ah vawlei cung leidip zat an si lai. An ram cu nichuahlei he nitlaklei he chaklei he thlanglei he a kau chin lengmang lai i vawlei cung miphun vialte nih na tefa hna thluachuah ka pek hna bantuk hin kan pe ve tiah an ka hal lai.

¹⁵Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi òhan lai. Kan chimhmi vialte ka tuah dih hlanah cun nangmah cu kan kaltak lai lo,” tiah a ti.

¹⁶Jakob cu a hun i hlau i, “BAWIPA cu hika hmun ah hin a um taktak, a hngalh bel ka rak hngal lo i a si,” a ti.

¹⁷A thin a phang i, “Hika hmun hi hmun òihnung ngai pei a rak si hi! Pathian inn le vancung kutka pei a rak si hi,” a ti.

¹⁸Jakob cu zingka tein a tho i aa tlinhmi lung cu philh lonak lung ah a bunh i Pathian sin i pekchanhnak caah chiti a toih.

¹⁹Cu hmun cu a min ah Bethel a sak. (Cu hlanah cun cu khua cu a min ah Luz rak ti a si).

²⁰Cun Jakob nih BAWIPA Pathian sinah cun chiatser in biakamnak a tuah i, “Atu ka khualtlawnnak ah hin na ka umpi i na ka huhphenh i rawl le hnipuan na ka pek i

²¹ka pa inn ah him tein ka kir òhan ahcun nangmah cu ka Pathian na si lai.

²²Philh lonak lung ah ka phunmi lung hi na inn a si lai i na ka pekmi thil vialte cheu hra ah cheu khat kan pek lai,” a ti.