Read Hakha Chin GENESIS 29 Bible Online

GENESIS 29 - Hakha Chin bible

GENESIS 29

¹Jakob cu a kal lengmang i nichuahlei mi hna ram cu a phan.

²Lo ah khin tikhor pakhat a hei hmuh i a pawngah cun tuu run thum nih an bawhhnawh ko. Tuurun cu cu tikhor ti cu an dinh tawn hna i cu tikhor cu a chin ah lung nganpi a si.

³Tuurun vialte kha an pumh dih hna tikah tuukhal pawl nih khan a chin lung cu an thawn tawn i ti cu an dinh tawn hna. Cun lung cu a umnak ah khan an chiah òhan tawn.

⁴Jakob nih annih cu a thawh hna i, “Ka duale, khuazei mi dah nan si?” a ti hna. Annih nih, “Haran khuami kan si,” an ti.

⁵Cun, “Nahor fapa Laban kha nan hngalhmi a si maw?” a ti hna i annih nih, “Asi, kan hngalhmi a si,” an ti.

⁶“A dam tah a dam maw?” tiah a hal hna i, “A dam ko. Zohhmanh, a fanu Rachel kha a tuurun he an ra khih,” tiah an leh.

⁷Cun Jakob nih cun, “Atu cu ni a sangpi rih i saòil run khumh a cut rih lo caah, zeicahdah ti nan dinh hna lo i nan thlah rih hna lo?” tiah a ti.

⁸Annih nih, “Tuurun vialte kha kan pumh dih hlan hna le lung chin kha kan i bawmh lulhmalh i kan thawn hlanah cun, cucu kan tuah kho lo; cu hnu lawngah cun kan tuurun cu ti kan dinh khawh hna lai,” an ti.

⁹Cu bantukin Jakob nih bia a ruah lio lengmang hna ah cun Rachel kha a pa tuurun he khan a ra phan ve. Rachel cu a pa tuurun a zohkhenhtu kha a si.

¹⁰Jakob nih a nu òa Laban tuurun he Rachel cu a hmuh tikah tikhor ah khan a va kal i lung kha a thawn i tuu kha ti a dinh hna.

¹¹Cun Rachel kha a hnamh i a òap.

¹²Rachel cu a thawh i, “Kei cu na pa far Rebekah fapa ka si,” tiah a ti. Cu kong cu a pa va chimh awkah Rachel cu a tlik in a tli i

¹³a pa nih a far fapa Jakob kong cu a theih tikah amah ton awkah cun a ra le ve. A kuh i a hnamh i a inn ah khan a luhpi. Cun Jakob nih Laban cu thil umtuning vialte kha a chimh.

¹⁴Laban nih cun a thawh i, “Asi, nangmah cu ka thi le ka sa taktak na si,” tiah a ti. Cuka ah cun Jakob cu thla khat pumte a um.

¹⁵Laban nih Jakob cu, “Ka rualchan na si ai pat tiin alak in ka rian òuan cu a òha hnga lo. Zeizat dah kan pek hnga?” a ti.

¹⁶Laban nih cun fanu pahnih a ngeih hna i a upa deuh cu a min ah Leah a si i a ngakchia deuh cu Rachel a si.

¹⁷Leah cu aa dawh tuk lo, Rachel tu cu a tungtai a òha i aa dawh ngaingai.

¹⁸Jakob nih cun Rachel cu a duh i, “Kum sarih in kan rianh lai i na fanu a ngakchia deuh Rachel hi na ka pek lai,” a ti

¹⁹Laban nih cun, “Midang peknak cun nangmah pek cu ka duh deuh. Cucaah cun ka sinah cun um,” tiah a ti.

²⁰Rachel conak dingah cun Jakob nih khan kum sarih cu rian kha a òuan i asinain a dawt caah khan cu kum sarih cu ni tlawmte bantuk men ah khin a rel ko.

²¹Jakob nih cun Laban cu, “Ka caan a tling cang, na fanu cu ka pe cang kun law òhi cang ning,” a ti.

²²Cucaah Laban nih nupi òhitnak puai a tuah i cuka mi vialte cu a sawm hna.

²³Sihmanhsehlaw cu zan ah cun Rachel kha si loin Leah tu kha Jakob sinah cun a hei kalpi i Jakob nih a rak ihpi.

²⁴(Laban nih cun a salnu Zilpah kha a fanu Leah cu a kalh).

²⁵A thaizing ah cun Jakob nih Leah a si kha a hngalh. Laban cu a thawh i, “Zeicahdah hi bantukin ka cungah na tuah? Rachel pek dingin pei na rian cu ka òuan cu, zeicahdah na ka hlen kun?” a ti.

²⁶Laban nih cun, “Hika ah hin cun u le hlanah naule nih va ngeih phung a si lo.

²⁷Nan i òhitnak puai zarh khat chung hi tlinter ko law cucu a dih in kum sarih na ka rianh rih dingah cun Rachel cu kan pek lai,” a ti.

²⁸Jakob cu a hna a tla i òhitumnak zarh cu a dih tikah, Laban nih a fanu Rachel cu nupi ah a pek.

²⁹(Laban nih a salnu Bilhah kha a fanu Rachel cu a kalh).

³⁰Cucaah Jakob nih khan Rachel zong cu a ihpi i Leah nakkhan a dawt deuh. Laban cu a dang kum sarih a rianh òhan.

³¹BAWIPA nih Leah cu dawt lo deuh a si kha a hmuh tikah anih tu kha fa ngeih khawhnak a pek i Rachel kha cu fa ngei loin a um ko.

³²Leah cu fa a pawi i fapa a hrin. Aa thawh i, “BAWIPA nih ka harnak kha a ka hmuhpiak cang, atu cu ka va nih a ka dawt cang lai,” a ti; cucaah a min ah Reuben[14] a sak.

³³Fa a pawi òhan i a dang fapa a hrin òhan. “Kei cu dawt lomi ka si kha BAWIPA nih a theih caah hi fapa hi a ka pek òhan,” a ti i cucaah a min ah Simeon[15] a sak.

³⁴Fa a pawi òhan i fapa a hrin òhan. “Atu cu fapa pathum ka hrinpiak cang caah ka va hi ka sinah fek deuh in aa òem cang lai,” a ti i cucaah a min cu Levi[16] a sak.

³⁵Fa a pawi òhan i fapa a hrin òhan. “Atu cu Pathian ka thangòhat lai,” a ti i cucaah a min cu Judah[17] a sak. Cun fapa a ngei ti lo.