Read Hakha Chin GENESIS 3 Bible Online

GENESIS 3 - Hakha Chin bible

GENESIS 3

¹BAWIPA Pathian nih a sermi saram hna lakah rul hi a zer bik. Rul nih cun minu kha a thawh i, “Dum chung i a ummi thingthei hi a zeihmanh nan ei lai lo tiah Pathian nih an ti taktak hna maw?” tiah a hal.

²Nu nih cun, “Dum laifang i a ummi thingthei khi dah ti lo cu,

³dum chung i a ummi thingthei vialte hi azeipaoh kan ei khawh ko hna,” tiah a leh. “Pathian nih khi thing khi cu a tlai nan ei lai lo, a tongh zong nan tawng lai lo, nan tongh ahcun nan thi lai, a kan ti,” tiah a ti.

⁴Rul nih cun, “Cucu ahmaan lo; nan thi lai lo.

⁵Pathian nih cu bantukin a ti cu, kha thingthei nan ei ahcun nan ei cangka in amah bantukin hngalhnak nan ngei ve lai i a òha le a òhalo kha nan hngal ve lai ti a hngalh caah a si,” a ti.

⁶Nu nih cun thingkung cu mithlang ngai a si le a thei cu mitthi ngai a si kha a hmuh tikah a fimmi si cu zeitluk in dah a nuamh hnga ti kha a ruat. Cucaah a thei cu a lawh i a ei. Cun a va zong kha tlawmpal a pek ve i a ei ve.

⁷An ei dih cangka in hngalhnak kha an vun hmu i taklawng an si kha an i hngal; cucaah theipi hnah kha an i òhit i an i hruk.

⁸Cu ni zanlei sang ah cun BAWIPA Pathian cu dum chung i aa chawh kha an theih i thing lakah khan an i thup.

⁹Sihmanhsehlaw BAWIPA Pathian nih cun mipa cu a vun auh i, “Khuazei ah dah na um?” tiah a ti.

¹⁰Mipa nih cun, “Dum chung i naa chawh thawng kha ka theih i taklawng ka si caah ka thin a phang, kaa thup,” tiah a leh.

¹¹Pathian nih cun, “Aho nih dah taklawng na si cu an chimh?” tiah a hal. “Ei hlah tiah kan timi thei kha na ei dahra?” tiah a ti.

¹²Mipa nih cun, “Na ka serpiakmi nu nih khan thei cu ei awkah a ka pek i ka ei,” tiah a leh.

¹³BAWIPA Pathian nih minu cu a thawh i, “Zeicahdah hihi na tuah?” tiah a hal. Minu nih cun, “Rul nih a ka hlen i a ka eiter,” tiah a leh.

¹⁴Cun BAWIPA Pathian nih rul cu a thawh i, “Hi ruangah hin nangmah cu dantat na si; hi chiatsernak hi nangmah lawng nih na in lai. Atu thawk hin na paw in na lawn cang lai i na eimi rawl cu leidip a si lai.

¹⁵Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

¹⁶Cun minu cu a thawh i, “Fa na pawinak i harnak na inmi kha ka karhter lai, fa na hrinnak i fahnak na inmi kha ka karhter lai; asinain na va cu na duh òhiamòhiam ko lai i amah cu na cung bawi a si lai,” a ti.

¹⁷Cun Adam[3] cu a thawh i, “Na nupi bia na ngaih i ei hlah kan timi thei kha na ei caah vawlei hi nangmah ruangah chiatserh a si lai. Na ei khim rawl hmuhnak dingah na nun chung fak piin rian na òuan a hau lai.

¹⁸Hlingbur le belh kha an kho tung lai i ramlak thingram kha na ei a hau lai.

¹⁹Rawl na hmuh khawhnak dingah, vawlei i na kir òhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir òhan lai,” a ti.

²⁰Mipa nih a nupi cu a min ah Evi a sak, zeicahtiah amah cu minung vialte nu a si.

²¹Cun BAWIPA Pathian nih Adam le a nupi cu saphaw hnipuan a serpiak hna i a aihter hna.

²²Cun BAWIPA Pathian nih khan aa thawh i, “Atu cu mipa hi a òha le a òhalo a hngalh ve cang caah kanmah bantuk a si cang. Cucaah cun nunnak thingkung hi a banh sual lai i a thei hi a ei lai i zungzal in a nung sual ko lai,” a ti.

²³Cucaah BAWIPA Pathian nih khan Eden dum chung cun a òhawl i amah a sernak vawlei kha thlawh awkah a kalter.

²⁴Pathian nih mipa cu a chuah i Eden dum nichuahlei kamah khan cherubim vancungmi hna le zei ti lei paoh i aa mer khomi mei vainam kha a chiah hna. Annih nih cun nunnak thingkung kha ahohmanh nih naih kho hna hlah seh tiah an cawngh.