Read Hakha Chin GENESIS 30 Bible Online

GENESIS 30 - Hakha Chin bible

GENESIS 30

¹Rachel nih Jakob fa a hrinpiak khawh lo kha a hmuh tikah a u kha a nahchuah i Jakob cu a thawh i, “Fa ka pe, cu ti a si lo ahcun ka thi lai,” a ti.

²Jakob cu Rachel cungah khan a thin a hung i, “Pathian ai cu ka rawlh kho lo. Fa ngei loin an umtertu cu Pathian pei a si cu,” a ti.

³Rachel nih cun, “Ka salnu Bilhah hi ihpi kun, amah tal nih fa ka hrinpiak seh. Cuticun amah thawngin nu ka cang kho ve lai,” a ti.

⁴Cuticun a salnu cu a va kha a pek i a va nih cun a ihpi.

⁵Bilhah cu fa a pawi i Jakob cu fapa a hrinpiak.

⁶Rachel nih khan, “Pathian nih keimah òanh in bia a ka ceihpiak cang. Ka thlacamnak kha a theih i fapa a ka pek,” a ti i cucaah a min cu Dan[18] a sak.

⁷Rachel salnu Bilhah cu fa a pawi òhan i Jakob cu a dang fapa a hrinpiak òhan.

⁸Rachel nih cun, “Ka u he kan i cuh i keimah nih ka tei,” a ti i cucaah a min cu, Naftali[19] a sak.

⁹Leah nih fa ka ngei kho ti lo ti kha a hngalh tikah a salnu Zilpah kha Jakob cu nupi ah a pek.

¹⁰Cun Zilpah nih cun Jakob cu fapa a hrinpiak.

¹¹Leah nih cun, “Ka van a òha ko,” a ti i cucaah a min cu Gad[20] a sak.

¹²Leah salnu Zilpah nih cun Jakob cu fapa a hrinpiak òhan i

¹³Leah nih cun, “Ka vaa lawm hringhran dah! Atu cu nu nih, Lunglawm minu an ka ti lai,” a ti i cucaah a min cu Asher[21] a sak.

¹⁴Changvut òuan caan ah khin Reuben cu lo ah a va kal i mandarek[22] kha a va hmuh hna i a nu sinah a rak put hna. Rachel nih khan Leah cu, “Na fapa nih a rak phorhmi mandarek kha tlawmpal in ka pe ve,” tiah a ti.

¹⁵Leah nih cun, “Ka va na ka chuh hi naa za rih lo maw? Ka fapa mandarek zong lak rih na zalh hi?” a ti. Rachel nih cun, “Na fapa mandarek kha na ka pek ahcun Jakob he tu zan ah na it kho lai,” a ti.

¹⁶Lo in zanlei ah Jakob cu a hung tlun tikah Leah nih cun a va don i, “Tu zan cu ka sinah na ih a hau, ka fapa mandarek in kan cawk cang,” a ti. Cucaah cu zan cu a ihpi.

¹⁷Pathian nih Leah thlacamnak kha a leh i fa a pawi i Jakob cu fapa panganak a hrinpiak.

¹⁸Leah nih cun, “Ka salnu kha ka va ka pek caah Pathian nih laksawng a ka pek,” a ti i cucaah a min ah cun Issakhar[23] a sak.

¹⁹Leah cu fa a pawi òhan i Jakob cu fapa paruknak a hrinpiak.

²⁰Aa thawh i, “Pathian nih laksawng òha ngaingai a ka pek. Atu cu fapa paruk ka hrinpiak cang caah ka vaa nih a ka khinhhramh cang lai,” a ti i cucaah a min ah cun Zebulun[24] a sak.

²¹Cun fanu a run hrin i a min ah Dinah a sak.

²²Cun Pathian nih Rachel kha a vun philh ve lo i a thlacamnak kha a leh i fa ngeih khawhnak a pek.

²³Fa a pawi i fapa a hrin. Aa thawh i, “Fa ngeih lo ningzahnak kha Pathian nih a ka lakpiak cang.

²⁴BAWIPA nih fa dang zong ka pe ko rih seh,” a ti i a min ah Josef[25] a sak.

²⁵Josef chuah hnu khan Jakob nih Laban cu a thawh i, “Atu cu inn ah ka tlunter cang.

²⁶Kan rianh man i na ka pekmi ka nupi hna le ka fale hna hi ka pe hna law kal cang ning. Òha tein na rian kan òuanpiak cu nangmah nih na hngalh,” tiah a ti.

²⁷Cun Laban nih Jakob cu a thawh i, “Biachimnak nawl ka pe ve tuah: litin in ka hngalhmi cu, BAWIPA nih thluachuah a ka pek hi nangmah thawngin a si.

²⁸Na òuan man chim law kan pek lai,” a ti.

²⁹Jakob nih cun, “Zeitindah na rian ka òuan le keimah nih ka zohkhenh hna thawngin zeitluk in dah na saòil an karh cu na hngalh.

³⁰Ka rat hlanah cun na saòil cu tlawmte lawng an rak si, sihmanhsehlaw atu cu tampi ah an i chuah cang; keimah thawngin BAWIPA nih thluachuah cu an pek ko. Atu cu keimah ca kaa òuan caan a si ve cang,” a ti.

³¹Laban nih cun, “Zeidah kan pek lai?” tiah a ti òhan i Jakob nih cun, “Ka duhmi cu òuan man kha a si lo. Ka chimmi hi na tuah ding ahcun na saòil kha kan zohpiak rih ko lai.

³²Nihin ah na saòil run chungah khan ka vaa chawk dih lai i tuufa a nak paohpaoh le meheh fa a òial paohpaoh le a òial a deh in aa dehmi paohpaoh kha a dang ah ka va chiah dih hna lai i cucu ka òuan man cu an si lai.

³³Hihi a zafangmi thil a si tiah ka ruah. Hmailei ah ka din le din lo cu fawi tein na hmuh khawh ko lai. Ka òuan man kha na rak zoh hna tikah, ka meheh hna lakah a òial lomi le a òialning a deh in aa dehmi a si lomi le tuufa a nak lomi na hmuh hna ahcun, cucu a fir in firmi an si ti kha na hngalh lai,” a ti.

³⁴Cun Laban nih khan, “A òha na chimning cun kan tuah lai,” tiah a leh.

³⁵Sihmanhsehlaw cu ni ah cun Laban nih khan, mehehtum a òialmi vialte le a deh in aa dehmi vialte, mehehpi a òialmi vialte le a deh in aa dehmi vialte, an pum cungah rannak a ngeimi vialte kha a dang in a chiah dih hna i tuu a nakmi zong kha a dang in a chiah dih hna i a fapale kha a khalhter hna.

³⁶Cun cu run cu Jakob umnak in a hlat khawh chung ni thum lamkal ah a va chiah hna i a tangmi cu Jakob nih a khalh hna.

³⁷Jakob nih cun aa thawh ve i poplar thing le almond thing le fahia thing a hringmi nge kha aa lak hna i an hawng a hlih hna i cucaah cun a rang in an òial.

³⁸Hi thing nge hna hi saòil tidinnak kuang hmaiah khan a chiah hna. Cuka i a chiah hna cu saòil cu tidin awk i an rat ah khan an i kaih tawn caah a si.

³⁹Saòil nih thing nge chiahmi hna hmai i an i kaih caah cun a phei in a òialmi le òial dip in a òialmi le òial hrawl in a òialmi kha an hrin hna.

⁴⁰Jakob nih tuu kha a dang tein a chiah hna i Laban saòil run chung i a òialmi le a nakmi hna sinah khan a tlonter hna. Cuticun Jakob nih cun amah saòil run cu aa ser ve i Laban saòil run he khan a fonh hna lo.

⁴¹Saòil lak i a òhawngòhawng pawl kha an phol tikah tidinnak kuang ah khan an hmaiah cun fung kha a chiah hna i cuticun fung òial lakah khan a kaihter hna.

⁴²Sihmanhsehlaw a derthawm pawl an phol ah cun an hmaiah fung kha a chia hna lo. Cucaah a derthawm pawl cu Laban ta an si i a òhawng pawl cu Jakob ta an si.

⁴³Khulrang in a rum ko. Saòil run tampi le sal le kalauk le laa kha a ngeih hna.