Read Hakha Chin GENESIS 38 Bible Online

GENESIS 38 - Hakha Chin bible

GENESIS 38

¹Cu caan ah cun Judah kha a unau pawl sin khan a chuak i Adullam khuami Hirah sinah a va um.

²Cuka ah cun Judah nih khan Kanaan mipa a min Shua a simi fanu pakhat a va hmuh. A òhit i a ihpi i

³fa a pawi. Fapa a hrin i a min ah Er a sak.

⁴Fa a pawi òhan i fapa a hrin òhan i a min ah Onan an sak.

⁵Cun fapa a hrin òhan i a min ah Shelah an sak. Shelah a hrin ah cun Judah cu Khezib ah a um.

⁶Judah nih a fapa upa bik Er kha nupi a òhitpiak i a nupi min cu Tamar a si.

⁷Er cu a ziaza a òhat lo caah BAWIPA a cungah aa lawm lo i a thah.

⁸Cucaah Judah nih Onan cu a thawh i, “Na u nupi rohmi kha va ihpi. Vale unau rian a simi na rian kha va tlinter law cuticun na u nih tefa a ngei kho lai,” a ti.

⁹Asinain Onan nih khan fa kan hrinmi cu keimah ta an si lai lo ti kha a hngalh i cucaah cun a u nupi ro cu a ihpi fate a ci kha a pingah a chuahter i cucaah a u caah khan tefa a um kho lo.

¹⁰A tuahmi nih khan BAWIPA cu a lawmhter lo caah amah zong cu a thah ve.

¹¹Cun Judah nih khan a fapa nupi ro Tamar cu a thawh i, “Na pa inn ah va kir law ka fapa Shelah a upat hlantiang khika ah nuhmei in va um ko kun,” a ti. Hi ti a ti cu a ule bantukin Shelah zong kha a thi ve sual lai ti a phan caah a si. Cucaah Tamar cu a pa inn ah khan a kir i a um.

¹²Cu hnu tlawmpal ah Judah nupi Shua fanu kha a thi. Judah nih a nupi zunngaih caan kha a lim tikah a hawipa Adullam khuami Hirah he khan a tuu an hmul an meh hnanak khua Timnah ah khan an va kal.

¹³Tamar kha, “Na va i a pa Judah cu Timnah ah a tuu an hmul meh awkah a kal lai,” tiah mi nih an chimh.

¹⁴Cucaah a nuhmei thilthuam aa hrukmi kha aa thleng i hmaikhuh puan aa khuh i Timnah lei kalnak lam i a ummi Enaim khua luhnak hauka ah khan a rak òhu. Shelah cu a upa cang nain an òhitter duh lo ti kha a hngalh.

¹⁵Judah nih a hmuh tikah a hmai aa khuh caah hlawhhlangnu a si rua tiah a ruah.

¹⁶Lam pawngah cun a hei fuh i, “Ra tuah, it tuah u sih,” a ti. A fapa nupi ro a si kha a hngal lo. Tamar nih cun, “Zeidah na ka phalh lai?” a ti.

¹⁷Anih nih, “Ka meheh run chungin meheh no pakhat in ka rak in kuat lai,” a ti. Cun Tamar nih cun, “A òha ko, na rak ka kuat hlantiang biakamnak na ka pek paoh ahcun,” a ti.

¹⁸Biakamnak caah cun zeidah kan pek hnga? a ti. Tamar nih cun, “Na minkhenhnak kha a hri he, cun naa putmi na òhiangòhunh kha,” a ti.

¹⁹A pek hnu cun a hmaikhuh puan kha aa hawh i nuhmei thilpuan kha aa hruk òhan.

²⁰Nu sin khan a biakamnak thil lak òhan awkah a hawipa Adullam khuami Hirah cu meheh note kha a kuat, sihmanhsehlaw cu nu cu a hmu kho lo.

²¹Cuka mi cu, “Enaim khua lampawng i hlawhhlangnu kha khuazei ah dah a si?” a ti hna. “Cuka ah cun hlawhhlangnu an um bal òung lo,” tiah an leh.

²²Judah sinah khan a va kir i, “Ka hmu kho lo, cuka ah hlawhhlangnu an um bal lo tiah cuka mi nih cun an ka ti,” a ti.

²³Judah nih cun, “Thil kha lak vaa zuam hna hlah, mi nih an ka theih ahcun an ka nihsawh lai. Na hmuh khawh lo hmanh ah hi meheh note cu ka kuat ko hi ta,” a ti.

²⁴Cu hnu thla thum tluk ah khin Judah cu, “Na fapa nupi ro kha fa a pawi,” tiah an chimh. Judah nih cun, “Khua lengah va chuahpi u law a khangh in va khang u,” a ti.

²⁵An chuahpi lioah khin a va i a pa cu bia a hei cah i, “Fa a ka pawitertu cu hi thil hna a ngeitu hi a si. Rak zoh hna law aho ta dah an si § hi minkhenhnak le a hri le òhiangòhunh hi,” a ti.

²⁶Judah nih cun a rak hngalh zau hna i, “Tamar cu a hmaan. Palhnak a tuahtu cu keimah ka si; ka fapa Shelah kha ka rak òhitter awk cang a si,” a ti. Amah cu a ihpi òhan ti lo.

²⁷A nithla a tlin tikah fa phir a pawi kha an hngalh.

²⁸A ngan fah lioah khan pakhat nih a kut a hun chuah i nau hlawmtu nih khan a rak tlaih i, “Hi pa hi a chuak hmasami a si,” tiin la sen a khih.

²⁹Asinain a kut cu a hnuh òhan i pakhat tu kha a chuak hmasa. Cun nau hlawmtu nih khan, “A! nangmah hi maw na chuak hmasa,” a ti. Cucaah a min ah Perez[36] an sak.

³⁰Cu hnuah a nau cu a kut i hrisen he cun a hung chuak. A min ah Zerah[37] an sak.