Read Hakha Chin GENESIS 47 Bible Online

GENESIS 47 - Hakha Chin bible

GENESIS 47

¹Cucaah Josef cu a va kal i Faro cu a va chimh i, “Kanaan ram in ka pa le ka unau pawl kha an saòil le an cawrun hna le an ngeihmi thil vialte he an ra phan cang i atu cu Goshen ram ah an um,” a ti.

²Cun aa kalpimi a unau panga hna kha Faro hmaiah cun a chuahpi hna.

³Annih cu Faro nih khan, “Zei rianòuan dah nan si?” tiah a hal hna i annih nih, “Kannih cu kan pu kan pa hna bantukin tuukhal kan si, bawipa,” tiah an leh.

⁴“Cun bawipa, hika ram i kan ratnak cu Kanaan ram chungah khan mangòam a fak tuk i kan saòil run caah khan ram zeihmanh a um lo. Cucaah cun bawipa, Goshen ram chungah hin kan umter ko tiah kan in nawl,” an ti.

⁵Faro nih Josef cu a thawh i, “Goshen ram chungah cun um hna seh, cun annih lakah thil ti khomi na hngalh hna ahcun ka saòil zohkhentu ah ka chiahpiak hna,” a ti. Jakob le a fapa hna cu Josef umnak Izipt ram i an va kal ah khan Izipt siangpahrang Faro nih khan a rak theih. Josef cu a thawh i, “Atu cu na pa le na unau pawl kha na sinah an rat cang caah Izipt ram cu a dihlak in nangmah nih na duhning in tuah ko. Ram chung a òhatnak bik hmun ah umter hna,” a ti.

⁷Cun Josef nih a pa Jakob kha a ratpi i Faro hmaiah khan a chuahpi. Jakob nih Faro kha thluachuahnak a pek.

⁸Faro nih khan, “Kum zeizat dah na ti?” tiah a hal.

⁹Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

¹⁰Jakob nih cun Faro cu thluachuah a pek tak i a kal.

¹¹Cun Josef nih cun a pa le a unau pawl cu Izipt ram chungah khan umnak a serpiak hna i Faro nawl peknak bangin Izipt ram chung i ram òha bik Rameses ram ah cun thilri a ngeihter hna.

¹²Josef nih cun a pa le a unau pawl le a pa innchungkhar chung mi vialte kha a hniang bik tiangin rawl a pek hna.

¹³Mangòam cu a fak tuk hringhran i vawlei cung khuazei hmanh ah rawl a um lo i an rawl a òam caah Izipt ram mi hna le Kanaan ram mi hna cu an der ngaingai.

¹⁴Izipt mi hna le Kanaan mi hna nih rawl an cawknak an tangka vialte cu Josef nih khan a pumh dih hna i Faro siangpahrang inn ah khan a chiah hna.

¹⁵Izipt ram tangka le Kanaan ram tangka vialte cu a dih tikah Izipt mi vialte cu Josef sinah khan an ra i, “Kan thihter sawh hlah, rawl cu kan pe ko; kan caah thil pakhatkhat tuah ko tuah. Kan phaisa a dih cang,” an ti.

¹⁶Josef nih cun, “Nan saòil rak pu hna u. Nan phaisa a dih cang ahcun nan saòil cun rawl hi i thlen u,” a ti hna.

¹⁷Cucaah an saòil cu Josef sinah khan an rak put hna i Josef nih khan an rangtum hna le tuu hna le meheh hna le caw hna le laa hna cu rawl khan a rak thlen hna. Cu kum cu an saòil man ah khan rawl cu a pek hna.

¹⁸A kumvoi ah an ra òhan i, “Bawipa, na sinin zeihmanh kan thup lai lo, kan tangka cu a dih cang i kan saòil cu nangmah ta an si cang. Atu cu nangmah pek awkah zeihmanh a tang ti lo, kan pum le kan vawlei dah ti lo cu.

¹⁹Kan thihter hlah! Zei zeital dik kan tuahpiak ko. Kan vawlei kha kan sunghter hlah. Nangmah nih rawl man ah kan lakpiak. Faro sal kan si lai i kan vawlei cu amah ta an si lai. Rawl loin kan thih nakhnga lo le kan vawlei hi thetse ram ah an can nakhnga lo thlaici kan pe tuah,” an ti.

²⁰Josef nih Izipt ram chung vawlei vialte cu Faro caah a cawk dih; mangòam cu a fah tuk hringhran caah a mi kip nih an lo kha an zuarh cio ko i Izipt ram cu a dihlak in Faro ta a si.

²¹Izipt ram khattelei deng in khattelei deng tiang mi vialte cu Josef nih sal ah a ser dih hna.

²²A cawk lomi ram cu tlangbawi hna ram a simi lawnglawng kha an si. Annih cu Faro nih ei awk a pek hna caah an ram zuarh cu a hau lo.

²³Josef nih mizapi cu a thawh hna i, “Nihin ah Faro caah nanmah le nan ram cu kan cawk cang hna. Hika ah hin nan caah thlaici a um. I lak u law nan lo ah tuh hna u.

²⁴Nan òuan tikah cheu nga cheu khat kha Faro nan pek lai. A taangmi cu nanmah caah a si lai, nan lo tuh awk thlaici ca le nanmah le nan innchungkhar hna le nan fale hna ei awk rawl caah a si lai,” a ti.

²⁵Annih nih an leh i, “Kan nunnak kha na kan khamh; kan cungah, bawipa, na òha i Faro sal kan si ko lai,” an ti.

²⁶Cuticun Josef nih Izipt ram chungah cun upadi pakhat a ser i cu upadi ah cun rawl a chuakmi vialte kha cheu nga cheu khat cu Faro ta a si. Cu upadi cu nihin tiang hin a hmun ko. Tlangbawi hna ram lawnglawng Faro ta ah cun an cang lo.

²⁷Israel mi cu Izipt ram ah khan an um i an rum i fa tampi an ngei.

²⁸Jakob cu Izipt ram ah khan kum hleisarih a nung, a kum kum za le sawm li le kum sarih a si tiang a nung.

²⁹A thih caan kha a naih tikah a fapa Josef kha a auh i, “Ka sinah bia i kam tuah. Na kut kha ka phei tangah chia law, na cungah ka òha lai i zumhawktlak tein ka um lai. Izipt ram ah kan vui lai lo tiin, bia i kam.

³⁰Ka pu le ka pa an vui hnanak hmun ah khan vui ka duh ve. Cucaah Izipt ram in ka chuahpi law an thlan ah khan ka vui,” tiah a ti. Josef nih cun, “Na chim bangin ka tuah lai,” tiah a leh.

³¹Israel nih cun, “Ka tuah lai, tiah bia i kam,” a ti. Josef nih bia cu aa kam i Israel nih cun a ihkhun lu lei hoih khan a lu a khun.