Read Hakha Chin GENESIS 8 Bible Online

GENESIS 8 - Hakha Chin bible

GENESIS 8

¹Pathian nih Noah le a sin i lawng chungah a ummi saram vialte le saòil vialte kha a philh hna lo, cucaah vawlei cungah thli a hranter i ti cu òum hram aa thawk.

²Vawlei tang rilipi an hna hna le van i a ummi awng hna cu a phih hna. Van in a rung surmi ruah cu a tlaih hna i

³ti cu a òum chin lengmang. Ni za le ni sawm nga chung ti cu a òum i

⁴thla sarihnak thla[5] a ni hleisarih ni ah Ararat ram tlang pakhat ah lawng cu aa din.

⁵Ti cu a òum chin lengmang i thla hranak thla[6] a ni khat ni ah tlang par kha an lang.

⁶Ni sawm li hnuah Noah nih thlalangawng kha a hun i

⁷langak pakhat a thlah. (Vawlei cungin ti cu a kao hlantiang a kenkip ah a zuang lengmang).

⁸Cun Noah nih cun ti cu a zor cang maw zor cang lo ti hngalhnak dingah òhuro pakhat a thlah,

⁹sihmanhsehlaw ti nih khan vawlei kha a rak khuh dih rih caah futnak hmun a hmu lo. Cucaah Noah nih khan a kut in a hei banh i lawng chungah cun a luh òhan.

¹⁰Ni sarih a ngan hnuah lawng chung cun òhuro cu a thlah òhan.

¹¹A sinah zanlei ah khan a ra kir i a hmur in oliv hnah tharte hi a hun i put. Cucaah Noah nih ti cu a òum cang ti kha a hngalh.

¹²Cun Noah nih cun a dang ni sarih a ngan òhan i òhuro kha a thlah òhan; tutan cu a ra kir ti lo.

¹³Noah kum za ruk le kum khat a si kum, thla khatnak thla[7] a ni khatnak ni ah, ti cu vawlei cungin a kao dih. Lawng cungkhuh kha a hun i khua a hei zoh tikah, vawlei cu a ro cang ti kha a hmuh.

¹⁴Thla hnihnak thla, cu thla ni kul le ni sarih ni ah vawlei cu a dihlak in a ro.

¹⁵Pathian nih Noah cu a thawh i,

¹⁶“Na nupi le na fapa hna le an nupile hna he, lawng chung hin chuak cang u.

¹⁷Cun saram vialte zong kha chuah hna § va si hna seh, saòil si hna seh, saram hna phun si hna seh, chuah dih hna law vawlei cungah hin fa hring òhan hna seh law karh òhan hna seh,” a ti.

¹⁸Cucaah Noah cu a nupi le a fapa hna le an nupile hna he khan lawng chung cun an chuak.

¹⁹Ramlak saram vialte, inn zuat saòil vialte, va vialte, saram hna phun vialte kha, anmah le an phun ning cio in a bubu in lawng chung cun an chuak.

²⁰Noah nih BAWIPA caah biakòheng pakhat a ser; saram thiang pawl le va chung khan phun khat ah pakhat cio a lak hna i khangh thawinak caah biakòheng cungah cun a khangh hna.

²¹BAWIPA nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh òhan ti lai lo; minung cu a no lio tein a ruahnak cu a òhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk òhan ti hna lai lo.

²²Vawlei a um chung paohpaoh cu Tuh caan a um lai i òuan caan zong a um ko lai. Khuasik caan a um lai i khualum caan a um lai, òhal caan a um lai i fur caan a um lai, chun a um lai i zan a um lai. Hi hna hi zeitikhmanh ah an dong lai lo,” a ti.