Read Hakha Chin 1 SIANGPAHRANG 13 Bible Online

1 SIANGPAHRANG 13 - Hakha Chin bible

1 SIANGPAHRANG 13

¹Cun zohhmanh, Judah ram chungin Pathian mi pakhat, BAWIPA bia thawngin Bethel ah a ra. Jeroboam kha zihmui khangh awkah biakòheng pawngah khan a rak dir ko.

²Cun mipa nih cun BAWIPA bia in biakòheng cu a auhnawh i, “Maw biakòheng, biakòheng, BAWIPA nih hi bangin a ti: ‘Zohhmanh, David innchungkhar chungah fapa pakhat, a min Josiah a simi a chuak lai; cun nangmah cung i zihmui a khangmi khuahrum bo tlangbawi hna cu nangmah cungah hin rai ah a thawi hna lai i mi ruh cu nangmah cungah hin khangh a si lai,’ a ti,” tiah a ti.

³Cun cu ni òhiamòhiam ah cun hmelchunhnak pakhat a pek i, “Mah hihi BAWIPA nih a chimmi hmelchunhnak cu a si: ‘Zohhmanh, biakòheng kha a cim lai i a cung i a ummi vutcam hna cu thlet an si lai,’ a ti,” tiah a ti.

⁴Cun Pathian mi nih Bethel biakòheng a chimhnawhchanmi bia kha siangpahrang nih a theih tikah, Jeroboam nih cun biakòheng cun a kut a hei samh i, “Tlai u,” tiah a ti. Cun a hei samhmi a kut cu a car i cucaah amah leiah a tum òhan kho ti lo.

⁵Pathian bia in Pathian mi nih hmelchunhnak a tuahterning khan, biakòheng zong cu a cim i biakòheng cung i vutcam cu an hlonh hna.

⁶Cun siangpahrang nih Pathian mi cu a thawh i, “BAWIPA na Pathian cu ka nawlpiak law, thla ka campiak tuah, ka kut hi a dam òhan nakhnga,” tiah a ti. Cun Pathian mi nih BAWIPA cu a nawl i siangpahrang cu a kut kha a dam òhan i hmasa i bantuk kha a si òhan.

⁷Cun siangpahrang nih Pathian mi cu a thawh i, “Ka sinah ka inn ah ra law, i hrim tuah, laksawng kan òhenh lai,” tiah a ti.

⁸Cun Pathian mi nih siangpahrang cu, “Na inn a cheu hmanh ka pe law nangmah sinah ka lut lai lo. Cun hi hmun ah hin changreu zong ka ei lai lo, ti zong ka ding lai lo;

⁹zeitintiah cuticun BAWIPA bia nih nawl a ka pek i, ‘Rawl zong na ei lai lo, ti zong na ding lai lo, na ratnak lam zongin na kir òhan lai lo,’ a ka ti,” tiah a ti.

¹⁰Cucaah lam dang in a kal i Bethel i a ratnak lam khan cun a kir òhan lo.

¹¹Bethel khua ah cun profet tar pakhat hi a um. Cun a fapa hna cu an ra i khi ni ah Pathian mi nih Bethel i a tuahmi vialte kha an chimh; siangpahrang sinah a chimmi bia zong kha an pa cu an chimh.

¹²Cun an pa nih cun a thawh hna i, “Khuazei lei lam in dah a kal?” tiah a ti hna. Cun a fapa hna nih cun Pathian mi, Judah ram in a rami a kalnak lam kha an hmuhsak.

¹³Cun a fapale cu a thawh hna i, “Laa kha ka danhpiak u,” tiah a ti. Cucaah laa kha an danhpiak i aa cit.

¹⁴Cun Pathian mi cu a hei dawi i kuhthing toi i a rak òhut ko kha a hmuh; cun a thawh i, “Nangmah hi Judah ram in a rami, Pathian mi cu na si maw?” tiah a ti. Anih nih, “Ka si,” tiah a ti.

¹⁵Cun anih nih amah cu, “Inn ah ka sinah ra law rawl ra ei tuah,” tiah a ti.

¹⁶Cun anih nih, “Na sinah kir awk ka si lo i nangmah sinah luh awk zong ka si lo; hi hmun ah hin nangmah sinah rawl zong ka ei lai lo, ti zong ka ding lai lo;

¹⁷zeitintiah Pathian bia nih hi bangin ka sinah, ‘Khika ah rawl zong na ei lai lo i ti zong na ding lai lo, na ratnak lam zongin na kir lai lo,’ a ti,” tiah a ti.

¹⁸Cun anih nih amah cu a thawh i, “Keimah zong hi nangmah bantukin profet ka si ve, BAWIPA bia in vancungmi pakhat nih pei ka sinah a chim i, ‘Rawl a ei i ti a din nakhnga, na inn ah hin hun kirpi òhan,’ a ti cu,” tiah a ti. Sihmanhsehlaw amah cu lih a chimh a si.

¹⁹Cucaah amah sinah a kir i a inn chungah rawl a ei i ti a din.

²⁰Cun cabuai i an òhut lioah khan a kirpi òhantu profet sinah khan Pathian bia cu a ra i,

²¹Judah ram in a rami Pathian mi sinah khan, “Hi bangin BAWIPA nih, ‘BAWIPA bia kha na ngaih lo i BAWIPA na Pathian nih nawl an pekmi nawlbia cu na zulh lo i,

²²sihmanhsehlaw na ra kir i, “Rawl ei hlah, ti ding hlah,” tiah a tinak hmun ah khan rawl na ei i ti na din caah, na pum cu na pupa hna thlan ah a phan lai lo,’ a ti,” tiah a au.

²³Cun rawl kha a ei i ti kha a din dih hnuah, a rak kirpimi profet kha laa cu a danhpiak.

²⁴Cun a kal lioah khan lam ah chiandeih nih a ton i a seh. Cun a pum cu lam ah cun a tla i laa cu a pawngah khan a dir ko; chiandeih zong cu a ruak pawngah cun a dir ve ko.

²⁵Cun zohhmanh, mi an va kal i lam i a ruak a rilh ko i a ruak pawng i chiandeih a dir ko kha an hmuh. Cun an ra i profet tarpa a umnak khua ah khan mah cucu an ra chim.

²⁶Cun lam in a hun kirpi òhantu profet nih khan mah cucu a theih tikah, “Pathian mi, BAWIPA bia zulh a duh lo mipa kha a si cu ta; cucaah BAWIPA nih amah cu a chimhmi bia ningin, BAWIPA nih amah cu chiandeih kha a pek i a rak thleh bauh i a rak thah,” tiah a ti.

²⁷Cun a fapale kha a thawh hna i, “Laa kha ka danhpiak u,” tiah a ti hna. Cun annih nih an danh.

²⁸Cun a va kal i a ruak cu lam i a rak rilh ko i laa le chiandeih kha a ruak pawng i an rak dir ko kha a hmuh. Chiandeih nih khan a ruak cu a rak ei lo, laa zong kha a thlek bauh lo.

²⁹Cun profet nih khan Pathian mi ruak cu a lak i laa cungah khan a chuan i òah awk le vui awkah khua ah khan a kirpi òhan.

³⁰Cun a ruak kha amah thlan ah khan a vui; cun amah cu an òah i, “Aize! ka naupa,” an ti.

³¹Cun a vui dih hnuah a fapa hna sinah khan, “Ka thih tikah, Pathian mi ka vuinak thlan ah hin run ka vui te u, ka ruh hna cu a ruh pawngah hin run chia hna u.

³²Zeitintiah Pathian bia thawngin Bethel biakòheng le Samaria ram chung khua i a ummi khuahrumbo hna inn vialte kong i a chimmi bia vialte kha a tling hrimhrim lai,” tiah a ti.

³³Hi thil hnu zongah hin Jeroboam cu lam òhalo a zulhmi khan aa mer hlei lo, sihmanhsehlaw khuahrumbo ca i tlangbawi cu mi zapi lak khan a ser hna; tlangbawi si a duhmi paoh kha khuahrumbo tlangbawi caah cun a thianter duahmah ko hna.

³⁴Cun mah hihi Jeroboam innchungkhar an ci a hmittu le vawlei cungin a hrawktu hna sualnak ah khan a cang.