Read Hakha Chin 1 SIANGPAHRANG 16 Bible Online

1 SIANGPAHRANG 16 - Hakha Chin bible

1 SIANGPAHRANG 16

¹Cun Baasha kong ah Hanani fapa Jehu sinah BAWIPA bia a phan i,

²“Nangmah cu leidip lakin kan hlorh i ka mi Israel mi hna hruaitu ah kan ser nain, Jeroboam lam kha na zul i ka mi Israel mi kha na sualter hna i an sualnak in ka thin na ka phawh caah,

³zohhmanh, Baasha le a innchungkhar cu ka hloh cikcek hna lai i na innchungkhar hi Nebat fapa Jeroboam innchungkhar bantuk ah ka ser lai.

⁴Baasha ta a simi paoh khua chung i a thih ahcun uico nih an ei lai; ramlak i a thih ahcun van i a zuangmi va nih an ei lai,” tiah a ti.

⁵Baasha tuahsernak a taang rihmi hna le thil a tuahmi le a òhawnnak cu, Israel Siangpahrang hna Chanrelnak Cauk chungah an i òial lo mei?

⁶Cun Baasha cu a pupa hna sinah a it i Tirzah khua ah an vui; cun a fapa Elah kha amah hmun ah cun a hung bawi.

⁷Cuhleiah Baasha le a innchungkhar he ralchanh in, a kut tuahmi thil in BAWIPA cu a thin a phawh i a mithmuh i òhat lonak a tuahmi vialte ca le Jeroboam innchungkhar bantuk a si i a hrawh zong a hrawh caah khan, Hanani fapa profet Jehu sinin BAWIPA bia cu a ra.

⁸Judah siangpahrang Asa, siangpahrang a si kum kul le kum ruknak ah Baasha fapa Elah nih Israel mi kha Tirzah khua in uk hram a thawk hna i kum hnih a pen hna.

⁹Sihmanhsehlaw a rangleng hnarcheu haotu Zimri nih a rawi. Tirzah khua i a um lio, a innchungkhar zohkhenhtu a simi Arza inn i ri lakin zu aa din ah khan,

¹⁰Zimri cu a ra lut i a tuk i a thah, mah cucu Judah siangpahrang Asa, siangpahrang a si kum kul le kum sarihnak ah khan a si. Amah hmun ah cun Zimri cu a bawi.

¹¹Pen hram a thawk tikah khan, a bawi òhutdan cung i a hung òhut cangka cun, Baasha innchung khar vialte kha a thah dih hna; a rualchan si hna seh, a hawikom si hna seh, pa pakhat hmanh a zuah hna lo.

¹²Cuticun Zimri nih BAWIPA nih profet Jehu in Baasha kong i a chimmi bia ningin, Baasha innchungkhar vialte cu a thah dih hna;

¹³mah cucu Baasha sualnak vialte le a fapa Elah sualnak vialte, anmah nih an tuahmi le Israel mi an sualtermi hna le BAWIPA, Israel Pathian cu an siasal in a thin an phawh ruangah a si.

¹⁴Elah tuahsernak a tang rihmi le a tuahmi vialte cu Israel Siangpahrang hna Chanrelnak Cauk chungah an i òial lo mei?

¹⁵Judah siangpahrang Asa, siangpahrang a si kum kul le kum sarihnak ah khan Zimri cu Tirzah khua ah ni sarih bawi a cang. Cun ralkap hna nih khan Filistin mi ta a simi Gibbethon kha an riahhnawh,

¹⁶cun a riahhnawhtu ralkap nih khan, “Zimri nih a rawi i siangpahrang kha a thah,” tiah an theih; cucaah Israel mi vialte nih ralkapbu haotu Omri kha cu ni ah cun riahhmun ah cun Israel siangpahrang ah an ser.

¹⁷Cucaah Omri cu Israel mi vialte he Gibbethon khan an hung kal i Tirzah khua kha an dum.

¹⁸Cun Zimri nih khua kha an lak cang, tiah a hmuh tikah, siangpahrang inn chung ralhruang chungah khan a lut i siangpahrang inn cu mei in aa duah chih i a thi;

¹⁹mah cucu amah nih a tuahmi sualnak le BAWIPA mithmuh i òhat lonak a tuahmi le Jeroboam lam a zulhnak le Israel mi a sualter hna ruangah khan a si.

²⁰Zimri tuahsernak a tang rihmi le rawinak amah nih a tuahmi kha, Israel Siangpahrang hna Chanrelnak Cauk chungah an i òial lo mei?

²¹Cun Israel mi cu cheu hnih ah an i cheu; mi hnarcheu nih Ginath fapa Tibni cu amah kha siangpahrang i ser awkah an zulh i hnarcheu nih Omri kha an zulh.

²²Sihmanhsehlaw Omri a zulmi hna nih Ginath fapa Tibni a zulmi hna kha an tei hna; cucaah Tibni cu a thi i Omri cu siangpahrang a cang.

²³Judah siangpahrang Asa, siangpahrang a sinak kum sawm thum le kum khatnak ah Omri nih Israel mi cu pen hram a thawk hna i kum hleihnih a uk hna; kum ruk cu Tirzah in a uk hna.

²⁴Shemer sinin Samaria tlang cu ngun talen pahnih in a cawk; tlang ah cun ralhau a sak i a sermi khua cu tlang a rak ngeitu Shemer min chuankhan in Samaria a ti.

²⁵Omri nih BAWIPA mithmuh ah thil òhalo a tuah i amah hlan i a rak ummi vialte hna nakkhan thil òhalo tam deuh a tuah.

²⁶Zeitintiah amah cu Nebat fapa Jeroboam lam kha a zul i Israel mi a sualter hnanak sualnak kha a tuah, mah cucu annih nih BAWIPA, Israel Pathian cu an siasal hna in a thin an phawhnak kha a si.

²⁷Omri tuahsernak a tang rihmi le òhawnnak a langhtermi cu, Israel Siangpahrang hna Chanrelnak Cauk chungah an i òial lo mei?

²⁸Cun Omri cu a pupa hna sinah a it i Samaria khua ah an vui; cun a fapa Ahab cu amah hmun ah khan a hung bawi.

²⁹Judah siangpahrang Asa, siangpahrang a si kum sawm thum le kum riatnak ah, Omri fapa Ahab nih Israel mi hna cu pen hram a thawk i Omri fapa Ahab nih cun Israel mi hna cu Samaria khua in kum kul le kum hnih a uk hna.

³⁰Cun Omri fapa Ahab nih amah hlan i a ummi vialte hna nakkhan òhat lonak BAWIPA mithmuh ah tam deuh a tuah.

³¹Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa òhit i a kal i Baal kha a rian a òuan i a biak.

³²Samaria khua chungah a sakmi Baal inn chungah khan Baal caah biakòheng pakhat a ser.

³³Cun Ahab nih Asherah pakhat a ser. Ahab nih amah hlan i a rak ummi Israel siangpahrang vialte hna nakkhan, BAWIPA, Israel Pathian cu a thin a phawh deuh.

³⁴Amah chan ah cun Bethel khuami Hiel nih Jeriko khua kha a ser; a hramlung phum ah cun fapa a hrin hmasa bik Abiram nunnak a hloh phah i a kutka ser ah cun a fapa hniang bik Segub nunnak a hloh phah, mah cucu BAWIPA nih Nun fapa Joshua in a rak chimmi bia ning khan a si.