Read Hakha Chin 1 SIANGPAHRANG 21 Bible Online

1 SIANGPAHRANG 21 - Hakha Chin bible

1 SIANGPAHRANG 21

¹Jezreel mi Naboth nih Jezreel khua ah, Samaria siangpahrang Ahab inn pawngah mitsur dum pakhat a ngei.

²Cun Ahab nih Naboth cu a thawh i, “Na mitsur dum cu ka inn pawngah a um caah an hringso dum ah ka hman nakhnga, ka pe tuah; cun a can ah mitsur dum òha deuh kan pek lai; cucu a si lo le, nangmah nih a òha na ti ahcun, a man cu tangka in kan pek ko lai,” tiah a ti.

³Sihmanhsehlaw Naboth nih Ahab cu, “Ka pupa hna ro na sin i kan pek hnga cu BAWIPA nih ka kham ko seh,” tiah a ti.

⁴Cun Naboth nih Ahab cu, “Ka pupa hna ro cu kan pe lai lo,” tiah a sin i a timi bia ruangah khan, Ahab cu thinhung le hmaichia in a inn chungah a lut. Cun a ihkhun ah a it i khattelei kha a hoi i rawl ei kha a duh lo.

⁵Sihmanhsehlaw a nupi Jezebel kha a sinah a ra i, “Zeicahdah cuticun na thlarau cu a thin a hun i rawl na ei duh lo?” tiah a ti.

⁶Cun anih nih, “Jezreel mi Naboth kha, ‘Na mitsur dum kha phaisa in kan cawk ko lai, cun cu ti a si lo le, na duh ahcun a ai ah mitsur dum dang kaan pek lai,’ ka ti i anih nih, ‘Ka mitsur dum cu kan pe lai lo,’ tiah a ka leh caah a si,” tiah a ti.

⁷Cun a nupi Jezebel nih a thawh i, “Israel hi atu ah nangmah nih na uk maw? Tho law rawl ei law na lung kha lawmhter tuah; Jezreel mi Naboth mitsur dum cu keimah nih kan pek lai,” tiah a ti.

⁸Cucaah Ahab min in ca a òial i a min khenhnak in a khenh hna i cu ca cu Naboth he a khua i a um òimi upa hna le bawi hna sinah khan a kuat.

⁹Cun ca chungah cun, “Rawl ulhnak thanh u law, Naboth kha mizapi lakah sang ngai ah hlorh u;

¹⁰cun mi òhiòhalo pahnih in amah hmaiah cun chia hna u law, ‘Nangmah nih Pathian le siangpahrang chiat na serh hna,’ tiin bia puh hna seh. Cun chuahpi u law thi lakin lung in chep u,” tiah a òial.

¹¹Cun a khuami, upa hna le bawi hna a khua chung i a ummi hna nih cun, Jezebel nih bia a cah hna bang khan an tuah. Anih nih a kuatmi hna ca chungah aa òial bangin,

¹²rawl ulhnak kha an thanh i Naboth kha mizapi lakah sang ngai ah an hlorh.

¹³Cun mi òhiòhalo pahnih hna kha an ra i a hmaiah khan an òhu; cun mi òhiòhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

¹⁴Cu tikah Jezebel sinah khan mi an hei thlah i, Naboth cu lung in cheh a si cang; a thi cang,” tiah an ti.

¹⁵Jezebel nih Naboth cu lung in cheh a si cang i a thi cang ti kha a theih cangka, Jezebel nih Ahab cu a thawh i, “Tho tuah, Jezreel mi Naboth nih phaisa in zuarh an sianh lomi mitsur dum kha i lak tuah; zeitintiah Naboth cu a nung ti lo, a thi cang,” tiah a ti.

¹⁶Cun Ahab nih Naboth kha a thi cang ti a theih cangka, Jezreel mi Naboth mitsur dum cu vung kal i vung i lak awkah a tho.

¹⁷Cu tikah BAWIPA bia cu Tishbemi Elijah sinah khan a ra i,

¹⁸“Tho law, Samaria khua i a ummi Ahab, Israel siangpahrang kha ton awkah vung kal tuah; zohhmanh, amah nih co awkah a kalhnawhmi Naboth mitsur dum chungah a um ko.

¹⁹Cun amah cu na thawh lai i, ‘Hi bangin BAWIPA nih, “Na thah cang i a ro zong na co cang maw?” a ti,” na ti lai. Cun nangmah nih amah cu na thawh lai i, ‘BAWIPA nih hi bangin: “Uico nih Naboth thi an liahnak hmun ah khan uico nih nangmah na thi an liah lai,” a ti,’ tiah na chimh lai,” tiah a ti.

²⁰Ahab nih Elijah cu, “Na ka hmuh cang mu, maw ka ralpa,” tiah a ti. Cun anih nih, “BAWIPA mithmuh i thil òhalo tuah awkah khan nangmah le nangmah cu naa zuar cang caah, kan hmuh cang.

²¹Zohhmanh, nangmah cungah òhat lonak ka tlunter lai; kan hloh cikcek lai i Israel mi chungah Ahab ta a simi pa paohpaoh cu, a luatmi siseh, a luat lomi siseh, ka hrawh dih hna lai;

²²cun ka thin na ka phawh ruang le Israel mi na sualter hna caah hin, na innchungkhar cu Nebat fapa Jeroboam innchungkhar bantuk le Ahijah fapa Baasha innchungkhar bantuk ah ka ser lai.

²³Cun Jezebel kongah hin BAWIPA nih, ‘Jezreel khua kulh chungah hin Jezebel cu uico nih an ei lai,’ a ti fawn.

²⁴Ahab ta a simi paoh cu, khua chung i an thih a si ah, uico nih a ei hna lai; ramlak i an thih a si ah, van i a zuangmi va nih an ei hna lai,” tiah a ti.

²⁵(BAWIPA mithmuh i thil òha lo tuah awkah aa pemi Ahab bantuk ahohmanh an um lo § cu vialte cu a nupi Jezebel nih a forh ruangah a si.

²⁶Israel mi nih ram kha an hun nam tikah an hmai in BAWIPA nih ram chungin a dawimi hna Amor mi nih an biakmi siasal biaknak thil fihnung bik kha Ahab nih a tuah).

²⁷Cun mah bia cu Ahab nih a theih tikah, a puan kha a thleh hna i a tak cungah puanchia aa hruk i rawl a ul i lungpur ngaiin aa chawk.

²⁸Cun BAWIPA bia cu Tishbemi Elijah sinah khan a ra i,

²⁹“Zeitindah Ahab nih ka hmaiah lungòhum ngaiin a um kha na hmu ko lo maw? Ka hmaiah a lung a òhumh caah òhat lonak kha amah chan ah hin cun ka tlunter lai lo; sihmanhsehlaw a fapa chan ah a innchungkhar cungah hin òhat lonak kha ka tlunter lai,” tiah a ti.