Read Hakha Chin 2 SIANGPAHRANG 21 Bible Online

2 SIANGPAHRANG 21 - Hakha Chin bible

2 SIANGPAHRANG 21

¹Manasseh cu bawi hram aa thawk ah kum hleihnih a si i Jerusalem in kum sawm nga le kum nga a bawi. A nu min cu Hefzibah a si.

²BAWIPA nih Israel mi hna hmai in a òhawlmi hna miphun hna nih an tuahmi fihnung phunglam ning khan, amah nih BAWIPA mithmuh ah òhat lonak kha a tuah.

³Zeitintiah a pa Hezekiah nih a rak hrawhmi khuahrum bo kha a remh òhan hna i Israel siangpahrang Ahab nih a tuah bantuk khan Baal le Asherah caah biakòheng a ser hna i van i a ummi thil vialte khi a biak hna i an rian a òuan hna.

⁴BAWIPA nih, “Jerusalem khua ah ka min cu ka chiah lai,” tiin a rak tihnawh chanmi BAWIPA inn chungah biakòheng a ser hna.

⁵Cun BAWIPA inntual pahnih chungah khan van i a ummi thil vialte hna caah biakòheng a ser hna.

⁶Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. BAWIPA mithmuh ah òhat lonak tampi a tuah i a thin a hunter.

⁷BAWIPA nih David le a fapa Solomon sinah, “Hi inn chungah le Israel miphun vialte lakin ka thimmi Jerusalem khua chungah ka min ka chiah zungzal lai i ka mi Israel mi hna nih hin nawl ka pekmi vialte hna ning le Moses nih nawl a pekmi vialte hna ning in an tuah ahcun an pupa hna sinah ka rak pekmi ram chung hin an ke cu ka pialter lai lo,” tiah a timi inn chungah khan amah nih a serchommi Asherah siasal cu a chiah.

⁹Sihmanhsehlaw annih nih an ngai duh lo i Israel mi hna hmai in BAWIPA nih a hrawhmi miphun hna nih an rak tuahmi nakkhan òhat lonak tam deuh Manasseh nih cun a tuahter hna.

¹⁰Cun BAWIPA nih, a sal profet hna in bia a chim i,

¹¹“Judah siangpahrang Manasseh nih hi thil fihnung hi a tuah hna i amah hlan ah a rak ummi Amor mi nih an tuahmi vialte nakin a òhalo deuhmi thil a tuah hna i a siasal hna in Judah mi kha a sualter hna caah,

¹²cucaah BAWIPA, Israel Pathian nih hi bangin a ti: ‘Zohhmanh, a òhat lo tuk i a theitu paoh an hna a khenh lai ding òhat lonak cu Jerusalem le Judah cungah ka tlunter lai.

¹³Cun Jerusalem cungah hin Samaria tahnak hri le Ahab innchungkhar suthri thlaimi cu ka zam hna lai i mi nih kheng cu an hnawh i an hnawh dih in a khup in an chiah bang khin Jerusalem cu ka hnawh lai.

¹⁴Cun a tangmi ka ro hi ka hlonh lai i an ral hna kut chungah ka chanh hna lai i an ral hna caah ral tlaihmi le hranchaw an si lai,

¹⁵zeicahtiah annih nih an pupa hna Izipt ram in an chuah ni in atu tiang ka mithmuh i òhat lonak kha an tuah lengmang ko;” tiah a ti.

¹⁶Cu hleiah Manasseh nih Judah mi kha a sualter hna caah BAWIPA mithmuh i òhat lonak kha an tuah i, kha a sualternak hna a sualnak hleiah khan, a sual lomi thisen tampi a chuah fawn, Jerusalem cu khattelei deng in khattelei deng tiang a khat.

¹⁷Manasseh tuahsernak a tang rihmi le a tuahmi vialte le sualnak a tuahmi vialte cu, Judah Siangpahrang hna Chanrelnak Cauk chungah an i òial lo mei?

¹⁸Cun Manasseh cu a pupa hna sinah a it i amah dum chung, Uzza dum chungah an vui; cun a fapa Amon cu amah hmun ah khan a hung bawi.

¹⁹Amon cu bawi hram aa thawk ah kum kul le kum hnih a si i Jerusalem in kum hnih a bawi. A nu min cu Meshullemeth a si, i amah cu Jotbah khuami Haruz fanu a si.

²⁰A pa Manasseh nih a rak tuah bangkhan BAWIPA mithmuh i thil òhalo kha a tuah ve.

²¹A pa nih a rak zulhmi lam kha a zulh hna i a pa nih an rian a rak òuanmi siasal vialte kha an rian a òuan hna i a biak hna;

²²BAWIPA, a pupa hna Pathian cu a hlawt i BAWIPA lam kha a zul lo.

²³Cun Amon cu a sinum hna nih an rawi i siangpahrang inn chungah khan an thah.

²⁴Sihmanhsehlaw Siangpahrang Amon a rawitu hna kha rammi nih an thah dih hna i rammi nih cun a fapa Josiah kha amah hmun ah khan siangpahrang ah an ser.

²⁵Amon tuahsernak a tang rihmi cu Judah Siangpahrang hna Chanrelnak Cauk chungah an i òial lo mei?

²⁶Cun amah cu Uzza dum chung i a thlan ah khan an vui i a fapa Josiah cu amah hmun ah khan a hung bawi.