Read Hakha Chin 2 SIANGPAHRANG 22 Bible Online

2 SIANGPAHRANG 22 - Hakha Chin bible

2 SIANGPAHRANG 22

¹Josiah cu bawi hram aa thawk tikah kum riat a si i Jerusalem in kum sawm thum le kum khat a bawi. A nu min cu Jedidah a si, amah cu Bozkath khuami Adaiah fanu a si.

²Cun BAWIPA mithmuh ah a dikmi thil kha a tuah i a pu David lam kha a zul, orhlei ah siseh, kehlei ah siseh a pial lo.

³Siangpahrang Josiah a bawi kum hleiriatnak ah Meshullam fapa Azaliah i fapa Shafan, caòialtu kha, BAWIPA inn ah a hei thlah i,

⁴“Tlangbawi ngan Hilkiah sinah khan hung kal law innleng cawngtu hna nih mi zapi sinin an lakmi tangka BAWIPA inn chung i luhpi a simi kha zeizat dah a si tiah rak rel seh;

⁵cun BAWIPA inn zohkhenhtu rianòuantu hna kut chungah rak pe seh; cun annih nih BAWIPA inn a remh lengmangtu,

⁶lehtama hna le inn satu hna le lung lei zungthiam hna kha rak pe hna seh, cun inn remhnak ca i thingah le khoihmi lung cawknak caah khan a si fawn lai.

⁷Sihmanhsehlaw annih nih lihchim lo tein an òuan caah an kut chung i pekmi tangka kha zeitindah an hman tiah tuakpiak òhan an si lai lo,” tiah a ti.

⁸Cun tlangbawi ngan Hilkiah nih caòialtu Shafan kha, “BAWIPA inn chungah phungbia cauk kha ka hmuh,” tiah a rak chimh. Cun Hilkiah nih cauk cu Shafan kha a pek i a rel.

⁹Cun caòialtu Shafan cu siangpahrang sinah a ra i siangpahrang cu, “Inn chung i a ummi tangka cu na sal hna nih an bungh i BAWIPA inn a zohkhenhtu rianòuantu hna kut chungah khan an chanh cang,” tiah a chimh.

¹⁰Cun caòialtu Shafan nih cun siangpahrang cu, “Tlangbawi Hilkiah nih cauk pakhat a ka pek,” tiah a ti. Cun Shafan nih Siangpahrang hmaiah cun a rel.

¹¹Cun siangpahrang nih phungbia cauk chung bia cu a theih tikah a puan kha a thleh hna.

¹²Cun siangpahrang nih tlangbawi Hilkiah le Shafan fapa Ahikam le Mikaiah fapa Akbor le caòialtu Shafan le siangpahrang sinum Asaiah kha nawl a pek hna i,

¹³“Va kal u law hi cauk hmuhmi chungbia kong ah hin BAWIPA cu, keimah ca le mi zapi ca le Judah vialte caah, va hal tuah u; zeicahtiah, kan pupa hna nih hi cauk chung i aa òialmi bia, kannih ca i aa òialmi bia vialte ning khan an rak tuah lo caah BAWIPA thinhunnak kan cung i a alhmi cu a ngan ko,” tiah a ti.

¹⁴Cucaah tlangbawi Hilkiah le Ahikam le Akbor le Shafan le Asaiah kha nu profet Huldah, hnipuan chiahnak zohkhenhtu Harhas fapa Tikvah i fapa Shallum nupi, sinah khan an va kal (amah cu Jerusalem khua chungah Sang Hnihnak ah khan a um); cun amah cu bia an ruah.

¹⁵Cun anih nih annih cu, “BAWIPA, Israel Pathian nih hi bangin a ti, ‘Ka sinah an thlahtu hna hi,

¹⁶Hi bangin BAWIPA nih a ti, zohhmanh, Judah siangpahrang nih cauk chung bia a relmi vialte kha, hi hmun cung le a chung i a ummi cungah òhat lonak ka tlunter lai,

¹⁷annih nih an ka hlawt i pathian dang hna sinah khan zihmui an khangh i annih nih ka thinphawhnak caah an kut in hi rian vialte kha an tuah caah hi hmun cungah hin ka thinhunnak cu a alh lai i a mit lai lo.

¹⁸Sihmanhsehlaw BAWIPA hal awkah an thlahtu hna Judah siangpahrang tu cu, hi bangin nan va chimh lai. Hi bangin BAWIPA, Israel Pathian nih a ti: Bia na theihmi kong ah,

¹⁹hi hmun le hika i a ummi hna cu an òiao lai i chiatserhnak an ing lai ti in ka chimmi bia kha na theih tikah na lung cu aa ngaihchih i BAWIPA hmaiah toidor in na um ca le na hnipuan na thleh hna i ka hmai i na òah caah, kei zong nih na bia cu kan theihpiak ve, tiah BAWIPA nih a ti.

²⁰Cucaah zohhmanh, nang cu na pupa hna sinah kan pumh lai i dai tein thlankhor na phan lai, cun hi hmun cung i òhat lonak ka tlunter laimi hi na mit nih a hmu lai lo,’ a ti, tiah chim hna, a ka ti,” tiah a ti. Cun siangpahrang sinah cun bia cu an hei lanhpi.