Read Hakha Chin 2 CHANRELNAK 14 Bible Online

2 CHANRELNAK 14 - Hakha Chin bible

2 CHANRELNAK 14

¹Cun Abijah cu a pupa hna sinah a it i David khua ah an vui; a fapa Asa cu amah hmun ah khan a hung bawi. Amah chan ah cun ram cu kum hra him tein a um.

²Cun Asa nih BAWIPA a Pathian mithmuh i a òha le a ding kha a tuah.

³Ram dang biakòheng hna le khuahrum bo hna kha a hrawh hna i tung kha a chimh hna i Asherim kha a hau hna i

⁴Judah mi hna cu BAWIPA, an pupa hna Pathian kha kawl awkah le phungbia le nawlbia kha zulh awkah nawl a pek hna.

⁵Cun Judah ram chung khua vialte hna chung khan khuahrum bo hna le zihmui biakòheng hna kha a hrawh hna. Cun ram cu a kut tangah hnangam in a um.

⁶Ram cu a daih caah Judah ram chungah khan kulh ngeimi khua a ser hna. Cu kum hna chungah cun BAWIPA nih daihnak a pek caah ral a ngei lo.

⁷Cun Judah mi cu a thawh hna i, “Hi khua hi ser hna u sih law vampang le innsang le kutka le kothrolh in kulh hna u sih; BAWIPA kan Pathian cu kan kawl caah ram cu kanmah ta a si rih; kannih nih amah kha kan kawl i anih nih a kenkip ah daihnak a kan pek,” tiah a ti. Cuticun khua cu an ser hna i an hungcho.

⁸Asa nih Judah in ralkapbu mi sing thum, phaw ngan pipi le fei in aa thuammi le Benjamin in phaw a thlir i likuk a kuaimi sing hnih le sang riat a ngeih hna; hi hna hi an dihlak tein ralòha miòhawng an si.

⁹Ethiopia mi Zerah nih ralkap nuai khat le rangleng sing thum he a chuahhnawh hna i Mareshah tiang a ra phan.

¹⁰Cun amah cu Asa nih a hei chuahhnawh ve i Mareshah i Zefathah nelrawn ah cun i doh awkah an i tiang.

¹¹Cun Asa nih BAWIPA a Pathian kha a auh i, “Maw BAWIPA, a òhawngmi le a dermi karlak ah, bawmtu nangmah bantuk ahohmanh an um lo. Maw BAWIPA kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw BAWIPA, nangmah cu kan Pathian na si; minung nih nangmah cu in tei hna hlah seh,” tiah a ti.

¹²Cucaah BAWIPA nih Ethiopia mi hna cu Asa le Judah mi hna hmaiah a tei hna i Ethiopia mi cu an zam.

¹³Asa le a sin i a ummi hna nih khan Gerar tiang an dawi hna i Ethiopia mi cu a nung in pakhat hmanh an taan lo tiang an thi; zeitintiah annih cu BAWIPA le a ralkapbu hmaiah cun an kuai dih. Judah mi nih cun hranchaw tampi an lak.

¹⁴Gerar pawngkam khua vialte cu an tuk i BAWIPA kha an òih caah an tei hna. Khua vialte kha an chungah hranchaw tampi an um caah an ramh hna.

¹⁵Cun saòil a ngeimi hna thlam kha an tuk hna i tuu le kalauk kha tampi an i kalpi hna. Cun Jerusalem ah an kir.