Read Hakha Chin 2 CHANRELNAK 4 Bible Online

2 CHANRELNAK 4 - Hakha Chin bible

2 CHANRELNAK 4

¹Dar biakòheng pakhat a ser i dong kul a sau i dong kul a kau i dong hra a sang.

²Hmaihum a ser i a pum i khattelei tlang in khattelei tlang cu dong hra a si i dong nga a sang i a tlang velchum cu dong sawm thum a si.

³A tangah cun umruang mui hri an um i dong sawm thum an sau i hmaihum cu a velchum in an kulh; umruang cu tlang hnih in an um i hmaihum an thlet ah khan an thlet chih hna.

⁴Hmaihum cu cawtum hleihnih cungah a dir, pathum cu chaklei an hoih, pathum cu nitlaklei an hoih, pathum cu thlanglei an hoih i pathum cu nichuahlei an hoih; hmaihum cu an cungah cun khin a si i an hnulei cu a chunglei an chanh cio.

⁵A chahlei cu zapar a si i a tlang cu hrai tlang bantukin an ser, lili pangpar bantuk a si; bath thong thum ring lo a tlum.

⁶Kut òawlnak kheng pahra a ser fawn hna, panga cu thlanglei kamah a chiah hna i panga cu chaklei kamah a chiah hna. Hi hna chungah hin khangh thawinak ca a simi thil kha an tlengh hna i hmaihum cu tlangbawi hna an i òawlnak ding caah a si.

⁷Cun rak ruah cia bang khan, sui mei vannak tung pahra a ser hna i biakinn chungah khan a hun hna, thlanglei kamah panga a chiah hna i chaklei kamah panga a chiah hna.

⁸Cabuai zong pahra a ser hna i biakinn chungah khan, thlanglei kamah panga, chaklei kamah panga a chiah hna. Cun sui khengkuar za khat a ser hna.

⁹Tlangbawi hna tual le tual ngan le tual ca i innkhar kha a ser hna i an innkhar hna cu dar in a hut hna;

¹⁰cun hmaihum cu inn thlanglei-nichuahlei kamah khan a hun.

¹¹Huram nih um hna le cawhlek hna le khengkuar hna kha a ser hna. Cuticun Huram nih BAWIPA inn ca i Siangpahrang Solomon a tuahpiakmi rian kha a lim:

¹²tungpi pahnih le kheng hna le tungpi dong i a ummi luchin pahnih hna; cun tungpi dong i a ummi luchin kheng khuhtu ding ca i sur bantukin sermi pahnih;

¹³cun tungpi dong i a ummi luchin kheng khuhtu hna ca i sur pahnih hna caah khan taleti za li, sur pakhat caah taleti rual hnih lengmang.

¹⁴Cun hunnak hna le hunnak cung i òawlnak kheng hna le

¹⁵hmaihum pakhat kha le a tang i cawtum hleihnih hna zong kha a ser hna.

¹⁶Um hna le cawhlek hna le keuòe hna le hi hna ca i thilri vialte cu Huram-abi nih khan Siangpahrang Solomon caah BAWIPA inn caah khan dar tleu in a ser hna.

¹⁷Jordan nelrawn, Sukkoth le Zeredah karlak i tlak hmun ah khan siangpahrang nih a thlet hna.

¹⁸Solomon nih hi thil vialte hna cu tam piin a ser hna i cucaah dar cu a khing zeizat a si kha hngalh khawh a si lo.

¹⁹Cuticun Solomon nih Pathian inn chung i a ummi thil vialte cu a ser hna: sui biakòheng, Hun Camcinmi changreu ca i sui cabuai,

²⁰ruah cia ningin hmunthiang chungchin i van awk ca meiinn tung hna le an meiinn hna, sui thiang in sermi;

²¹sui thiang bik in sermi pangpar hna le meiinn hna le cengceh hna;

²²sui thiang in sermi mei hmihnak hna, khengkuar hna, zihmui kheng hna le mei zahnak hna; cun hmun thiang bik luhnak chungchin innkhar hna le biakinn òuangpi innkhar hna ca i sui thiang in sermi biakinn kapza hna.