Read Hakha Chin EZRA 1 Bible Online

EZRA 1 - Hakha Chin bible

EZRA 1

¹Persia siangpahrang Sairas a bawi kum khatnak ah, Jeremiah kaa in BAWIPA nih a chimmi bia kha a tlin nakhnga, Persia siangpahrang Sairas lungthin cu BAWIPA nih a thawhter i cucaah a ram dihlak ah khan thawngthanhnak a tuah i ca zongin a òial:

²“Hi bangin Persia siangpahrang Sairas nih a ti: BAWIPA, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

³Nannih amah mi vialte hna, nan sin i a ummi paoh cu a sinah a Pathian kha um seh law, Judah ram i a ummi Jerusalem khua ah cun hung kal seh, cun BAWIPA, Israel Pathian inn cu hung sa seh § amah cu Jerusalem i a ummi Pathian cu a si;

⁴cun a nung rihmi paohpaoh cu, khuazei ka i a um a si hmanh ah, a umnak mi hna nih cun ngun le sui le thilri le saòil in, Pathian inn Jerusalem i a ummi ca i mah lungtho tein pekmi lengah khan, rak bawm hna seh,” a ti.

⁵Khi tikah Judah phun le Benjamin phun chung i pale innchungkhar lu cio a simi hna le tlangbawi hna le Levi mi hna, BAWIPA inn Jerusalem i a ummi sak òhan awkah Pathian nih an lungthin a canghtermi vialte kha an tho i,

⁶an pawngkam i a ummi vialte hna nih khan ngun umkheng le sui le thilri le saòil le a man a fakmi thilri khan, mah lungtho tein thawhmi thil ri lengah khan an bawmh hna.

⁷Nebukhadnezzar nih Jerusalem i a rak kalpi i a pathian hna inn chungah a rak chiahmi BAWIPA inn umkheng hna zong kha Sairas siangpahrang nih cun a chuah hna.

⁸Cu thil hna cu Persia siangpahrang Sairas nih cun, a rak kengtu Mithredath kha a chuahter hna i Judah bawi Sheshbazzar kha rel ciammam tein a pek.

⁹Cun hi vial hi an si: sui hmaihum sawm thum, ngun hmaihum thong khat, zihmui kheng kul le pakua,

¹⁰sui khengkuar sawm thum, ngun khengkuar za li le pahra, le umkheng dangdang thong khat an si;

¹¹sui umkheng le ngun umkheng vialte cu a dihlak ah thong nga, za li an si. Saltangmi hna cu Babilonia in Jerusalem ah hunpi an si tikah hi thil vialte hna hi Shesh-bazzar nih a hun ken hna.