Read Hakha Chin EZRA 6 Bible Online

EZRA 6 - Hakha Chin bible

EZRA 6

¹Cun Darius siangpahrang nih cun nawlbia a chuah i Babilonia i ca an chiahnak thilhlunkhonnak inn chung cu an kawl.

²Cun Media ram khuapi a simi Ekbatana khua ah khan cazual pakhat an hmuh i cu cazual chungah cun mah hihi aa òial: “Ken awk.

³Sairas siangpahrang a bawi kum khatnak ah, Sairas siangpahrang nih nawlbia a chuah: Jerusalem i a ummi Pathian kongah, raithawinak an pekchanhnak le khangh thawinak an rak putnak hmun inn cu sak òhan si seh; a san cu dong sawm ruk a si lai i a vang cu dong sawm ruk a si lai,

⁴lung ngan pipi tlar thum in an um lai i a thing cu tlar khat a si lai; cun a man cu siangpahrang tangka in pek si seh.

⁵Cun Pathian inn chung i sui le ngun umkheng hna, Jerusalem i a ummi biakinn chungin Nebukhadnezzar nih a lak i Babilon ah a ratpimi hna zong kha khirh òhan si hna seh law, Jerusalem i a ummi biakinn ah khan anmah le an hmunte cio ah chiah òhan si hna seh; Pathian inn chungah khan nan chiah hna lai,” ti in a um.

⁶“Cucaah Tattenai, Tiva Ral ram uktu bawi, Shethar-bozenai le nan hawikom Tiva Ral ram uktu bawi a simi hna, rak naih hna hlah u;

⁷hi Pathian biakinn rian hi dawnkhan hlah u; Judah mi uktu bawi le Judah mi upa hna nih hi Pathian inn hi amah hmun te ah khan sa òhan ko hna seh.

⁸Cuhleiah hi Pathian inn sak òhannak caah hin Judah mi upa hna caah hin zeidah nan tuah awk a simi kongah nawlbia ka chuah cang; hi mi hna hi a man cu tling tein le rau lo tein, siangpahrang tangka, Tiva Ral ram nih ngunkhuai an thawhmi chung khan pek an si lai.

⁹Cun annih nih vancung Pathian sinah khan raithawinak rim thaw kha an pekchanh i siangpahrang le a fapa hna nunnak caah thla an cam nakhnga, vancung Pathian sin i khangh thawinak caah a herhmi paoh cawtum no si hna seh, tuukawng si hna seh, tuu si hna seh, changvut si seh, cite si seh, mitsur hang si seh, chiti si seh, Jerusalem i tlangbawi hna nih an herh ningin nifate in pel lo tein nan rak pek hna lai.

¹¹Cun hi nawlbia hi ahohmanh nih an thlen ahcun a thlengtu cu a inn chung i kaan pakhat kha zuh a si lai i cu kaan ah cun amah cu òem chih i fung in tuk a si lai; cu pinah a inn kha chuh a si lai, tiah nawl zong ka ser fawn.

¹²Khika ah a min a umtertu Pathian nih hi thil hi thlen awkah le Jerusalem i a ummi Pathian inn kha hrawh awkah a kut a chuahtu cu ahohmanh, siangpahrang a si ah, miphun an si ah, hrawh dih si hna seh. Keimah Darius nih nawlbia hi ka chuah, fel tein tuah si seh,” a ti.

¹³Khi tikah Darius siangpahrang nih bia a kuat hna ningin, Tattenai, Tiva Ral ram uktu bawi, Shethar-bozenai le an hawikom hna nih Darius siangpahrang nawl pekmi cu fel tein an tuah.

¹⁴Cun profet Haggai le Iddo fapa Zekhariah chimnak thawngin Judah mi upa hna nih cun an sak i an hma a kal. Israel Pathian nawlbia le Persia siangpahrang Sairas, Darius, le Artazaksis nawl peknak thawngin, an inn sak cu an lim;

¹⁵cun hi inn cu Darius siangpahrang a bawi kum ruknak kum Adar thla ni thum ni ah lim a si.

¹⁶Cun hi Pathian inn pekchanhnak cu Israel mi hna le tlangbawi hna le Levi mi hna le saltannak in a kirmi a dang hna nih khan lunglawm ngaiin an hman.

¹⁷Hi Pathian inn pekchanhnak ah hin cawtum za khat, tuukawng za hnih le tuufa za li an pekchanh i Israel mi vialte sual thawinak caah Israel mi an phun ning zat in mehehtum hleihnih an pekchanh,

¹⁸cun Moses cauk chungah aa òial bangkhan, tlangbawi hna cu an i cheu ningin, Levi mi hna cu an phu an phu in, Jerusalem i Pathian rianòuan awkah khan an thiah hna.

¹⁹Thla khatnak thla, a ni hleili ni ah saltannak in a kirmi hna nih khan lanhtak puai kha an tuah.

²⁰Tlangbawi hna le Levi mi hna kha an i thianh cang caah, an dihlak in an thiang. Cucaah saltannak in a kirmi vialte le an tlangbawi bawi hna le anmah caah khan lanhtak tuufa kha an thah;

²¹Israel mi saltannak in a kirmi hna le BAWIPA, Israel Pathian biak awkah anmah sinah khan aa fon i cu ram mi hna thurhnawmhnak in aa thleidangmi vialte hna zong nih an ei ve.

²²Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.