Read Hakha Chin EZRA 9 Bible Online

EZRA 9 - Hakha Chin bible

EZRA 9

¹Hi thil hi tuah dih an si tikah, bawi hna nih cun an ka fuh i, “Israel mi hna le tlangbawi hna le Levi mi hna nih hin hi ram miphun Kanaan mi hna le Hit mi hna le Periz mi hna le Jebus mi hna le Ammon mi hna le Moab mi hna le Izipt mi hna le Amor mi hna le an thil fihnung hna sin khan an i thleidang lo.

²An fanu hna kha nupi caah le an fapale hna nupi caah an lak hna i cucaah phun thiang cu hi ram mi hna he hin cawh a si cang. Cun hi zumhtlak loin umnak ah hin bawi hna le upapa hna kha an zualhma,” tiah an ti.

³Mah hi ka theih tikah ka puan hna le ka angki kha ka thleh hna i ka lu sam le ka khahmul kha ka bawh hna i awlokchong in ka òhu.

⁴Cun salchuak pawl zumhtlak loin an um ruang i Israel Pathian bia ah a thermi hna cu, zanlei raithawinak tiang khuaruahhar in ka òhut ko lioah khan ka sinah an rak i pum.

⁵Cun zanlei raithawinak caan ah khan ka puan le ka angki tlek he cun rawl ka ulhnak khan ka hung tho i ka khuk kaa bil i BAWIPA ka Pathian sinah cun ka kut ka samh hna i:

⁶“Maw ka Pathian, nangmah lei hoih hi ka ning a zak i ka hmai a sen ko, zeicahtiah kan òhat lonak nih kan lu a lonh i kan mawhnak cu van a tawng.

⁷Kan pupa hna chan in nihin tiang mawhnak nganpi kan tuah lengmang ko; cun kan òhat lonak caah cun kanmah le kan siangpahrang hna le kan tlangbawi hna cu ramdang siangpahrang hna kut chungah pek kan si i vainam le saltannak le ramhnak le mualphonak cu nihin i bang hin rak in lengmang kan si.

⁸Sihmanhsehlaw atu cu caan tawite chung kha BAWIPA kan Pathian nih zaangfahnak kan cungah a langhter, kannih cu Pathian nih kan mit kha a ceuter i kan saltannak chungah khan nun òhannak tlawmte a kan pek nakhnga, a tangmi a kan nganhpiak i a hmunthiang chungah a himmi hmun a kan pek.

⁹Kannih cu sal kan si ko, sihmanhsehlaw sal kan sinak chungah hin kan Pathian nih a kan philh lo i kan Pathian inn cu dirh òhan awk le a rawhnak kha remh awk le Judea ram le Jerusalem khua ah kannih cu huhphenhnak pek awk le nun òhannak kannih cu pek awkah Persia siangpahrang hna hmaiah cun a fekmi a dawtnak tu kha a kan pek.

¹⁰“Maw kan Pathian, atu cu mah hnuah hin zeidah kan chim ti lai? Zeicahtiah na nawlbia,

¹¹na sal profet hna sinin na kan pek i, ‘Va co awkah nan va luhhnawh laimi ram cu, cu ram i a ummi hna thian lonak thawngin a thurhnawm i khattelei kam in khattelei kam tiang an fihnunnak le an thian lonak in a khatmi ram a si.

¹²Cucaah nan fanu hna cu an fapa hna kha pe hna hlah u law, an fanu hna zong nan fapa hna caah la hna hlah u, cun kan òhawng lai i ram chung thil òha cu kan ei hna lai i kan tefa hna cu zungzal ca in ro ah kan roh hna lai tiin annih he remnak siseh, rumnak siseh kawl hlah u,’ tiah na timi kha kan hlawt hna.

¹³Cun kan òhat lonak le kan mawhnak a nganmi ruang i kan cung i a tlungmi thil vialte hna hnuah hin, kan Pathian, kan òhat lonak nih a hmuh awk hnga nakin tlawm deuh in nangmah nih dan na kan tat i hi bantuk a tangmi hi na kan pek ti kha kan hmuh caah

¹⁴na nawlbia hna kha buar òhan in hi thil fihnung a tuahmi hna he hin kan i òhi-um ko rih lai maw? A tangmi siseh, a luatmi siseh, kan um lo tiangin kannih kha hrawh dih awkah kan cungah na thin a hung lai lo maw?

¹⁵Maw BAWIPA, Israel Pathian, nihin ah a si bang hin, kannih cu a luatmi a tangmi na kan nganh caah nangmah cu na ding ko. Na hmaiah misual si ko hmanh u sih law, kan zoh ko rih, zeicahtiah kan sualnak ruangah cun na hmaiah a dir khomi ahohmanh kan um lo,” tiah ka ti.