Read Hakha Chin ESTHER 2 Bible Online

ESTHER 2 - Hakha Chin bible

ESTHER 2

¹Hi thil hna hnuah hin, Siangpahrang Ahasuerus cu a thin a dam tikah, Vashti le a tuahmi kong i nawlbia chuah a simi kha a hun hngalh òhan.

²Cun siangpahrang sinum hna amah a bultawltu hna nih khan an thawh i, “Siangpahrang caah hin ngaknu dawh in kawlpiak u sih.

³Cun ngaknu dawh no tete hna cu Susa khuapi chung, nu umnak khaan chung i a pumtu dingah, siangpahrang nih a ram chung i a peng dihlak ah khan bawi chia hna seh, cu nu khaan cu siangpahrang tilditmi Hegai kut tangah a um i amah cu nu a zohkhenhtu hna cu a si; cun zihmui kha pek si hna seh.

⁴Cun siangpahrang lung a tongmi ngaknu kha Vashti hmun ah khan siangpahrangnu ah cang seh,” an ti. Cu nih cun siangpahrang cu a lung a ton i cu bantuk cun a tuah.

⁵Susa khuapi chungah cun Judah mi pakhat, a min Mordekai a simi a um; amah cu Jair fapa a si, Jair cu Shimei fapa a si, Shimei cu Benjamin phun Kish fapa a si;

⁶Mordekai cu Babilon siangpahrang Nebukhadnezzar nih Judah siangpahrang Jekoniah he a kalpimi saltang hna sinah khan Jerusalem khua in kalpi a si ve.

⁷Amah nih cun a pa unau fanu Hadassah cu nu siseh pa siseh a ngeih hna lo caah a cawm, Hadassah cu Esther cu a si; cu ngaknute cu aa dawh ngaingai i duh a nung ngaingai, a nu le a pa nih an thihtak tikah khan Mordekai nih amah fanu hrimhrim ah khan aa ser.

⁸Cucaah siangpahrang nawlbia le biakhiahnak cu thanh a si i ngaknu tampi cu Susa khuapi ah khan Hegai zohkhenhnak tangah pumh an si tikah, Esther zong cu siangpahrang inn ah cun an luhpi ve i nu zohkhenhtu Hegai kut tangah khan an chiah.

⁹Cun ngaknu nih cun a lung a ton i a hmaiah mithmai òha a hmu. Cun Hegai nih khan zihmui le a co awk hnga rawl kha siangpahrang inn in thimmi nu pasarih hna he khan khulrang in a pek hna i amah le a sinum hna cu nu khaan chung i hmun òha bik ah khan a kalter hna.

¹⁰Esther nih khan zei miphun dah a si i a rualchan kha ahodah an si ti kha a langhter lo; zeicahtiah Mordekai nih langhter lo awkin a fial.

¹¹Cun Esther nih khan zeidah a tuah i zeitindah a um ti hngalh awkah Mordekai cu nu khaan tual hmaiah khan nifate in aa chawk.

¹²Cun òamhnak nu ca i phung tuahmi thla hleihnih a dih tikah, cucu an i òamh caan cu va si kaw, thla ruk chung cu mura zihmui in, thla ruk chung cu nu ca i zihmui le sathau in hmeh an si; cun ngaknu hna caah Siangpahrang Ahasuerus sin i vung luhnak caan a phanh cio tik i

¹³ngaknu hna cu siangpahrang sinah an vung luh tikah khan, nu khaan chungin siangpahrang inn ah cun, an duhmi cio paoh kha hei i put awk pek an si.

¹⁴Zanlei ah an va kal i zinglei ah, siangpahrang tilditmi Shaashgaz nih a zohkhenhmi nu khaan pahnihnak ah khan an ra kir, amah cu nuchun pawl zohkhenhtu a si; siangpahrang nih khan a rak duhmi an si i an min in a kawh òhan hna lo ahcun siangpahrang sinah khan an lut òhan ti lo.

¹⁵Cun a fanu bantuk taktak ah aa serhtu Mordekai i a pa unau Abihail i a fanu Esther caah siangpahrang sin i va luh caan cu a phak tikah, siangpahrang tilditmi, nu a zohkhenhtu hna Hegai nih ruahnak a cheuhmi thil kha dah ti lo cu, zeihmanh Esther nih cun a hal lo. Cun Esther cu a hmumi paoh an mit a tling dih.

¹⁶Cun Esther cu Ahasuerus Siangpahrang sinah, thla hranak thla, Tebeth thla, siangpahrang a si kum sarihnak ah, a siangpahrang inn chungah khan an vun luhpi tikah

¹⁷siangpahrang nih cun Esther cu nu dang vialte nakkhan a duh deuh i ngaknu dang vialte nakkhan velngeihnak le mithmai òha a hmu deuh; cucaah a lu ah siangpahrang luchin kha a chinh i Vashti hmun ah khan siangpahrangnu ah a ser.

¹⁸Cun siangpahrang nih a bawi pawl le a sinum pawl vialte hna caah khan rawl danghnak nganpi a ser, cucu Esther rawldanghnak a si. Cun a pengmi hna kha ngunkhuai ngaihthiamnak a pek hna i siangpahrang nunsiannak he aa tlakning in laksawng a òhenh hna.

¹⁹Cun ngaknu hna cu a voi hnihnak an i pumh tikah Mordekai cu siangpahrang kutka ah khan a òhu.

²⁰Mordekai nih a fial bangin Esther nih zei miphun le ahodah a rualchan an si kha a langhter lo; zeicahtiah Esther nih Mordekai cu, a rak cawm lio bantuk te khan a nawl a ngaih.

²¹Cun cu caan ah cun, Mordekai cu siangpahrang kutka i a òhut lioah khan, siangpahrang a tildit pahnih innka a cawngtu Bigthana le Teresh cu an thin a hung i Siangpahrang Ahasuerus cu tlaih awk kha an timh.

²²Cun mah cucu Mordekai nih a hngalh tikah Siangpahrangnu Esther cu a chimh i Esther nih siangpahrang cu Mordekai min in a chimh.

²³Cun cu thil cu an hlat i a si taktak ti kha an hmuh tikah, cu mi hna cu an pahnih tein mi thahnak thing ah an thlai hna. Cun mah cucu Chanrelnak Cauk chungah siangpahrang hmaika ah khan an òial.