Read Hakha Chin EXODUS 28 Bible Online

EXODUS 28 - Hakha Chin bible

EXODUS 28

¹“Na u Aaron le a fapa hna kha Israel mi chungin ka sinah ratpi hna, Aaron le a fapa Nadab, Abihu, Eleazar le Ithamar cu ka tlangbawi rian a òuantu ding an si.

²Rumra le dawhnak a ngeih nakhnga na u Aaron caah cun thuam thiang na ser lai.

³Keimah nih thiamnak ka pekmi hna zungthiam vialte kha Aaron thuam cu serter hna law Aaron nih cun ka tlangbawi rian cu òuan seh.

⁴An ser hngami thuam cu hihi an si lai: òangbenh pakhat, angki thiang pakhat, puan pakhat, angki chung nawh òamhmi pakhat, lupawng pakhat le taisawm pakhat an si lai. Na u Aaron le a fapa hna nih khan ka tlangbawi rian cu an òuan khawh nakhnga thuam cu an serpiak hna lai.

⁵Zungthiam pawl nih cun cu thilthuam sernak ah cun sui le tuuhmul a senmi, sendung a simi le a dummi le khumla hmangòhia kha an hman hna lai.

⁶“Tlangbawi angki cu sui le tuuhmul a dum, sendung le a senmi le khumla hrual thawi in òamhmi in an ser lai.

⁷A kap veve ah khan a hnam pakhat veve an um lai.

⁸Cu angki he aa pehmi taisawm, dawh tein sermi cu, cu bantukin sermi a si ve lai, sui le tuuhmul a dum, sendung le a sen le khumla hrual hmangòhia in sermi a si lai.

⁹Karnelian lungvar pahnih kha na lak hna lai i cu lungvar cungah cun Israel fapa hna an min kha na òial hna lai;

¹⁰lung khat ah min ruk, a dang lung khat ah min ruk na òial hna lai i cu na òialmi hna cu an chuahning cio khan a si lai, a chuak hmasami kha hmasa deuh ah na òial hna lai.

¹¹Sui sertu hna thiamnak le minkhenhnak sertu hna thiamnak in, lungvar pahnih hna cungah cun Israel fapa hna min cu na òial hna lai i lungvar cu sui tlangkawm chungah na òhutter lai.

¹²Israel fapale hna kha philh lonak dingah, cu lungvar pahnih cu angki liang i bahnak a hnam ah khan na òhit chih hna lai. Cuticun Aaron nih khan an min cu a liang cungah aa chonh zungzal hna lai i Pathian nih a hngalh zungzal hna lai.

¹³Cun sui tlangkawm pahnih zong na ser hna lai i

¹⁴hri bantukin hrualmi sui hri pahnih zong na ser fawn hna lai; cu sui hrihrual cu a tlangkawm ah khan na ngerh hna lai.

¹⁵“Cun biakhiahnak òangbenh timi na ser lai; tlangbawi angki bantuk khan òha tein òamhmi a si lai. Sui le tuuhmul a dummi le sendung a simi le a senmi le khumla a hrual hmang òhia in na ser lai.

¹⁶Tungvangpalh a si lai i a bil in bil awk a si lai, lehhmah pakua a sau lai i lehhmah pakua a kau lai.

¹⁷A cungah cun lungvar tlar li in na benh hna lai; tlar hmasa bik ah cun rubi le topaz le karnet an si lai;

¹⁸tlar hnihnak ah emeral, safaiar le daimon an si lai;

¹⁹tlar thumnak ah jasin, agate le amethist an si lai,

²⁰tlar linak ah beril, oniks le jasper an si lai.

²¹Lungvar cu hleihnih an si lai i an cungah khan Israel fapale min kha an i òial lai. Lungvar cu Israel fapa hna zat kha an si lai i lung khat cungah khan Israel fapa hna lak i pakhat min paoh kha aa òial lai, min khenhnak cung min òial bantuk khin òial an si lai.

²²Cun òangbenh caah cun hri bantukin hrualmi sui òhi na ser lai;

²³cun sui in sermi a kual pahnih na ser hna lai i cu sui kual hna cu òang benh cunglei tlang ki veve ah khan na thlaih hna lai.

²⁴Sui hrihrual pahnih hna cu sui kual pahnih ah khan na khih hna lai.

²⁵Cun sui hri hrual khattelei par pahnih hna cu sui tlangkawm ah khan na khih hna lai i cuticun tlangbawi angki liangbahnak hnam ah khan a hmailei in na hren lai.

²⁶Cun sui kual pahnih na ser lai i, òangbenh i a tanglei tlang a chunglei kil veve tlangbawi angki chungah khan na thlaih hna lai.

²⁷Cun sui kual pahnih na ser hna lai i tlangbawi angki liang i bahnak hnam a hmailei tanglei tlang ah khan na thlaih hna lai, a tlang pawngte ah khan na thlaihnak cu a si lai i cucu òha tein le dawh tein tahmi taisawm cung deuhte ah khan a si lai.

²⁸Òangbenh kual kha angki kual ah khan la dum in òem chih an si lai i cuticun òangbenh cu taisawm cungte ah khan fek tein a um lai i a poih lai lo.

²⁹Aaron kha hmunthiang chung i a luh tikah a òang cung i a ummi biakhiahnak òangbenh cungah khan Israel fapa hna min kha an um lai i cuticun BAWIPA nih annih cu a hngalh zungzal hna lai.

³⁰Biakhiahnak òangbenh chungah cun camcawhnak Urim le Thummim kha na chiah hna lai i Aaron cu BAWIPA umnak chung i a vung luh tikah annih cu a òang cungah khan an um lai. BAWIPA hmaika i a um tikah Aaron nih khan a òang cung in, Israel mi hna ca i biakhiahnak thilri kha aa phorh zungzal lai.

³¹“Cun tlangbawi angki a khuhtu puanfual cu a dihlak in tuuhmul a dummi in na ser lai.

³²A laifang ah khan lu chuahnak ding caah awng pakhat in na ser lai. Cu awng cu tlek hlah seh tiah a tlang na kawm lai, saphaw angki hngawng bantukin a tlang na kawm lai.

³³Tanglei a tlang ah khan a velchum in tuuhmul a dum le sendung le a senmi in taleti na ser hna lai i an karlak ah sui khi-ing na chiah hna lai;

³⁴cuticun a velchum in a tanglei tlang ah cun sui khi-ing le taleti kha an um lai.

³⁵Cu puanfual cu Aaron nih tlangbawi rian a òuan tikah khan aa aih lai. Hmunthiang chungah a luh tik le BAWIPA umnak chung i a vung kal tik le cuka in a hung chuah tikah khan khi-ing cu an awn lai i cuticun amah cu thihnak a ing lai lo.

³⁶“Cun sui thiang in òamhnak pakhat na ser lai i a cungah, “BAWIPA sin pekmi” tiah na òial lai.

³⁷Cucu la dum in lupawng hmailei ah khan na òem chih lai.

³⁸Aaron nih khan cucu a cal ah a chiah lai i Israel mi nih BAWIPA an pekchanhmi thawinak ah khan òhat lonak a um sual ahcun, cuticun cu òhat lonak cu ngaihthiam a si lai. Cucu Aaron nih khan a cal ah aa ponh zungzal awk a si lai, zeicahtiah cu ti a tuahnak thawng cun BAWIPA nih an pekchanhmi kha a cohlanpiak hna lai.

³⁹“Khumla hmangòhia in angki na tah lai i khumla hmangòhia in lupawng le taisawm na ser hna lai i dawh tein na òamh hna lai.

⁴⁰“Aaron fapa hna cu rumra ngei hna seh, cun i dawh fawn hna seh tiah angki le luchin le taisawm na serpiak hna lai.

⁴¹Hi thuam hi na u Aaron le a fapa hna cu na hrukter hna lai. Cun chiti na toih hna lai, na thleidan hna lai i na thianter hna lai, cun ka tlangbawi rian kha an òuan lai.

⁴²Cun tawhrolh tawi, an tai in an phei tiang a phanmi kha na serpiak hna lai, lang sual hna hlah seh ti caah a si.

⁴³Aaron le a fapa hna nih khan pumhnak thlam chung i an luh fate le hmunthiang chung i tlangbawi rian òuan awkah biakòheng an fuh fate, cu tawhrolhtawi cu an i hruk hrimhrim lai, zeicahtiah lang sual hna hlah seh law thah si hna hlah seh ti caah a si. Hihi Aaron le a fapa hna caah a hmunmi phunglam a si.