Read Hakha Chin EXODUS 31 Bible Online

EXODUS 31 - Hakha Chin bible

EXODUS 31

¹BAWIPA nih Moses cu a thawh i,

²“Judah phun chung mi Hur fapa Uri i fapa Bazalel kha ka thim cang.

³Thil dawh tein ser khawhnak dingah thiamnak le thil ti khawhnak le hngalhnak a ngeih nakhnga Pathian thlarau in ka khahter cang.

⁴Cun a thiamnak cu hihi a si lai: pungsan dawh ngaiin ser khawh le sui le ngun le dar in òamh khawh le

⁵lungvar in òamh khawh le thing kha dawh tein suai thiam le aa dawhmi thil phun dangdang ser khawh kha an si.

⁶Cun amah sin i a òuan ve dingah cun Dan phun chung mi Ahisamak fapa Oholiab kha ka thim cang fawn. Cun zungthiam dang vialte kha thiamnak phunphun ka pek hna i cucaah ser awk tiah kan chimhmi vialte kha an ser khawh hna lai.

⁷Cu ser awk tiah kan chimhmi cu, pumhnak thlam, biakamnak kuang, cu kuang a cung chin, pumhnak thlam chung thilri hman awk vialte,

⁸cabuai le a thilri vialte, sui thiang in sermi mei vannak tung le a thilri vialte, zihmui khanghnak biakòheng,

⁹khangh thawinak khanghnak biakòheng le a thilri vialte, kut òawlnak hmaihum le a thilri vialte,

¹⁰rumra a kai ngaimi thilthuam thiang, Aaron le a fapa han nih tlangbawi rian an òuan caan ah an hmanmi,

¹¹thuhnak chiti le hmunthiang ca zihmui, hi an si. Hi thil vialte hi keimah nih kan chimhningte khan an tuah dih awk a si lai,” a ti.

¹²BAWIPA nih Moses kha a thawh i,

¹³“Israel mi cu, ‘Kaa dinh ni hi nan ulh hrimhrim lai, zeicahtiah hi ni cu nanmah le keimah, cun nan tefa le keimah karlak ah hmelchunhnak a si i cu hmelchunhnak nih a langhtermi cu BAWIPA keimah nih nannih cu ka mi ca hrimhrim i kan sermi hna nan si hi a si.

¹⁴Cucaah cun dinhnak ni cu nan ca i ni zarh ah ser a si cang caah, nan ulh hrimhrim awk a si. A ul lomi cu thah a si hrimhrim lai. Dinh ni i rian a òuanmi paoh cu a phun hawi sinin thlei a si hrimhrim lai.

¹⁵Ni ruk chung rian nan òuan lai, sihmanhsehlaw ni sarih ni cu dinhnak ni, BAWIPA ni zarh a si. Hi ni ah rian a òuanmi paoh cu thah a si lai.

¹⁶Israel mi nih dinh ni cu zungzal a hmunmi biakamnak caah nan techin nan fapar tiangin nan ulh lai.

¹⁷Hi ni cu Israel mi le keimah karlak i zungzal hmunmi hmelchunhnak a si, zeicahtiah BAWIPA keimah nih van le vawlei cu ni ruk chungah ka ser hna i ni sarih ni ah cun ka rian cu ka ngol i kaa din,’ a ti, tiah na chimh hna lai,” a ti.

¹⁸Sinai Tlang cungah BAWIPA nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a òialnak lungtlap kha Moses cu a pek.