Read Hakha Chin EXODUS 32 Bible Online

EXODUS 32 - Hakha Chin bible

EXODUS 32

¹Moses cu tlang cungah khan saupi a um i a rung òum ti lo tikah khan, Israel mi nih cun Aaron kha an pumhhnawh i, “Izipt ram in a kan chuahpitu Moses kha zei a can kan hngal ti lo, cucaah cun a kan hruaitu dingah pathian kan serpiak tuah,” an ti.

²Annih cu Aaron nih khan, “Nan nupile le nan fapale hna le nan fanule hna nih an i tonhmi sui tumbul kha va phoih hna u law rak pu hna u,” a ti hna.

³Cucaah mi nih khan an dihlak in an sui tumbul cu an i phoih i Aaron sinah khan an rak put.

⁴Tumbul cu a lak hna i a tit hna i a thlet i cawfa pakhat ah a ser. “Maw Israel mi hna hihi nan pathian cu a si, Izipt ram in an chuahtertu hna nan pathian cu a si,” a ti.

⁵Cun Aaron cu a thin a phang i sui cawfa hmaiah cun biakòheng pakhat a ser i mi zapi cu, “Thaizing ah BAWIPA upatnak caah puai a um lai,” tiah a thanh hna.

⁶A thaizing zingkate ah cun khangh thawinak sa kha an thawi hna i hawikomhnak thawinak caah saòil kha an rak put hna. Mi zapi cu ei awk le din awkah an òhu i i nuam ngaiin an um.

⁷BAWIPA nih Moses kha a thawh i, “Khulrang in vung òum tuah, zeicahtiah Izipt ram in na chuahpimi na mi hna nih khan an cungah ningzahnak an i tlunter cang.

⁸Nan zulh lai tiah ka timi hna lam cu khulrang in an kaltak i sui cawfa kha an i ser i cucu an biak i raithawinak kha an pek. Annih nih, ‘Israel, Izipt ram in a chuahtertu na pathian cu hihi a si,’ an ti,” tiah a ti.

⁹BAWIPA nih Moses cu a thawh i, “Hi mi cu ka hngalhmi hna an si, milungòhawng an si.

¹⁰Atu cu na ka onh ahcun, ka thinhunnak a alh in a alhmi in ka hrawh dih hna lai. Cun nangmah le na tefa cu miphun ngan ah kan ser hna lai,” a ti.

¹¹Sihmanhsehlaw Moses nih BAWIPA a Pathian cu a nawl i, “Maw BAWIPA, zeicahdah Izipt ram in na òhawnnak le na lianhngannak he na chuahpimi na mi hna cu na thinhunnak in na khangh hna lai?

¹²Zeicahdah Izipt mi nih khan, ‘A chuahpi hna kha tinhmi òhalo ngei in pei a si hrim kha, tlang cung i va thah hna awk le an dihlak in hloh cikcek duh ah pei a chuahpi ko hna cu,’ ti khawhnak an ngeih lai? A alh in a alhmi na thinhunnak cu i sum ko law na lung cu thleng law hi rawhnak cu na mi hna cungah cun tlunter sawh hlah.

¹³Na sal Abraham le Isak le Israel kha philh hna hlah law, an sinah na min chalh in chiatser in bia naa kam i, ‘Van i a ummi arfi zat khin tefa kan pek hna lai. Kan kamhmi hna ram hi a dihlak in nan tefa kha ka pek hna lai i anmah ta zungzal in a si lai,’ na timi zong kha philh sawh hlah,” a ti.

¹⁴Cucaah BAWIPA cu a lung aa thleng i ka tlunter lai a timi thil òhalo kha Israel mi cungah cun a tlunter òhan lo.

¹⁵Moses cu aa mer i tlang cung cun a vung òum, a kut in biakamnak lungtlap pahnih kha aa put hna i cu lungtlap cu a kap hnih in an i òial.

¹⁶Pathian sermi an si i an cung i aa òialmi cu Pathian òialmi an si.

¹⁷Joshua nih mi an au len thawng kha a theih i Moses cu, “Riahhmun ah raldohnak thawng ka theih,” tiah a chimh.

¹⁸Moses nih, “Cu thawng cu teinak hlasak thawng zong a si lo i sungh ruang i ngaihchia in òahnak thawng zong a si lo; ka theihmi hi hlasak thawng a si,” tiah a ti.

¹⁹Moses cu riahhmun pawng kha a phak i cawfa le minung a lam len komi a hmuh hna tikah a thin a hung ngaingai. Aa putmi lungtlap kha a hlonh hna i tlang hram ah khan a den hna.

²⁰An sermi cawfa kha a lak i mei ah a rawh i dip tein a rial i a dip cu ti cungah khan a hlonh i Israel mi cu kha ti kha a dinter hna.

²¹Aaron cu a thawh i, “Hi mi hna hi na cung i zei an tuah ruangah dah hi bantuk sualnak òihnung hi na tuahter hna?” a ti.

²²Aaron nih cun, “Ka cungah na thinhung hlah, bawipa; hi mi hna cu sualnak kan tuah lai an ti cang ahcun zeitluk in dah an lung a òhawn cu na hngalh.

²³An ka thawh i, ‘Izipt ram in a kan chuahpitu Moses kha zeitin a um kan hngalh ti lo caah, a kan hruaitu dingah pathian pakhat in kan serpiak,’ an ka ti.

²⁴Kei nih ka thawh hna i, ‘Ahodah sui a ngei?’ ka ti hna i sui hlawn a ngeimi nih khan an hlawn cu an i phuah i an ka pek i kei nih mei chungah ka paih hna i hi cawfa hi a hung chuak ko,” tiah a leh.

²⁵An pawngkam ah ral òihnung an um ko nain, Aaron nih khan siasal biaknak leiah a thlahdorh hna caah Israel mi cu an duhduh in an um cio ko ti kha Moses nih a hmuh.

²⁶Cucaah Moses cu riahhmun kutka ah khan a dir i, “Ahodah BAWIPA lei òang nan si? BAWIPA lei i a òangmi cu hika ah hin ra u,” tiah a au. Levi mi vialte kha a sinah cun an i pum i

²⁷annih cu a thawh hna i, “BAWIPA Israel Pathian nih, ‘Annih nih an vainam kha i lak hna seh law hi kutka hin khi kutka tiang riahhmun chungah hin i chawk hna seh, cun an unau si hna seh, an hawikom si hna seh an innpa si hna seh, that hna seh,’ a ti,” tiah a ti.

²⁸Moses nih a fial hna bang khan Levi mi nih cun an tuah i cu ni ah cun mi thong thum tluk an thah hna.

²⁹Moses nih Levi mi cu a thawh hna i, “Nihin ah hin BAWIPA tlangbawi rian òuan awkah nan i thleidang cang; cu nan i thleidannak cu nan fale hna le nan unau hna nan thah hna thawng hin a si; cucaah nannih cu BAWIPA nih nihin ah a thluachuahnak an pek hna,” a ti.

³⁰A thaizing ah Moses nih mizapi cu a thawh hna i, “Òih a nung ngaingaimi sualnak nan tuah cang. Asinain BAWIPA sinah tlang cungah ka hung kal lai i nan sual ngaihthiamnak ding kha ka hung hal lai, nan sualnak ngaihthiamnak cu a hmuh zong maw ka hei hmuh khawh phum,” a ti.

³¹Moses cu BAWIPA sinah khan a hung kal òhan i, “Hi mi hna nih hin a òhalo hringhranmi sualnak an tuah ko cang! An caah sui pathian an i ser.

³²Asinain an sualnak cu ngaithiam ko sawh hna. Cun na ngaihthiam khawh hna lo a si le nangmah nih na òialmi cauk chung khan keimah ka min tu kha hlo ko,” a ti.

³³BAWIPA nih Moses cu a thawh i, “Ka cauk chungin a min ka hloh ding cu ka cung i a sualmi kha a si ko lai.

³⁴Atu cu va kal law kan chimhmi hmun leiah khan mi cu va kalpi ko hna. Ka vancungmi nih lam an hruai hna lai kha va philh hlah, asinain an cung i rian òuan awkah ka rat tikah cun, an sual ruangah dan ka tat hna lai,” a ti.

³⁵Aaron kha cawfa ser an hnek caah BAWIPA nih mi zapi cungah cun rai a tlunter.