Read Hakha Chin EXODUS 38 Bible Online

EXODUS 38 - Hakha Chin bible

EXODUS 38

¹Khanghthawinak ca biakòheng cu anri thing in a ser. Tungvangpalh a si, pe sarih le a cheu a sau i pe sarih le a cheu a kau, cun pe li le a cheu a sang.

²A kil pali ah khan ki pali a bunh hna i cu ki pali hna cu a pum he khan an i peh dih. A dihlak in dar in a tuam.

³Biakòheng ca thilri, um, cawhlek, khengkuar, sio le mei zawhnak pakan kha a ser hna. A thilri vialte cu an dihlak in dar in a ser hna.

⁴Biakòheng caah cun fingrilh pakhat a ser i cu fingrilh cu dar fingrilh a si. Cu fingrilh cu a tlang tangah khan a chiah i biakòheng canceo cu a hun phak.

⁵Cun a zawnhnak kual pali a ser hna i dar fingrilh kil pali ah cun lang hrolhnak ding caah khan a thlaih hna.

⁶Lang cu anri thing in a ser hna i dar in a tuam hna.

⁷Cun biakòheng kap i aa thlaihmi kual ah khan a hrolh hna. Biakòheng cu thing phel in a ser i a chung cu a kua.

⁸Kut òawlnak dar kheng le a hunnak dar tawdanh cu nu pawl bihnak thlalang in a ser hna, cu nu pawl cu pumhnak thlam luhnak i rian a òuanmi kha an si.

⁹Tual kha a ser. Thlanglei kam ca puanzar cu khumlahrual hmangòhia in tahmi a si i pe za le sawm nga a sau.

¹⁰Tung pakul hna le an dirnak kedanh pakul hna cu dar in sermi an si. Cu tung sio hna zong cu dar in sermi an si; cun cu tung nih cun ngun fung an ngei cio.

¹¹Chaklei kamah puanzar cu pe za le sawm nga a sau i tung pakul nih an doh, cu tung pakul hna cu dar kedanh pakul chungah khan an dir i sio an ngei cio i ngun fung zong an ngei cio.

¹²Nitlaklei kamah puanzar cu pe sawm sarih le pe nga a sau i tung pahra nih an doh, cu tung pahra hna cu dar kedanh pahra chungah khan an dir i sio an ngei cio i ngun fung zong an ngei cio.

¹³A nichuahlei kam cu pe sawm sarih le pe nga a kau.

¹⁴A chung i vung luhnak khattelei kamah khan puanzar an um i pe kul le pe hnih le a cheu an kau i tung pathum kedanh chung i a dirmi nih khan an doh hna.

¹⁵Khattelei kap zongah cun cu bantuk òhiamòhiam cun a um; cucaah tual i vung luhnak kutka ah khan a kap hnih in puanzar pe kul le pe hnih le a cheu a kau i kedanh pathum chungah a dirmi tung pathum nih an dohmi kha an um veve.

¹⁶Tual velchum i an hmanmi puanzar cu khumla hrual hmang òhia in tahmi an si.

¹⁷Tung kedanh cu dar in an ser hna i tung ca i sio hna le an fung hna le an par khuhnak cu ngun in sermi an si. Tual kulhnak tung vialte cu ngun fung in peh dih an si.

¹⁸Tual luhnak kutka ca puanzar cu dawh tein òamhmi a si i tuuhmul a dum, a sendung le a sen le khumlahrual hmang òhia in tahmi an si. Pe sawm thum a sau i pe sarih le a cheu a sang i tual kulhnak puanzar bantuk kha a si.

¹⁹Dar kedanh pali chungah a dirmi tung pali nih an doh hna. An sio le an par tuamnak le an fung cu ngun in sermi an si.

²⁰Pathian umnak thlam le a velchum i a ummi a tual khenhnak fung cu dar in sermi an si.

²¹Biakamnak lungtlap an chiahnak Pathian umnak thlam chung hmanmi thilri cu hihi a si: Cu thilri hna cu Moses nih a fial hna ningin tuahmi an si i tlangbawi Aaron fapa Ithamar kuttang i a òuanmi Levi mi hna nih an sermi an si.

²²BAWIPA nih Moses a fialmi vialte kha Judah phun chungmi Hur fapa Uri fapa Bezalel nih khan a tuah dih hna.

²³Amah a bawmtu Dan phun chung mi Ahisamak fapa Oholiab kha lung òial thiam, pungsan suai thiam le tuuhmul a dum, sendung, a sen le khumla hmangòhia tah thiam a si.

²⁴Biakinn chung hmanmi sui cu a dihlak in pawng thong hnih za le sawm kua panga a si. BAWIPA sinah pekchanhmi biakinn cuaithlainak in thlaimi an si.

²⁵An milu relning in thawhmi ngun cu pawng thong sarih, za nga sawm nga a si, cu zong cu biakinn cuaithlainak in thlaimi òhiamòhiam an si.

²⁶Milu relnak ah relmi nih an thawh awk hnga a simi ning cio ah an thawhmi cu hi zat hi a si i biakinn cuaithlainak in thlaimi an si. Milu relnak ah cun, pa kum kul ri in a cunglei cu thong za ruk le thong thum, za nga le sawm nga an si.

²⁷Ngun chungin pawng thong sarih le za nga cu biakinn tungdanh le puanzar kedanh hna sernak ah khan hman an si: kedanh za khat an si i kedanh pakhat ah pawng sawm sarih panga cio a si.

²⁸A taang rihmi ngun pawng sawm nga cu tung, sio hna le an par khuhnak hna le an fung hna kha sernak ah khan Bezalel nih a hman.

²⁹BAWIPA sin pekmi dar cu pawng sing thum le pahra a phan.

³⁰Cu dar cun pumhnak thlam luhnak innka tungdanh hna le dar biakòheng le a dar fingrilh le biakòheng ca thilri vialte le

³¹a velchum i a ummi tual kulhnak tungdanh hna le tual luhnak kutka tung danh hna le Pathian umnak thlam le a velchum tual ca fungkhenh vialte kha a ser hna.